Matyò 1:21 - Ŋwàʼlè ə̀ Fèzhə̀ Mkâyn Mə̂ Fèm

²¹ È nə̀ piə vayn ndômə̀ ə ò tsɨ zə vəyn nə Njisə̀s, kûmə̀ nə è tə sɔ̀zâ ə̀ghɨ ə vəynghe ə ghənə sepi.”

Matyò 1:21 Referans Kwoze

Ətefɨ̂aʼ 13:23

Njisə̀s vɛ ə è tè fɨ etɔ̀ŋ ə ndɛ Ndàfîtzè, ə nyi Vəyn vɛ ə Zhə̀fè tè ndəm nə è və nyi Sɔ̀zà se ghɨə Isìlâyghè, kè kə è tè tsɨ̀ne nə Zhi tə nə̂.

Ətefɨ̂aʼ 4:12

Ə̀ nyì ke Vəyn ènɨŋ ə È kàʼa ə È sɔza ə̀ghɨ, kûmə̀ nə Zhə̀fè pâʼà fɨyn fo wùə vîvè ə mbi kə è kàʼa ə è sɔza ghâsènì.”

Njɔyn 1:29

Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!

1 Njɔyn 3:5

Ghàyn ke nə Klâys tè pə̀yn ə mbi se kəʼsê ə sepi sə ghasènìse. È pâʼà tyəmə̂ nə̂ pi zhîzè.

Tom èchùŋ kè kə Lûk tè nyaʼ 2:21

Ə̂ pə̀ kə̂ ə se nam ə vanə ə mtuʼ mfamə, ə̂ tsɨ̀ə ezə ə vayn nə Njisə̀s, kè eghɨ kə tsì tè pə̀yn pi, ndɔ̀ʼɔ nyiəm pɔŋ vəyn.

Ətefɨ̂aʼ 5:31

Zhə̀fè ə njìə kɔʼsə̂ Vəyn ə Vəyn ekɔyntwɔ ə nə̀ Vəyn nə È və nyi Wùə èchisə fɨyn nyi Sɔ̀zà, kə È nəyn ə ghɨə Isìlâyghè ə kyi èndom se kwiynê ətəm ə ghɛ piə ghənə, kə Zhə̀fè lɛse fo sèpi sə ghənə̂sè.

Tom èchùŋ kè kə Lûk tè nyaʼ 1:31

Ò ke nə ò nə̀ tyəmə̂ èndwɔ̂ ə ò piə vayn ndômə̀ ə ò tsɨ̀ zə əvəyn nə Njisə̀s.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Tom èchùŋ kè kə Lûk tè nyaʼ 2:11

Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

1 Njɔyn 1:7

Pîza, ə ghâsènì kwîə əfètə̂ èpayn kèpi eghɨ kə Zhə̀fè nyi əfètə̂ èpayn, ə ghâsènì ə tsɨ̂yntè nyi ke sə afɨa àmɔ̀ʼ, ə ndə̂m mə̂ Njisə̀sə̀m, ə Va Fèzhə̀ shuə zosê ghâsènì ə ghâsènì ə sepi sekɨ̂m.

Ətefɨ̂aʼ 3:26

Zhə̀fè ə ke chɔʼə Wufɨ̀aʼa ə̀ Vəyn ə tomə sê ghàyn sə shi, nə È nəyn kə nâʼàpî ndè ə ghàyn əfètəyn za ndomte pite ə è kyi pɔsê nə zɨ̂nə̀.”

Etyə̂yn ə paynsêzè 7:14

Mə pə̀ynsə̀ sê vəyn nə, “M ke va ə Pɛ̀ apɨəyn, ə̀ ke ke ghò.” È və ke pì sê mi nə, “Ə̀ ghɨ̂nə nyi əghɨ ghɛ ə ghe tè mɔ̀mse, ə tsɛ̀ fɨə e tsə̀fsè ekwəmnə zɛ. Ghənə shù ndzɨs sə ghənə̂sè è ndə̂m mə Va Ndzèm, se fɨfə kə nyî.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

Tom èchùŋ kè kə Lûk tè nyaʼ 1:13

Pîza tsì nə zɛ ə pìə sê vəyn nə, “Kə ò fayn ə Sàkàlyâ kûmə̀ nə Zhə̀fè əzɨ tsə̂m zɛze. Zhwi vɛ̂vè Ɛ̀lisapɛ̀t nə̀ piə vâyn ndômə̀ sê ghò, ə ò tsɨ̀ zə vəyn nə Njɔyn.

Matyò 1:25

Pîza ə tàʼa pɨəyn è Mèli se zaʼâ kə è piə vâyn èndômə̀. Njosɛ̀f ə tsɨ̀ə èzə ə vəyn nə Njisə̀s.

Njɔyn 4:42

Ghənə ə pìə sê wùzhɔyn nə vɛ nə, “Ghasə pomə se Njisə̀s zôyn, ə va chi kûmə̀ èghɛ zɛ ə ò pì, kûmə̀ nə ghàs è ngɨŋ sas se ə zɨ zaʼlə ə Vəyn, ə kê səmɔʼ nə È lote nyi Sɔ̀zà ə̀ mbi.”