Tom èchùŋ kè kə Lûk tè nyaʼ 8:3 - Ŋwàʼlè ə̀ Fèzhə̀ Mkâyn Mə̂ Fèm

³ ə nyi Njòwanà, ə zhwìə wufɨ̀aʼa ə̀ Ɛlɔ̀t vɛ ə tè tɔŋtə nə Chuzà, è Sùsanà è kɨ̂sè è zəyn e tsɨə mɔ̀ʼɔ̂. Ghənə tè tsàmtə tɔ̂ʼnə̀ kɔʼɔ è Njisə̀s yî chùmtè èpàm sə vəynse.

Tom èchùŋ kè kə Lûk tè nyaʼ 8:3 Referans Kwoze

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

Filìpây 4:22

Ghɨə pomə əmɔ̀ʼɔ ghɛ ə ghe nyi fâyn pi nə m pɔŋ tɔŋte sê ghàyn nâʼà àchûŋ, è sas ə ndɛ Kaysàzè.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Matyò 26:11

Ghàyn nə kyi tsɛ ke ndò ghɨ afɨf ghə ghàyn əfètəyn, pîza m va se faŋ ghâsènì sə teshɨ̀ŋə̀ tèkɨ̂m.

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Matyò 2:11

Ghənə ə njiə ndûə ə ndɛ. Kə ghənə nji, ə fe vayn yî nyìə vəyn Mèli. Ghənə ə tɨmə ə̀ndzɨs ə və shi ə ngɨmnə̂ vəyn. Ghənə zhə̀nə̀ sèshəyn sə ghənə̂sè ə fo èmâʼte, ə ngôlè, è ngwɨl mê lɨ̀mtə̂ mê chùŋə̀m e tɔŋtə̂ nə flaŋkyiŋsèyn, è mâyl, sê vəyn.

Tom èchùŋ kè kə Lûk tè nyaʼ 24:10

Ghɛ nə ghɨynə mə sê ghɨətom ə Njisə̀sghè tè ndù tsâyn Mèli və Màkndàlɛ̂n e Njòwanà e Mèli nyìə Njə̂m e zəyn əmɔʼɔ.

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Matyò 14:1

Fumə ashìŋə̀, Ɛlɔ̀t vɛ è tè saʼa ndaʼa ə Ngalìlîzè ə zɨə ə̀ghɛ ghɛ Njisə̀s tè nə̂.

Matyò 14:3

Ɛlɔ̀t tè pi nyî kûmə̀ nə è tè nyi mə è və tom ghɨə nə ko Njɔyn fo m̀mò, ghənə ə kolə̂ vəyn, ə ndə̀mə̀ vəyn ə ndɛ ə̀ chaʼ. È tè nəyn zɨnə mə kûmə̀ Ɛ̀londyàs, kə ànyìə vəyn Filìp tè malə sə shi.

Matyò 14:6

Pîza Ɛlɔ̀t ə pa zhwiə Njɔyn. Zɨnə tè kyayn ə fetuʼ fɛ Ɛlɔ̀t tè pɨaʼte zhize se kwàʼtə fetuʼ fɛ ə tè piə vəyn ətəyn. Fumə fetuʼ, vayn zhɔyn ə̀ Ɛ̀londyàs ə pə̀ pɨnə əghɨə ətəynghe əshi ə̀kɨ̂m. Zɨnə mə ə nə̀ Ɛlɔ̀t è saŋnə̂ nâʼà sə ŋaŋ.

Matyò 20:8

Shîŋə̀ ezhwikwɨləke ə kwəynə, pɛ̀ àfùʼ ə̀təyn ə pìə sê tuə ghɨe fɨaʼa vəynke nə, ‘Tɔŋɔ ghɨ efɨaʼa ə ndàʼà èkɛ ə ghənə̂vè. Zhə̀te èghɨ ghɛ m tè njì kwûŋsè efɨ̀aʼ ə ndùə mɨ̂sə̀ è ghɛ m tè njì efɨ̀aʼ səshi’

Matyò 27:55

Zənə tsɨə ghɛ ə tè zhə̀tè se chùmtə Njisə̀s ə Ngalìlî tsâmtə̀ vəyn, ə tyəmə̂ èghafke naynə̂ ə̀ghɛ ə̀kɨ̂m ghɛ ə ghe tè kyàynə.

Njɔyn 12:6

È tè paʼà wàmnè nyi kûmə̀ nə è tè kyi èkwâʼtè se tɔ̀ʼnè è ghɨ afɨfə. Ə̀ tè nyi kûmə̀ nə è tè nyi wùə chɔŋɔ, ə̀ ndə̂mə̀ vəyn shəyn èkɛ, faŋa va se njiə vîve ətəyn se nə̀yn eghɛ vəynze kɔ̀ŋzè ətəyn.