Tom èchùŋ kè kə Lûk tè nyaʼ 9:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Njisə̀s ə fiə èsene epɨayn nə vɛ è mbwɔ̀ vɛ èpɨ̀a ə naynə̂ kɔʼsə̂ ekwùtwəyn ə fo àzɔ̀ŋnè sê Zhə̀fè ə pɨaʼlə̂ fo sê chùmtè èpàm sə vəynse nə se chyàtə̀ sê ghɨ nə ghɛ.

Tom èchùŋ kè kə Lûk tè nyaʼ 9:16 Referans Kwoze

Matyò 14:19

Kə chùmtè èpàm sə vəynse pə̂yn è səyne epɨanə ətəynve è mbwɔ̀vè È və pìə sê ghɨ ghɛ nə ghənə tsɨsə ndu ewə̀yn. È ve njìə èsene epɨayn ətəynve etwɔ̂yn è mbwɔ̀ vɛ è pɨ̀a ə naynə̂ kɔʼsə̂ è Kwùtwəyn ə fo àzɔ̀ŋnè sê Zhə̀fè. È və pɨaʼlə̂ vəynve ə fo nə chùmtè èpàm sə vəynse chyate sê nɔ̂yn ətəynve.

Tom èchùŋ kè kə Lûk tè nyaʼ 24:30

Ə te nyi ashìŋə̀ ə zhiəke, è və njiə apayn ə kwaŋke ə pɔsə̂ ə chàtə̀ fo sê ghənə.

Matyò 15:36

È və njìə èsene epɨayn vɛ, èsɛ̀mbɛ, è mbwɔ̀tə̀m, ə fo àzɔ̀ŋnè sê Zhə̀fè, ə pɨaʼlə̂ fo sê chùmtè èpàm sə vəynse, ghənə pɔŋɔ chyâtə̀ ndûə se nɔ̂yn əghɨ vɛ.

Ŋwàʼlè ə̀ Pɔ̂l sê ghɨə Lûmghè 14:6

Ghɨ ghɛ ə ghe fe nə tuʼfe nyìə kɔʼnə̂ tsɛ̂ fîfe nə̂ nyiəmə kè sê ngɨmnê ə Pɛ̂pɛze. Ghɨ ghɛ ə ghe zhiə nâʼàpî àkè, ghənə nə̂ kəpi zamə se ngɨmnə̂ Fèzhə̀ kûmə̀ nə ghənə fo àzɔ̀ŋnè se Zhə̀fè kûmə̀ èfɨazhiə ətəynve. Ghɨ ghɛ ghe zhiə kəpî va fɨa vîve, nə̂ zamə se ngɨmnə Pɛ̂pɛ, fo àzɔ̀ŋnè sê Zhə̀fè.

Ətefɨ̂aʼ 27:35

Kə Pɔ̂l wàmnè zâ ə njiə àpayn ə kwaŋke ə fo àzɔ̀ŋnè sê Zhə̀fè kè ə ghənə əshi ə pɨaʼtə ə zhə̀tə̀ se zhi.

Njɔyn 6:23

Ngwùʼ seghaʼâ sə mɔ̀ʼɔse mə se ndo ə Tìpelùs ə pə̀ ə ngwùŋ ènjwì etipì elùʼ vɛ nɔ̂ynkè tè zhi payn ə kwaŋke mə Pɛ̂pɛ fo tsoke àzɔ̀ŋnè.

Njɔyn 6:11

Njisə̀s ə fiə àpayn əkwaŋ ətəynke ə fo àzɔ̀ŋnè sê Zhə̀fè ə fo nə chùmtè èpàm sə Vəynse chyate sê ghɨ ghɛ ə tè tsɨs fumə. Njisə̀s ə nə̀ kə pî zamə è mbwɔ̀ vɛ, nâʼà ghənə əkɨ̂m ə zhiə kolə.

Tom èchùŋ kè kə Lûk tè nyaʼ 22:19

È və njiə kəpiə àpayn ə kwaŋke ə fo àzɔ̀ŋnè sê Zhə̀fè ə pɨalə ə fo sê ghənə ə piə nə, “Ə̀ vɨ̂nə nyi ewiyn vɨm (kə m fo sê ghàyn. Ghàyn nə nə̂ zɨnə mə se kwaʼtə mi.”

1 Kɔlìŋ 11:24

ə pə kə è fo zɔ̀ŋnèkè sê Zhə̀fè, ə pɨaʼlə̂ ə ke pì nə, “Ə̀ vɨnə nyi ewiyn Vɨme kə M fo sê ghàyn. Ghàyn zhi vəynve kə ve nəyn ə ghàyn ə kwâʼtə̀ Mi.”

1 Kɔlìŋ 10:30

Ə m nji fɨazhiə vɨmve ə fo àzɔ̀ŋnè sê Zhə̀fè tsɔ̀fə kə m zhi, pɔ̀m ghè ə wùə nə̀ ghamə̀ mi kûmə̀ efɨazhiəve mə mə fo zɔ̀ŋnèkè ətəyn ə?”

Ŋwàʼlè ə̀ Mâk 7:34

ə naynə̂ kɔʼsə̂ ekwùtwəyn, ə tɨ̀mnə̀, ə ke pì sê vəyn nə, “Efatà,” mə è za pìə nə, “Ŋaʼse!”

Tom èchùŋ kè kə Lûk tè nyaʼ 9:15

Ghənə ə piə, ghɨ ətəynghe ə tso tsɨsə ə chi.

Tom èchùŋ kè kə Lûk tè nyaʼ 9:17

Ghənə zhiə kolə nâʼà ə̀kɨ̂m, chùmtè èpàm sə vəynse ə komtə̂ èpɨaʼlê vɛ ə ve faŋ, ve ə lwinə ə ekwà njò sepɛ̀.