Tom èchùŋ kè kə Lûk tè nyaʼ 6:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ è Matyò è Tɔ̀mɔ̂s è Njə̂m ə va Àfeyùs è Shimùyn ə wùə àlwù è ghɨə Njûsə̀

Tom èchùŋ kè kə Lûk tè nyaʼ 6:15 Referans Kwoze

Matyò 9:9

Njisə̀s ə ndò fumə ə piə è ndùə ndò ə fe wùə è tənə nə̂ sè tâks, zə vəynze e nyi Matyò. Matyò tè tsɨs apfɨ̀ə kɛ ə tənə tâksè ətəyn. Njisə̀s ə pìə sê vəyn nə, “Chùmte mi.” Matyò ə ndwìə ə chùmtə̀ Njisə̀s.

Ətefɨ̂aʼ 1:13

Ghənə pə̀ tâ ə Njèlusalɛ̀m ə njiə kɔʼɔ ndùə ə lûm ə̀ ndɛ èkwùtwəyn zɛ ə ghənə tè ndamə ətəyn. Ghɨ ə tom nə ghɨnə tè nyi Pità, è Njɔyn, è Njə̂m, è Andɨ̀lò, ə nyi Filìp, è Tɔ̀mɔ̂s, ə nyi Pàtòlòmiyà, è Matyò è Njə̂m ə va Àfeyùs, è Shimùyn vɛ ə è tè kàʼa è kwu kûmə̀ èndaʼ ə vəynze, ə̀ fɨyn nyi Njondàs ə va Njə̂m.

Ŋwàʼlè ə̀ Mâk 3:18

Ə tè fɨyn nyi Andɨ̀lò, è Filìp, è Pàtòlòmiyà, è Matyò, è Tɔ̀mɔ̂s, è kɨsè Njə̂m ə va Àfeyùs è Tàtyə̂s è Shimùyn ə wùə ə fètə̂ anɔ̀yn kɛ ke pomə se kwu sê ndaʼa ghənə̂zè,

Njə̂m 1:1

Ə̀ nyaʼ Njə̂m ŋwàʼlè zɨ̀nə̀, ə wufɨ̀aʼa ə Fèzhə̀, è və̂ Pɛ̂pɛ Njisə̀s Klâys. M fo pə̂ ètɔŋtê sê tâŋ tə Isìlâytè eghɨm njòse pɛ̀ tɛ ə te nyi mə te ə waŋ ndu ke mbi èkɨ̂m.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

Ngàleshyà 1:19

M tè paʼà fɨyn fe wùətom ə̀ mɔʼɔ fu, wùə vɛ ə m tè fe fu tè nyiʼe nyi ke Njə̂m, ə ànyì ə̀ Pɛ̂pɛ ə̀ ghâsènì.

Ətefɨ̂aʼ 15:13

Ə pə̀ kə ghənə wâmnè mɨ̂sè, Njə̂m ə ndwìə pîə nə, “Ghàyn zɨte sê mi ə soyn sɨmse.

Njɔyn 20:24

Chùmtè èpàm emɔ̀ʼ əfètə̂ sèchùmtè èpàm njòse pɛ̀, mə nyi Tɔ̀mɔ̂s e tɔŋtə̂ kəpî nə, Apɨaʼsè, tè va yîghə̀ ghənə shîŋə̀ kɛ ə Njisə̀s tè pəyn.

Njɔyn 11:16

Tɔ̀mɔ̂s vɛ ə tè tɔŋtə kəpî nə, (Epɨâʼsè) ə pìə sê chùmtè epàm sə Njisə̀s shise nə, “Ə ghâsènì əkɨ̂m ndo ndu ke ghasènyìə ghə̀ Tyə̀ynsè, kə ghâsènì nə̂ kwu paʼsê è vəyn.”

Tom èchùŋ kè kə Lûk tè nyaʼ 5:27

Epàm ə̂ ghɛ nə ghɨyn, Njisə̀s ə fɨə ə piə è ndùə ndò ə fe wùə, è ndamə tənə sètâks, zə vəynze e nyi Levì, è tsɨs apfɨ̀ə kɛ ə tənə tâksè ətəyn ə pìə sê vəyn nə, “Chùmte mi.”

Ŋwàʼlè ə̀ Mâk 2:14

è və piə è tsɛ̀ ndò ə fe wùə è tənə nə̂ sètâks e tɔŋtə nə Levì, ə va Àfeyùs. Levì tè tsɨs ə ndɛ zɛ ə è tè tənə tâksè ətəyn. Njisə̀s ə pìə sê vəyn nə, “Chùmte mi.” Kè sə ashìŋə̀, e və ndwìə ndùə kə vəyn epàm.

Tom èchùŋ kè kə Lûk tè nyaʼ 6:14

Ə̀ tè nyi Shimùyn vɛ è tè fo kwəynsê ezə sè vəyn nə Pità, ə nyi ànyìə Pità vɛ ə tè tɔŋtə nə Andɨ̀lò, è Njə̂m è Njɔyn è Filìp è Pàtòlòmiyà

Tom èchùŋ kè kə Lûk tè nyaʼ 6:16

è Njondàs ə vâ Njə̂m yî Njondàs Èskalɔ̀t vɛ è tè kɛse pəʼle Njisə̀s.