Tom èchùŋ kè kə Lûk tè nyaʼ 9:48 - Ŋwàʼlè ə̀ Fèzhə̀ Mkâyn Mə̂ Fèm

⁴⁸ ə piə sê ghənə nə, “Ə̂ tɔ̀ʼnə̀ pi ndè è vayn nyiə kə vɨ̀nə kûmə̀ mi, ə nyi mə è tɔ̀ʼnə̀ è mi. Ə vɛ ə è tɔ̀ʼnè è mi ə ke nə è və tɔ̀ʼnè è vɛ ə è tom mi. Ghàyn ke nə wùə vɛ ə è tətə kwûŋsə̀ ə ghàyn əfètəyn əkɨ̂m nyi vəyn vɛ ə è ngaŋte tsɛ̂.”

Tom èchùŋ kè kə Lûk tè nyaʼ 9:48 Referans Kwoze

Tom èchùŋ kè kə Lûk tè nyaʼ 14:11

Nâʼàpî ndè vɛ ə è kɔʼsə ngɨŋ ə vəyn ekwùtwəyn, Zhə̀fè nə̀ tsosə̂ vəyn əchi, ə naʼapi ndè vɛ ə è njiə ngɨŋ ə vəyn əchi, ə Zhə̀fè nə kɔʼsê vəyn ekwùtwəyn.”

1 Pità 5:6

Ghàyn e ngɨmnə̂ sèngɨŋ saynse ə Zhə̀fè əshi vɛ ə è kyi tyaʼke kə shîŋə̀kè tə kwəyn ə è ndwise ghàyn.

Tom èchùŋ kè kə Lûk tè nyaʼ 22:26

Ze va sə̂ nyi za se ghàyn. Wùə e ngaŋtə ə ghàyn əfètəyn e kyi sə nyi kə wùə vɛ e tətə kwûŋsə̀, vɛ e nyi atu e pɨl nyi sə̂ nyi sə wùə ə fɨaʼa se ghàyn.

Njɔyn 13:20

M pîə sê ghàyn səmɔʼ nə, ə̂ fi ndzɨse pîndè wùə vɛ ə m tom, ə ə̀ nyi mə è fi ndzɨsê mi, ə̂ fiə ndzɨsə̂ pîndè mi, ə ə̀ nyi mə è fi ndzɨsê vɛ ə è tom mi.”

Tom èchùŋ kè kə Lûk tè nyaʼ 10:16

È və wàmnə̀ zâ ə se pi sê ghɨətom nə ghɛ nə, “Nâʼàpî ndè vɛ ə è zɨ ghàyn, ə zɨ mi. Nâʼàpî ndè vɛ ə è toynse se zɨə ghàyn, ə toynse se zɨə mi. Vɛ ə è toynse mi, ə toynse vɛ ə è tom mi.”

Etyə̂yn ə paynsêzè 3:21

Ə̀ nò zhi pîndè, ə m fo vəyn è tyaʼke nə è tsɨsə ə mì etipì, ə mì ə fekyə̀ fə efɔ̀ynfè. Kè kə M se nyi mə mə nò ə zhiə sè tsɨs zôyn ə Pɨ̀a vɨ̂mvè etipì, ə Vəyn elùʼ efɔ̀yn.

1 Tèsàlonikà 4:8

Ə̀ kwiynsə̂ nâʼàpî ndè ghɛ zɛ ə ghàs zaʼlə, ə è və kwiynsə̂ va wùə, pîza kwiynsə̂ Fèzhə̀ fɛ ə fe fo Zuʼse Ŋwaʼa sə vəynse sê ghàyn.

Njɔyn 14:21

Ghɨ ghɛ ə pomə lwɔ̂ŋ vɨmve ndə̂mə̀ vəynve, ə ə̀ nyi ghɛ ə kɔ̀ŋə̀ Mi. Pɨ̀a vɨm tə kɔ̂ŋɔ̀ ə̀ghɨ ghɛ ə ghe kɔ̂ŋɔ̀ Mi, M mə pɔŋɔ kɔ̂ŋɔ̀ ghənə ə M tyəyn paynsê ngɨŋ zɨ̂mzè sê ghənə.”

Tom èchùŋ kè kə Lûk tè nyaʼ 22:30

kə ghàyn nə zhi ə fɨyn mɨ ə mi elùʼ e zhiə etuʼ vɛ m saʼa fɔ̂yn ə vɨm. Ghàyn tə nə̂ ə tsɨs kepî ə mkyə̀ mə tèfɔ̀ynə̀m njò sepɛ̀, saʼa tètâŋ tə Isìlây tɨ̂nə̀ njò sepɛ̀.” (Matyò 26.31-35; Mâk 14.27-31; Njɔyn 13.36-38.)

Tom èchùŋ kè kə Lûk tè nyaʼ 7:28

M tsâ sê ghàyn nə, wùə pâʼà tyəm pə nyi fâ ə chi, tsɛ̂ Njɔyn Foə M̀mò, pîza naʼapi vɛ ə è tətə kwûŋsə̀ elùʼ efɔ̀yn ə Fezhə̀vè tsɛ̂ ndò vəyn.”

Ŋwàʼlè ə̀ Mâk 9:37

“Ə̀ tɔ̀ʼnè pîndè è vâyn nyiə kə vɨ̀nə kûmə̀ mi, ə nyi mə è və tɔ̀ʼnə̀ èmi, ə vɛ ə è tɔ̀ʼnə̀ mi ə ke nə è tɔ̀ʼnə̀ e vɛ ə è tom mi.”

Matyò 25:45

Ə fɔ̀yn pəynse nə, ‘M pîə sê ghàyn səmɔʼ nə, nâʼàpi zɨ̂yn ə ghàyn tè tə se tsàmtə wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè tə se tsàmtə Mi.’

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Matyò 19:28

Njisə̀s ə pìə sê ghənə nə, “M pîə sê ghàyn səmɔʼ nə, nyì se tə pə̀yn, kə Va Wùə tə nə̂ ə è və tsɨs əfekyə̀ fə efɔ̀ynfè ə Vəyn mkɔʼnè, ə ghàyn njòse pɛ̀ ghɛ ə ghàyn chûmtə̀ mi pɔŋ tsɨsə ə mkyə̀ mə̂ efɔ̀ynə̀m ə saʼa tètâŋ tə Isìlây tɨ̂nə̀ njòse pɛ̀.

Matyò 18:14

E za nyì kepî èghəs kə Pɨ̀a vâynvè e ekwùtwəyn kɔ̂ŋɔ̀ va nə nâʼà vayn emɔ̀ʼ fa fètə̂ ə̀ghɔyn etətə̂ njìsè.”

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Etyə̂yn ə paynsêzè 21:14

Mbàyn ə̀ tɔ̂ŋ èghaʼâ ə̀təyn tè nyi mə ə pɛ etûə ə̀chi ə ghaʼlə̂ echi ə ndɛve njò sepɛ̀. Zə əghɨ̀ ə tom ə Vâ Ndzèghè tè nyi mə ə nyàʼ etûə ə̀chi nə ghɛ, nâʼàpî èchi èkè è kyi ezə emɔ̀ʼ.