Tom èchùŋ kè kə Lûk tè nyaʼ 6:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Chùŋ nyi sê ghàyn ghɛ ə chɨŋse zafə zôyn kûmə̀ nə ghàyn tə zhiə kolə kə kə ghàyn kɔ̀ŋɔ̀. Chùŋ nyi sê ghɨ ghɛ ə ghe chîə zôyn kûmə̀ nə ghàyn tə nə̂ ə ghàyn ə chaʼa.

Tom èchùŋ kè kə Lûk tè nyaʼ 6:21 Referans Kwoze

Njɔyn 6:35

Njisə̀s ə pìə sê ghənə nə, “M nyi apayn ə kwaŋ kɛ ə ke fo ndam zɛ ə ze tə mîə va. Ghɨ ghɛ ə ghe pə̂yn sê Mi, chɨ̀ŋ tə fɨnə zafə va ghənə, ghɨ ghɛ ə pomə sê Mi, ə tɔŋə pfɨŋve tə tàʼa zaf ə ghənə.

Matyò 5:6

Pɔsê nyì sê ghɨ ghɛ ə chɨ̀ŋ zafə ghənə sə̂ nə̂ ə̀ghɛ ghɛ Zhə̀fè kyiŋə. Zhə̀fè tə fo sê ghənə kè kə ghənə kyiŋə.

Njə̂m 1:12

Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Tom èchùŋ kè kə Lûk tè nyaʼ 1:53

È və pfɨtê ghɨə chɨŋə è fɨa echûŋvè, ghənə ghɛ zhi kol, pîza ə tsɨ̀nə̀ chûmə̀ kəndò ghɨ ghɛ ghənə lâʼà va.

Matyò 5:4

Pɔsê nyì sê ghɨ ghɛ ə ghe chîə kwue, Zhə̀fè tə nə̂ nə ghənə saŋnə̂.

Etyə̂yn ə paynsêzè 7:16

Chɨ̀ŋ tə fɨnə zafə va ghənə, ə pfɨ̀ŋ ə̀ m̀mò tə tàʼa fɨnə zuʼse ə ghənə. Zuʼə̀ ə chwîkè tə fɨnə zuʼə va ghənə,

Tom èchùŋ kè kə Lûk tè nyaʼ 6:25

Ngəʼ èghaʼâ e nyì sê ghàyn ghɛ ə ghàyn zhiə kolə zôyn kûmə̀ nə chɨŋse tə fɨnə zafə ghàyn. Ngəʼ èghaʼâ e nyi sê ghàyn ghɛ ə ghàyn chaʼa zôyn kûmə̀ nə ghàyn tə nə̂ ə ghàyn ə nyi ekômə̀ èwiyn fɨnə chîə.

1 Kɔlìŋ 4:11

Se tàyn zôyn, chɨ̀ŋ zafə ghàs, pfɨ̀ŋə̀ m̀mò e fɨnə zafə ghàs. Ghàs màʼà kə êshɔʼ ə sendzɨsve, e pusə ghàs, ghàs e kyîŋə̀, kiva luʼe ndaməve.

Njɔyn 4:10

Njisə̀s ə pə̀ynsə̀ sê vəyn nə, “Ə ò fè ke fɨa vɛ Zhə̀fè fo sê ghɨə fɨyn ke wùə vɛ è ndɔnə mô nə mɨ̂yn sê ghò, ə ò ndɔyn sê Vəyn, ə È fo ghô è môm mɛ m̀ fo ndamze.”

Etyə̂yn ə paynsêzè 21:3

Mə fɨnə zɨə kyə̀ è tɛ zhîzè kə è fɨ pə̂yn əfekyə̀ fə efɔ̀yn fɛ̂, è zə pìə sê mi nə, “Fekə, Zhə̀fè ndamə yî ghə̀ ghɨ zôyn. Fe nə nyi yî ghə̀ ghənə, ghənə e nyi ə̀ghɨ vəynghe. Zhə̀fè è ngɨŋ vəyn nə nyi yî ghə̀ ghənə, nyi Fèzhə̀ fə ghənə̂fè.

2 Kolìŋ 12:10

Kûmə̀ Klâys, m saŋnə̂ tsɛ̂ kə ndò ashìŋə̀ kɛ m pɔlə̂, ashìŋə̀ kɛ ə sôylə̀ mi, ashìŋə̀ kɛ ghɛ ghe tɛ sê mi, ashìŋə̀ kɛ ə tsə̂fsə̀ mi, è ghɛ mɔ̀ʼɔghe, ghe tsɨ̂ə tsɛ̂ àtyaʼ kɨmke. E nyi nyî kûmə̀ nə ə pə̂ ashìŋə̀ kɛ m pɔlə̂, m pɨl kyi àtyaʼ.

2 Kolìŋ 11:27

Mə fɨ̂aʼ tsɛ̂sè, ə fɨaʼà tèfɨaʼ te tɛte ə pə̂ əteshìŋə̀ tetsɨəte, m kyàʼà pɨənə̂, ə pə̀ shîŋə̀ kyîke, mə pɨənə ndɔ̀ʼɔ m zhi fɨake, pî se mɨ afɨa kyîke. Shîŋə̀ tetsɨəte, e pɔynə̂ va kə m kyi fɨake se zhi, kyi va ndɛ se pɨəyn ətəyn, kyi va nâʼàpî sèndzɨs se màʼ.

2 Kolìŋ 6:10

Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.

Njɔyn 11:35

Njisə̀s ə chìə.

Tom èchùŋ kè kə Lûk tè nyaʼ 6:20

È və naynə̂ ndùə sèchùmtè èpàm sə vəynse ə piə sê ghənə nə: “chùŋ nyì sê ghàyn ghɛ ə pɔylə kûmə̀ nə chùŋ ə̀ èfɔ̂yn ə Fezhə̀e kyi ghàyn.

Tom èchùŋ kè kə Lûk tè nyaʼ 6:22

Chùŋ nyi sê ghàyn ezhoghɛ ghɨ pânə̀ ghàyn, chûmə̀ ghàyn ə etsɨ̀ynte, sôylə̀ ghàyn fɨnə pofsə̂ əzə ghaynghe kè kûmə̀ kə Va Wùə.