Tom èchùŋ kè kə Lûk tè nyaʼ 7:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Pɛ̂pɛ ə fe wùzhɔyn nə vɨ̂yn nyi èkomə̂ ewiyn sê vəyn nâʼà sə ŋaŋ ə piə sê vəyn nə, “Kɨme, kə ò fɨyn chi.”

Tom èchùŋ kè kə Lûk tè nyaʼ 7:13 Referans Kwoze

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Tom èchùŋ kè kə Lûk tè nyaʼ 8:52

Ghɨghe əkɨ̂m fu tè chîə fɨnə ngə̂ʼnə̀ əghɛ kûmə̀ vayn nə vɨ̂yn. Njisə̀s ə piə sê ghənə nə, “Ghàyn kɨme, kə ghàyn fɨyn chi. È pâʼà kwu chindò, è pɨənə ndò.”

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Njɔyn 20:15

Njisə̀s ə pfɨfə sê vəyn nə, “Wùzhɔyn ò chîə ghè? Ò kyiŋə ndè?” Mèli e sè kwâʼtə̀ nə ə̀ nyi wùə vɛ ə è fɨ̀aʼà afùʼ fumə, ə pìə sê vəyn nə, “Ə̂ nyi mə ə̀ njì ndô ghò èpfɨyn ə vəynve ə Pɛ̀ apɨəyn, ò tsà eluʼ vɛ ə ò ndù ndə̂m vəyn ətəyn sê mi, kə m kɛse ndu nji.”

Ŋwàʼlè ə̀ Mâk 8:2

“Sə̂yn nyîə ko mi sê ghɨ ghɨ̀yn. Kûmə̀ nə ghənə nə̀yn tuʼm̀ m̀ta ghasè ghənə, kyi va fɨake se zhi.

Njɔyn 11:2

Mèli tè nyi wùə vɛ ə è te sɨs ngwɨl me lɨ̀mtə̂ tsofə̂ mɛ ə Njisə̀s əghòl ə zə̀sə̀ è nyuŋ sə atu sə vəynse. Ə tè nyi ànyìə vəyn Lazalùs kə è tè zafə

Tom èchùŋ kè kə Lûk tè nyaʼ 24:34

Ghɨ mɔ̀ʼɔ te nyiə pìə nə, “Səmɔʼ Pɛ̂pɛ və kwu zômə̀. È və tyəyn ngɨŋə̂ vəyn sê Shimùyn!”

Tom èchùŋ kè kə Lûk tè nyaʼ 17:5

Ghɨətomə ə se pi sê Pɛ̂ nə, “Nə̀ ə ghàs tɔʼ kyi èpomə̂ sê Zhə̀fè!”

1 Kɔlìŋ 7:30

əghɛ ə ghe chîə, ə chîə kəpiə ə pfɨ̀ynə̀ kyaʼà chîə va, ə ghɨ ghɛ ə ghe chaʼa ə nyi ke kə̂ ghɛ ə ghe saŋnə va ndô. Ghɨ ghɛ ə zhɔnə fɨave ə nyi ke kə̂ fɨa ətəynve kyi va ghənə.

Njɔyn 20:13

Tsì sə təynse ə pfɨfə sê Mèli nə, “Wùzhɔyn, ò chìə ghe?” È və pə̀ynsə̀ ə pîə nə, “M chîə kûmə̀ nə ə njì ndo è pfɨyn ə Pɛ̂pɛ vɨ̂mvè, m ke va nə ə ndəm ghayn Vəyn ə?”

Tom èchùŋ kè kə Lûk tè nyaʼ 13:15

Pɛ̂pɛ ə pə̀ynsə̀ nə, “Yey, ghɨə kaŋkaŋa nə̂ ghɨ̂yn! Nâʼà wùə vɛ ə è nyiə ghàyn əfètəyn ə è ndwìə kɔʼɔ etuʼ endaʼ, è və za nyàm ə vəyn se zhə̀yn ə mbàyn se ndùə è zə̂yn elùʼ nə è mɨ môm ə?

Tom èchùŋ kè kə Lûk tè nyaʼ 10:1

Ə̀ tè nyi epàm əghɛ nə ghɨyn, Pɛ̂pɛ ə chɔʼtə̂ ə̀ghɨ mɔ̀ʼɔ m̀ghɨ̂m sɛ̀mbɛ njò sepɛ̀ ə tomə ghənə, ə pɛ̀ ə pɛ̀ nə ghənə ndù əshi ə setɔ̂ŋ sekɨ̂m è luʼ tɛ nâʼà vəyn tè nyì se ndù ətəyn,

Tom èchùŋ kè kə Lûk tè nyaʼ 7:19

ə tomə nə ghe ndù pfɨf sê Pɛ̂pɛ Njisə̀s nə, “Ə̀ nyi gho vɛ ò vâ nyi se pə̀yn mə mə, ghàs kyi sə̂ lɨmtə̂ wùə ndò o?”

1 Tèsàlonikà 4:13

Ghɔnyiə, ghàs kyiŋə nə ghàyn ə ke èghɛ zɛ ə ze nyi səmɔʼ kûmə̀ ə̀ghɨ ə kwuə. Ghàs kyiŋə nə ghàyn ə ke èghɛ nə zɨ̂yn kə ghàyn ə chîə va kə ghɨə mɔʼɔ ghɛ ə ghe kwaʼtə̀ lɨmtə va se tə zòmə̀.

