Matyò 10:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ghàyn zɨte! M tomə fɨsə̂ ghàyn nyi, ghàyn e ndûə sə̂ nyi kə sendzè əfètə̂ sènyàm se pɨase. Ghàyn kyi sə̂ tɔfə kə kə sembam, kyi sə̂ kyi èngɨmnê kə ekwɨ̀l.

Matyò 10:16 Referans Kwoze

Tom èchùŋ kè kə Lûk tè nyaʼ 10:3

Ghàyn ndu, pîza ghàyn ke nə m tomə ghàyn kə ghɔ sendzè əfètə̂ senyàm sə epɨase.

Filìpây 2:15

Kə wùə ə vayn kàʼa è pi nə ghàyn ə nə̀yn pofsê ghɛze, kɨ̀sə ghàyn kyi ndô ləʼke; kûmə̀ nə ghàyn nyi əghɔyn ə Fezhə̀ ə Ŋwaʼa ghɛ ghe ndamə ə mbi əfètəyn ə̀ghɨ̀ epi ghɛ ə ghe kɔ̂ŋə̀ sə̂ nə̂ ndûə kə pi shîŋə̀ tekɨ̂m. Ghàyn nyi ə ghənə əfètəyn ə mbi kə mlî mɛ m̀ panə.

1 Kɔlìŋ 14:20

Ghɔnyì ghɨmə, kə ghàyn fɨyn kwâʼtè kə mmɨ̂ətə̀. Ghàyn nyi mmɨ̂ətə̀ apàs se nə̀yn ə pi, pîza nyi ə̀ghɨ mə ndəmə̂ endom vɛ ə ghàyn kwàʼtə̀ ghɛghe ətəyn.

Kòlosè 4:5

Ghàyn e tɔfə endom vɛ ə ghàyn ndamə ətəyn ghâynghə̀ ghɨ ghɛ ə̀ va əghɨ epoməghe, nə̂ èfɨaʼ echûŋzè nâʼàpî ətəfè zhəmə̂ fèkè fɛ ə ghàyn kyi.

Tom èchùŋ kè kə Lûk tè nyaʼ 21:15

kûmə̀ nə nâʼà mi tə fo ewâmnè è tɔf eghaʼâzè sê ghàyn, ə wùə tàʼa kyàyn se kɔ̀psè əghɛ nə ghɛ ə ghàyn piə.

Ətefɨ̂aʼ 20:29

M ke ndô nə ə nə̀ pə ezhoghɛ m ndô, ə nyam sə epɨase pəyn nji ə ghàyn ə fètəyn, ə se tàʼa zà ə ghɨə pomə nə ghɨ̂yn.

2 Kolìŋ 11:3

M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.

1 Tèsàlonikà 5:22

ghàyn kwiynse nâʼàpî èghɛ èkè zɛ ə nyi eghɛ ətəm ə pighe.

2 Kolìŋ 11:14

Nâʼàpî sə kàyn, ə̀ vachi èghɛ ekaynəze kûmə̀ nə nâʼàpî satàyn kaŋa tyə̂nə̀ ngɨŋə̂ vəyn kə tsì ènyaynə.

1 Tèsàlonikà 2:10

Ghàyn nyi setsɛ̀ èsaʼ sasse, Zhə̀fè e nyi kepî tsɛ̀ èsaʼ vâsvè nə, ghɛ ghàs ghe nəghe sê ghàyn ghɨ poməghe tè nyîə zo, nyi chichi, kyi va ləʼke.

Kòlosè 1:9

Ghɛ nə zɨ̂nə̀ ə tə nə̀yn, ghàs e tsə̂mə̀ sê ghàyn se zhə̀tè etuʼ vɛ ghàs tè zɨ ghɛ ətəynghe. Ghàs tsə̀mə̀ nə Zhə̀fè nəyn ə ghàyn fɛte kê eghɛ zɛ ə fe kyiŋə nə ghàyn nəyn. Ghàs tsə̀mə̀ nə Zhə̀fè fo ghàyn ètɔfze, è kɨsè tɔf eghaʼâzè kə ghàyn fɛte kê ə̀ghɛ ə Sezuʼə achûŋ.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 8:20

Ghàs kyîə ètsâmtè nə zɨ̂yn ètɔfe kə ndɔ̀ʼɔ ghɨghə ghâmə̀ ghàs nə ə kyî pofsê.

Matyò 24:25

Ghàyn tɔʼ zɨtê! Mə kàynè tsayn ghɛ nə ghɨ̂yn sê ghàyn tsɔ̀fə ə ghe tə kyayn.

Matyò 24:45

Njisə̀s ə fɨnə pfɨfə nə, “Wùə èfɨ̀aʼa vɛ è zɨə pɛ̀ efɨ̀aʼ ə̀ vəyn fɨnə tɔfə nyi vɨ̀yn və? Ə̀ nyi vɛ ə pɛ̀ efɨaʼ ə̀ vəyn pî è ndùə èkwî, è və ndə̀mə̀ nə è və nyi àtu sê ghɨ mɔ̀ʼɔ, fo èfɨazhiəve sê ghɨə ashìŋə̀ kɛ ə ghənə kyiŋə.

Matyò 25:2

Ghənə ə tâyn tè nyîə ngô, ghə mɔ̀ʼɔghe ə tâyn e tɔfə.

Matyò 25:4

Pîza, ghe tɔfə ghɛ ə njìə sèsɔ̀ʼ ə ndə̀mə̀ kwəynsə kàlàshî ətəyn.

Matyò 25:9

Zəyn ghɛ ə tè kyi tɔfe ə pìə nə, ‘Ngaŋngaŋ! kàlàshî ətəyn vayn kàʼa è kwəyn sê ghàyn è kɨsè sê ghàs. Ghàyn ndu ə ndɛ è pəʼlə ə ghàyn zhɔyn zhîzè se ngɨŋ zâynzè.’