Tom èchùŋ kè kə Lûk tè nyaʼ 6:42 - Ŋwàʼlè ə̀ Fèzhə̀ Mkâyn Mə̂ Fèm

⁴² Ò kàʼa ò pi zayn sê ànɛ̂ nə, ‘tyəʼ m fɨse saʼlə̀ fə fe kâʼfè ə ghò eshi,’ mə ò kyi akûm ə gho e shi ə? Ghɨ ekaŋkaŋə nə ghɨ̂yn! Fɨse chì kôm ə fekàʼ kɛ ə ghò eshi, ə o nyi kàʼa ò fɛte fe se njiə fɨsê esaʼ ə fe kàʼ zə ànɛ̂ eshi.”

Tom èchùŋ kè kə Lûk tè nyaʼ 6:42 Referans Kwoze

2 Pità 1:9

Pîza ə ghàyn nə̀ va ghɛ nə ghɨ̂yn, ə ghàyn ə nyi kə ghɨ ghɛ ə ghe nyi mə ə fòf, shiə ghənə̂ghè e tɔ̀ʼɔ̀ fe va luʼte. Ə zə nyi nə ghàyn ə lɛ̀sè nə Zhə̀fè ə lɛ̀sè fo pi saynse epàmse.

2 Timotì 2:21

Ə̂ nə̀yn nâʼàpî ndè ngɨŋə̂ vəyn sə̂ zo endom kə ghɛ əpi nə ghɨ̂nə̀ ə va ə vəyn ewìyn, ə Zhə̀fè nji vəyn sə nə̂ kàyntè ə̀ghɛ kûmə̀ nə è nyi èŋwaʼze, kyi m̀kɔʼnè se pɛ̀ èfɨ̀aʼ ə vəyn kûmə̀ nə è və màʼà ngɨŋə̂ vəyn sə̂ nyi wufɨ̀aʼa sê Vəyn, nyi èpɨaʼtêzè sə̂ nə̂ nâʼà tèkyì te fɨ̂aʼ techûŋ tekɨ̂m.

2 Kolìŋ 5:18

Ghɛ nə ghɨnə əkɨ̂m nyi mə ə̀ nəyn Fèzhə̀ sê ghâsènì, ə vəyn vɛ ə è tsɨ̀yntè ghasènyìə ghə̀ vəyn tɔynə̂ ə Klâys. È və fo kepî ghàs èfɨaʼ ekɛsə njiə pə nə ghɨ̀zè sê vəyn.

Ŋwàʼlè ə̀ Pɔ̂l sê ghɨə Lûmghè 2:1

E za tyə̀ nə nâʼàpî ndè vɛ ə è saʼa ghɨghe kɔ̀ŋə è və nyi pi ndè kiva ghɛ zhize se pì kə kaʼa lɛse fo ghənə, kûmə̀ nə shîŋə̀ kɛ ə ò saʼa ghɨghe mə ò nə̀ kəpi èghɛ zɛ ə ò saʼa ghənə sə təyn, ze tyə̂ nə nâʼà ghò ə nə̀yn ngɨŋ zɛ̂zè nə è pfɨ saʼ.

Ətefɨ̂aʼ 13:10

ə piə sê vəyn nə, “Ə ghô vâ ndə̂plè vɨ̀yn! Ò nyi pàyn sê nâʼà pi èghɛ èkè zɛ ə ze nyi achûŋ. Ò nyi mə o lwiyn è kyì tə tepi tekɨ̂m. Mɔ̂msə̀ kə shîŋə̀ tekɨ̂m se kɨ̀mnè ə səmɔʼ ə̀ Pɛ̂ nə ə nyi àkaŋ.

Ətefɨ̂aʼ 8:21

Ò kyi va nâʼà èghɛ zhîze əfètəyn èfɨ̀aʼ zasze kûmə̀ nə təm ghɛghe va chichi ə Zhə̀fè shi.

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Tom èchùŋ kè kə Lûk tè nyaʼ 22:32

pîza mə tsə̀m se ghò nə kə̂ pomə zɛze nə pfɨ mɨ̂sè. O kɛse pəyn se mi o nəyn kə təmə ghɔnɛ ghə tɛ.”

Tom èchùŋ kè kə Lûk tè nyaʼ 13:15

Pɛ̂pɛ ə pə̀ynsə̀ nə, “Yey, ghɨə kaŋkaŋa nə̂ ghɨ̂yn! Nâʼà wùə vɛ ə è nyiə ghàyn əfètəyn ə è ndwìə kɔʼɔ etuʼ endaʼ, è və za nyàm ə vəyn se zhə̀yn ə mbàyn se ndùə è zə̂yn elùʼ nə è mɨ môm ə?

Matyò 26:75

Pità ə ke kɛse ə kwàʼtè eghɛ zɛ Njisə̀s fè pì sê vəyn nə, “Ndom ə̀mbvɨ nə̀ piə è tɔŋɔ ndò mə o mɛ mi shîŋə̀ teta.” Pità ə fɨ ə ndûə əpɨəyn ə chîə nâʼà sə ŋaŋ.

Matyò 7:3

kûmə̀ ghè ə ò naynə saʼlə̀ fə fe kâʼfè ànɛ̂ eshi, pîza fe va kôm ə fekàʼ kɛ ə ke nyi ə gho eshi ə?

Matyò 7:4

Ò kàʼa ò pi zayn sê ànɛ̂ nə, “tyəʼ m fɨse saʼlə̀ fə fe kâʼfè ə ghò eshi,” mə ò kyi akôm ə gho e shi ə?

Tom èchùŋ kè kə Lûk tè nyaʼ 6:41

È və ke fɨnə pfɨf nə, “Kûmə̀ ghè ə ò naynə kə fɨ̂atə̀ fɛ ə fe nyi ə ànɛ̂ eshi, pîza fe va fûŋə ə fekàʼ kɛ ə ke nyi ə gho eshi ə?

Tom èchùŋ kè kə Lûk tè nyaʼ 6:43

“Ghàyn nə ke nə kâʼ fe chûŋfè pâʼà tyəmə pə̀ muə etwɔm epive, fepife muə va twɔm echûŋ.