Tom èchùŋ kè kə Lûk tè nyaʼ 8:35 - Ŋwàʼlè ə̀ Fèzhə̀ Mkâyn Mə̂ Fèm

³⁵ Ə zɨə za ə fɨə ndùə se fe eghɛ zɛ ə ze kyâyn. Ghənə pə̀ fe Njisə̀s ə fɨnə fe wùə vɛ ə pamə̂ tə satàyntè tɛ fè fɨ ə vəyn ewìyn, è tsɨs ə və shi, mə è və maʼ ndzɨse sè nyi ke nâʼà ə vəyn etɔf. Ghɨ təynghe ə fe zâ sè fânə̀.

Tom èchùŋ kè kə Lûk tè nyaʼ 8:35 Referans Kwoze

Tom èchùŋ kè kə Lûk tè nyaʼ 10:39

Ə̀ tè nyi zâ Maltà e kyi ànyìə vəyn vîvè, zə vəynze e nyi Mèli. Mèli ə pə̀ tsɨsə kə ə Pɛ̂pɛ əshi se zɨtə̂ ezaʼlê ə vəynze.

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.

Ətefɨ̂aʼ 22:3

“M nyi wùə ə Njûs, mə ə tè piə mi endaʼ ə Tasùszè, ə Sìlisyà, pîza m ndəmə kɔʼ fâ Njèlusalɛ̀m kə wâ və ndɛ ə̀ ŋwàʼlè ə̀ Ngàmàlyâ. È və tə tyə̀ynsè saʼ tə ghə̀pɨ̀a ghâsènì ghəshiə sê mi nâʼà tèkɨ̂m. Ghe ə Fezhə̀zè tè tɨ̂mə̀ ə mì ewiyn kè eghɨ kə ze tɨ̂mə̀ sê ghàyn ndâyn.

Tom èchùŋ kè kə Lûk tè nyaʼ 8:27

Ə tè nyi kə Njisə̀s fɨ sè tɔmə pə̀ aghol ə etipìə tsò nyi ə kwənə yî wùə mə è ndò ə tɔ̂ŋ zhizè fu. Wùə təyn e kyi tèpamə̂ tə satàyntè və fètəyn, nyi mə è və ndam nâʼà sə aghaf, maʼà va nâʼà àfɨa ə vəyn ewiyn fɨyn nyi za, ndamə va ə ndɛ, ndamə kə ə sepfɨ̀mə.

Tom èchùŋ kè kə Lûk tè nyaʼ 15:17

Tɔf ə vəynze ə kɛse pə̀, è və kwàʼtə̀, ə pfɨfə kə sə və ngɨŋ nə, ‘M nyiə kwuə ndùə nâʼà chɨ̀ŋ fayn nyi kûmə̀ ghè, pɨ̀a vɨm kyi əghɨ efɨaʼa, ghe tsɨ̀ə kə nyi, ghənə zhiə efɨazhiəu ve tsɨ̀ə tsɛ̀ ə?

Tom èchùŋ kè kə Lûk tè nyaʼ 2:46

Ə kyiŋə sə mtuʼ mta ə ndùə fè vəyn ə Ndɛ Ètsə̀mə, è tsɨs yighə̀ tyə̀ynsè, zɨtə̂ ə̀ghɛ ghɛ ə ghənə piə fɨnə pfɨftə̂ ghə mɔ̀ʼɔ̂.

Ŋwàʼlè ə̀ Mâk 5:15

ə pə̀ fe Njisə̀s. Wùə vɛ è tè kyi nɔ̂yn ə tepamə̂ tə satàyn nə tɛ e tsɨs kepî fumə mə è və màʼ ndzɨse, nyi ke nâʼà ə vəyn etɔf. Ghɨ ətəyn ghə fe zâ ə fànə̀.

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Tom èchùŋ kè kə Lûk tè nyaʼ 8:34

Ghɨ ghɛ ə ghe tè naynə Kwùnduŋ nə vɛ ə fe eghɛ zɛ ə ze kyâyn ə tə kwɨlə ndùə tsà saʼghe nə zɨ̂yn fuə tɔ̂ŋ, ə fɨnə kwiə tsà ə sembvɨnə̀ sê ghɨə.