Tom èchùŋ kè kə Lûk tè nyaʼ 22:61

Ke sa ashìŋə̀, Pɛ̂pɛ kə̀mnə̀ naynə̂ ndùə Pità ke ekyàʼ, è və kɛse kwaʼtə eghɛ zɛ è fe pi sè vəyn nə, “Ndomə̀mbvɨ nə piə e tɔŋə ndàyn mə gho mɛ mi shiŋə teta.”

Tom èchùŋ kè kə Lûk tè nyaʼ 7:12

Ə pə̀ kə è paʼsə pə̀ echo tɔ̂ŋ, è və fe əghɨ mə pɨàʼà wùə èkwuə sè fɨə pə̂ è vəyn. Wùə èkwuə nə vɨ̂yn tè nyi ke vayn ndômə̀ èmɔ̀ʼ vɛ ə nyiə vəyn tè kyi, nyiə vəyn nə vɛ e nyi zhwiə kwu. Zhwiə kwu nə vɨ̂yn tè nyi yî nɔ̂yn ə ghɨ̀kè, ke tsɨ̀ə kə nyi kə ke ndò ə tɔ̂ŋ nə zɛ.

Tom èchùŋ kè kə Lûk tè nyaʼ 7:14

Njisə̀s ə piə za ə fɨtə̂ ndùə kûmə̀ àtayntayn ə wùə èkwuə nə kɛ, ghɨ ghɛ ə ghe pɨ̂aʼà vəyn ghə tyəmə kə ndò, è və piə nə, “Vayn èkwuŋ, ndwi.”

Tom èchùŋ kè kə Lûk tè nyaʼ 11:1

Ə̀ tè nyi tuʼ fîfe, Njisə̀s e tsə̂mə̀ elùʼ vîve. Ə pə̀ kə è mɨ̀sè, chùmtè èpàm ə̀ vəyn zhîzè èmɔ̀ʼ ə pìə se vəyn nə, “Pɛ̂pɛ, zaʼle ghàs kə tsə̂mə̀, kè kə Njɔyn tè zaʼle chùmtè èpàm sə vəynse.

Tom èchùŋ kè kə Lûk tè nyaʼ 11:39

Pɛ̂pɛ ə piə sê vəyn nə, “Ghàyn ghɨ Falàsîə ghɨ̂yn, ghàyn njiə ekwaŋ vaynve è wà saynse, ghà tɔ̀ʼɔ̀ shùə kə setsɨm, pîza təm ghaynghe nyi mə ghe lwiyn kê è shiə fɨə è ghɛ piə mɔ̀ʼɔ.

Tom èchùŋ kè kə Lûk tè nyaʼ 12:42

Pɛ̂pɛ ə pə̀ynsə̀ nə, “Wufɨ̀aʼa vɛ ə è zɨə pɛ̀ èfɨ̀aʼ ə̀ vəyn fɨnə tɔfə nyi vɨ̂yn? Ə̀ nyi vɛ ə pɛ̀ èfɨ̀aʼ ə̀ vəyn piə è ndùə èkwî, ə è ndəm vəyn əshi, ə è fo tyaʼa kə è və tɔ̂ʼnə̀ è ndɛ vəyn, fo efɨazhiəve sê ghɨ ashìŋə̀ kɛ ə ghənə kyiŋə ətəyn.

Tom èchùŋ kè kə Lûk tè nyaʼ 17:6

Pɛ̂pɛ piə sê ghənə nə, “Ə ghàyn kyi pomə̂ e tətə̂ pi kə eshi ə ngwàʼ ə mostàe, ghàyn kàʼa ghàyn pi sê kâʼ fɨnə nə fe muʼə ə fe nji tyəm ə fə ndəmə̂ əfètə̂ ènjwì ə fengwaŋve, ə fe nəyn ke za.

Tom èchùŋ kè kə Lûk tè nyaʼ 18:6

Pɛ̂pɛ ə wàmnə̀ za ə ke pi sê chùmtè epàm sə vəynse nə, “Ghàyn zɨtə̂ tso nə tuə sesaʼ nə kɨnə za wàmne za nyi, va chichi ə.

Tom èchùŋ kè kə Lûk tè nyaʼ 19:8

Sàkyə̂ ə nə̀ ə ndwìə tyəmə̂ ə pìə sê Pɛ̂pɛ nə, “Fekə, Pɛ̂pɛ, m chyâtə̀ èfɨa vɛ ə m kyi ghasè ghɨafɨfə kè eghɨ, ə̀ fɨyn nyi mə mə lesê wùə ə fiə àfɨa ə vəynke amɔ̀ʼ, ə m kɛse fo ekwàʼ.”

Tom èchùŋ kè kə Lûk tè nyaʼ 24:3

Ghənə ə njiə eshyə̀ ətaʼa fe èpfɨyn ə Pɛ̂pɛ Njisə̀s e

Njɔyn 4:1

Ghɨə Falàsî ghə tə zɨ nə Njisə̀s nyîə kyi sèchùmtè èpàm, fo m̀mo sê ghənə se tsɨ̂ə tsɛ sə Njɔynse.

Njɔyn 6:23

Ngwùʼ seghaʼâ sə mɔ̀ʼɔse mə se ndo ə Tìpelùs ə pə̀ ə ngwùŋ ènjwì etipì elùʼ vɛ nɔ̂ynkè tè zhi payn ə kwaŋke mə Pɛ̂pɛ fo tsoke àzɔ̀ŋnè.

Njɔyn 11:3

Ghɔnyì nə ghɨ̂yn ə ke tomə tom sê Njisə̀s ə pìə nə, “Pɛ̂pɛ, soyn vɛ vɛ ə Ò kɔ̂ŋɔ̀ zâ nyîə zafə.”