Tom èchùŋ kè kə Lûk tè nyaʼ 6:45 - Ŋwàʼlè ə̀ Fèzhə̀ Mkâyn Mə̂ Fèm

⁴⁵ Wùə èchùŋ nə̀ chùŋ, ə nyi mə è fɨ kê əfètə̂ əghɛ chûŋ ghɛ ə è pɨaʼte ndəm ə və ətəm, wùə èpi e nə̀ kə pi zɛ ə è se nyi mə è və pɨaʼte ndəm ə və ətəm. Kûmə̀ nə kyə̀ echo ə̀ wùə nyi nyî, piə kə eghɛ zɛ ə e se nyi ə və ətəm, mə ze ə lwiyn.

Tom èchùŋ kè kə Lûk tè nyaʼ 6:45 Referans Kwoze

Ɛfesùs 4:29

Kə ghɛ epi tə fɨ ə wùə echo. Ghàyn e pɨlə pìə kə ə̀ghɛ ghɛ ə ghe kaʼa ghe tsamte ghɨ ghɛ ə ghe kyi fɨmsê kə ə̀ nə zɨə pî ndè wâmnè zaynze, è və zhiə èghɛ.

Njɔyn 7:38

‘Ə pomə pîndè sê Mi, ŋwàʼlè ə̀ Fèzhə̀ pi nə, ‘Ə tso sɛ ə se fo ndamze ə sɨ̂sə̀ fɨə ə və fètəyn.’”

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

Kòlosè 4:6

Wâmnè zaynze kyi sə̂ pɔynə̂ fɨnə fɔmə, ə ghàyn ə ke kepî èndom echûŋ vɛ ə ghàyn kàʼa fo pə̂ynse echûŋzè ətəyn se nâʼàpî ndè.

Ipilù 8:10

Ə̀ mɨ̂nə̀ nyi mkâyn mɛ ə m tə zhiə ghasè ghɨə Isìlâyghè ə mtuʼ mɛ ə m̀ nyì se tə pə̀yn, ə̀ pìə Pɛ̂pɛ M nə̀ ndə̂mə̀ elwɔ̂ŋ vɨmve ə ghənə ə tekwàʼtè ə m nyaʼ vəynve ə ghənə ətəm. M tə nə̂ m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.

Ɛfesùs 5:19

Ghàyn e wàmnə̀ sê ngɨŋ saynse ə senjàŋ. Ghàyn e zhəmə sènjàŋ sə Fezhə̀sè, è njàŋse ŋwaʼase, è shîse ə Zuʼse ŋwaʼase nə̂ nə ghàyn nə zhəmə, puʼə èfɨa, tsitə̀ Pɛ̂pɛ è təm ghaynghe əkɨ̂m.

Ətefɨ̂aʼ 5:3

Pità ə pfɨfə nə, “Ànàniyàs, ò za nə Satàyn nji ə ghò ətəm kûmə̀ ghè? Zôyn satàyn ə nə̀yn nə ò wam sê Zuʼse Ŋwaʼase ə ò ndətə pɨaʼa kɛ kɛ ə ò pəʼle fɨa vɛ ve ətəyn.

Njût 1:15

se saʼ əghɨ ə̀kɨ̂m, è se pì nə ghənə əkɨ̂m ə pfɨ̀ saʼ kûmə̀ ə̀ghɛ ə pighe əkɨ̂m ghɛ ə ghənə nyi mə ə nə̀yn, è wâmnè tepi tekɨ̂m tɛ ə ghɨ epi ghɛ ə ghe ke va Zhə̀fè tè wàmne kûmə̀ Fèzhə̀.”

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,