Matyò 10:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ghàyn ndu, ke kə ghàyn ndùə, ghàyn è ndaʼà nə, ‘Fɔ̂yn ə Fezhə̀vè ə paʼsê’

Matyò 10:7 Referans Kwoze

Ətefɨ̂aʼ 28:31

È tè ndàʼa tom ə̀ Fèzhə̀ kûmə̀ èfɔ̀yn ə Fezhə̀vè, zaʼlə̂ ə̀ghɨ kûmə̀ Pɛ̂pɛ Njisə̀s Klâys mə è ndə̀ʼə̀ fànə̀ va, wùə vîvè ə tàʼa mɔ̀msè se tàsə vəyn nə kə è wamne.”

Matyò 3:2

“Ghàyn kəmne ə ghànə sepi, kûmə̀ nə fɔ̂nə Fezhə̀ və paʼsê.”

Tom èchùŋ kè kə Lûk tè nyaʼ 9:60

Njisə̀s ə piə sê vəyn nə, “Za, əghɨ ghɛ ə ghe nyi kepî kə ghɨe kwutəghe ə pfɨ̂mə̀ əghɨe kwutə ə ghənə. Pîza sê ghò, ò ndâʼà ndùə saʼghe kûmə̀ èfɔ̂yn ə Fezhə̀e.”

Matyò 4:17

Se zhə̀tè ashìŋə̀ kɛ ə Njisə̀s tè ndùə Ngalìlî, ə zhə̀tə̀ se ndàʼà tom ə̀ Fèzhə̀ pîə nə: “Ghàyn kəmne ə ghànə sepi, kûmə̀ nə fɔ̂yn ə Fezhə̀ və paʼsə̂.”

Tom èchùŋ kè kə Lûk tè nyaʼ 16:16

Ə tè kwiə etîə Alàŋ ə Mosîskè fɨnə kwiə əfètə̂ ezaʼlê ə sèfɨ̀aʼtè seghaʼâsè se kɔʼɔ tàyn etuʼ ə Njɔyn Foə M̀mòze. Se zhə̀tə̀ kə etuʼ nə vɛ, e sè ndàʼà tom èchùŋ kûmə̀ èfɔ̂yn ə Fezhə̀e, naʼapi ndè e nô kə ndò se nji elùʼ efɔ̀yn nə vɨ̂yn.

Tom èchùŋ kè kə Lûk tè nyaʼ 9:2

ə tiynsə̂ ghənə nə ə fɨ ndù ndàʼà əghɛ kûmə̀ èfɔ̂yn ə Fezhə̀e ə fɨyn tsuʼ əghɨ ghɛ ə zafə.

Ŋwàʼlè ə̀ Mâk 6:12

Ghənə ə fɨə, zaʼlə̂ nə ghɨə kwiyne ə ghənə ə sepi.

Ətefɨ̂aʼ 10:25

Kè kə Pità tè kyiŋə se nji ə ndɛ, Kɔ̀nilùs ə ndùə kwəynə̂ è vəyn ə ngwuʼtə̂ ə vəyn əshi se fo vəyn è kɔʼsê ə vəynze.

Ətefɨ̂aʼ 4:2

Ghənə tè pə̀ zâ nyɔ̂ʼsə̀ ètɔŋ kûmə̀ nə Pità yî Njɔyn tè zaʼlə sê ghɨ nə Njisə̀s ə zòmə̀, ze tyə̂nə̀ nə ghɨə ghɛ ə nyi mə ə kwu tə zômə̀.

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Tom èchùŋ kè kə Lûk tè nyaʼ 9:6

Ghɨətom ə vəynghe ə fɨə kwiə ndùə kə ə tə̀ʼ ə tə̀ʼ, ndàʼà ndùə tom èchùŋ, fɨnə tsuʼə ə̀ghɨ naʼapi ghayn ə ghənə fe.

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Matyò 21:43

Njisə̀s ə kwəynsə̂ nə, “Ə tə fiə tsɨsə̀ eluʼ vayn sê ghàyn ghɛ ə ghàyn saʼa fɔ̂yn ə Fezhə̀vè ə fo sê ghɨ ghɛ ə ghe nyi chichi.”

Matyò 21:31

Njisə̀s ə pfɨfə sê wùə èshyə̀ èngaŋtə nə, Ə̀ nyi nde ə ghɔyn ghɨ̂yn əfètəyn ə̀pɛ̀ ə è nə̀yn ghɛ zɛ pɨ̀a tè kyiŋə ə? Ghənə pə̀ynsə̀ nə, “Ə nə̀yn və shi.” Njisə̀s ə ke pì sê ghənə nə, “M pîə sê ghàyn səmɔʼ nə, ghɨ ghɛ ə ghe tənə tâksè è kwàlàvè tə njiə elùʼ efɔ̂yn ə Fezhə̀vè sə ghàyn sə shi.

Matyò 11:1

Kə Njisə̀s tè zaʼle mɨ̂sè chùmtè èpàm sə vəynse njò sepɛ̀, è və ndò fumə elùʼ sè ndàʼà sè fɨnə zaʼlə̂ èghɛ ə Fezhə̀zè ə setɔ̂ŋ sɛ ə se tè nyì paʼsê fumə.

Matyò 10:8

Ghàyn tsuʼ ghɨə zafə, ə zòmsə̀ ghɛ ə nyi mə kwu, ə tsuʼ ghɨ ghɛ ə ghe kyi kwùsà, ə chûmə̀ fɨsə̂ tèpamə̂ tə satàyntè. Mə fo ghàyn è tyaʼa nə ghàyn nəyn ghɛ ghɨ̀nə̀ ə̀kɨ̂m pîza kyiŋə va ndâʼ zhîze sê ghàyn. Ghàyn pɔŋ nəyn ə̀ghɛ nə ghɨ̂yn mə ghàyn pfɨfə va ndaʼè sê ghɨə.