Matyò 1:22 - Ŋwàʼlè ə̀ Fèzhə̀ Mkâyn Mə̂ Fèm

²² Ghɛ nə ghɨ̂yn ə̀kɨ̂m tè kyàynə nyî se lwiynse əghɛ ghɛ ə Zhə̀fè tè tsayn tɔynə̂ ə fɨ̀aʼtè Vəyn nə,

Matyò 1:22 Referans Kwoze

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Matyò 2:23

È və ndùə sè ndamə ə tɔ̂ŋ zhîzè e tɔŋtə̂ nə Nazalɛ̀t. Ghɛ zɛ ə Zhə̀fè tè pi tɔynə̂ ə sèfɨ̀aʼtè nə: “Ə tə kê vəyn kə wùə ə Nazalɛ̀t ə pə̀ səmɔʼ.”

Ətefɨ̂aʼ 3:18

Pi kə ze tè kyayn za, Zhə̀fè ə lwiynsə̂ èwâmnè ə Vəynze, nâʼà sə mɨ kə È tè tsàyn sê fɨ̀aʼtè sekɨ̂m nə ə pi nə, vɛ ə chɔʼ ndə̂m tə fe ngəʼ.

Njɔyn 18:9

È və pìə nyi kə ghɛ zɛ ə È tè pì sê Pɨ̀a Vəyn kwəyn nə, “Pɛ̂, M tè pâʼà njìsè maʼà nâʼà wùə èmɔ̀ʼ əfètə̂ ə̀ghɨ̀ ghɛ ə Ô tè fo sê Mi.”

Matyò 13:35

È tè nə̂ nyi se lwiynsê əghɛ ghɛ ə Zhə̀fè tè pi tɔynə̂ ə fɨ̀aʼtè nə, “M tə nə̂ mə wàmnə̀ sê ghənə ə sengàyn. M tə zaʼlə̂ ə̀ghɛ sê ghənə mə wùə pâʼà tyəmə̂ ke nâʼà se etuʼ vɛ ə tè pom mbi.”

Njɔyn 17:12

Kə M tè pa nyi ghasè ghənə, M tè nyîə tɔ̂ʼnə̀ è ghənə atyaʼ ezə kɛ Ò tè fo sê Mi. Mə tə tɔ̀ʼnè è ghənə nâʼà wùə èmɔ̀ʼ ə ghənə fètəyn ə tàʼa njìsè ə̀ tsɛ̂ kə va vɛ ə è tè kyi ke se njìsè kə ghɛ zɛ ə tè nyàʼ ə ŋwàʼlè Fèzhə̀ pəyn səmɔʼ.

Njɔyn 15:25

Zɨnə tè kyi se kyàyn endom kə ghɛ zɛ ə tè nyàʼ ə ghənə alàŋ pəyn səmɔʼ nə, ‘Ə tè pàyn kê Mi sə ndô.

Njɔyn 10:35

Ghàs ke ndô nə ghɛ zɛ ə ŋwàʼlè ə Fezhə̀ pìə nyì səmɔʼ, nyi se tə ndamə faŋ; ə nyì sê ghɨ̂yn kə Zhə̀fè tè tɔŋte nə mzhə̀ kə Fe tè tsɛ̀sə tom ə̀ Vəyn se ghənə.

Matyò 13:21

Pîza tom nə zɛ ə pâʼà lotə njiə tyə̂m ə ghənə ətəm. Ghənə ə pomə̂ zə̂ynzè kè sə fendiŋə̀ fe tətə̂fè pîza Shɨ̂ŋə̀ kɛ ə tsôsvè kɨ̀sə etsə̂fsè pə̀yn kûmə̀ tom ə̀təyn, ghənə ə kɛsə̂ ndûə epàm.

Matyò 12:17

È tè nəyn nyi se lwiynsê eghɛ zɛ ə Zhə̀fè tè pi tɔynə̂ Fɨ̀aʼtè Èsayà nə:

Matyò 2:15

È tè ndam fu se zaʼâ kə Ɛlɔ̀t kwu. Zɨnə mə tè kyàyn nə ghɛ zɛ ə Zhə̀fè tè pì tɔynə̂ ə fɨ̀aʼtè ə̀ vəyn pəyn səmɔʼ nə, “Mə pì nə vayn vɨ̂mè ndo fɨ ə Enjìp.”

Matyò 8:17

Njisə̀s tè nəyn zɨnə mə se lwiynsê eghɛ zɛ Zhə̀fè tè pî tɔynə̂ ə fɨ̀aʼtè Èsayà nə, “È və tə njì zaftə ghasènìte ə pɨ̀aʼà tsɨsə̀ tè zaf tɛ ə te nyi ə ghâsènì mwìyn.”

Matyò 5:17

Kə ghàyn ə kwaʼtə nə m pə̂ mbi se kəʼsê Alâŋ ə Mosîskè è zaʼlê ə se fɨ̀aʼtè. M pâʼà pə̀yn se kəʼsə̂ təynte, pîza se pɨlə nə̀yn nə zaʼlê ə ghənə̂zè pəyn səmɔʼ.

Tom èchùŋ kè kə Lûk tè nyaʼ 21:22

Ə̀ tə nə̂ ə nyi mtuʼ mɛ ə kə Zhə̀fè fo ngəʼ sê ghɨ ətəyn se nə̀yn nə nâʼà əghɛ ghɛ əkɨ̂m ə tè nyàʼ ndəm ə Ŋwàʼlè ə̀ Fèzhə̀ kwəyn.

Etyə̂yn ə paynsêzè 17:17

E nyi nyî kûmə̀ nə Zhə̀fè ə ndə̀m ə ə ghənə ətəm nə ghənə ə nə̂ kə èghɛ zɛ ə è kyiŋə, tɔynə̂ ə ghənə etsɨ̀yntè se fo atyaʼ kɛ ə ghənə kyi sə saʼa sê nyàm èpamə nə zɛ se zaʼâ kə wâmnə̀ ə Fezhə̀zè tə pəyn səmɔʼ.

Ŋwàʼlè ə̀ Pɔ̂l sê ghɨə Lûmghè 1:2

Ə tom èchùŋ zɛ ə Zhə̀fè nyi mə Fe ə tə kɨytê tsɨ̂nè nə zhi tə fo sê ghɨ Vəynghe. È və tə tsàyn se fɨ̀aʼtèsè ghɛ kûmə̀ tom èchùŋ ə̀təyn kè kə nyi mə ə nyàʼ ə Ŋwàʼlè Èŋwaʼa.