Tom èchùŋ kè kə Lûk tè nyaʼ 5:33 - Ŋwàʼlè ə̀ Fèzhə̀ Mkâyn Mə̂ Fèm

³³ Ghənə ə piə sê Njisə̀s nə, “Chùmtè èpàm sə Njɔynse tè pamə echo, tsə̂mə̀, sə sefalàsisè e pamə ècho, tsə̂mə̀, pîza sɛse tsɔ̂ynsə̀ zhiə kə ndò fɨnə mɨə kə kə̂ ghənə kɔ̂ŋɔ̀.”

Tom èchùŋ kè kə Lûk tè nyaʼ 5:33 Referans Kwoze

Tom èchùŋ kè kə Lûk tè nyaʼ 20:47

Ghənə e kyiə fiə èfɨa ə zhwiə kwuve, kaŋa tsə̂mə̀ tètsə̂m te tyâtè se tyə̀yn ewiyn. Zhə̀fè tə tsə̀fsə̀ ghənə nâʼà sə ŋaŋ.”

Tom èchùŋ kè kə Lûk tè nyaʼ 18:12

M pamə ècho shîŋə̀ te pɛ̀ ə ngâm, chyâtə̀ efɨa vɨm se epɨ̀as èghɨm, mə fo àmɔ̀ʼ sê ghò.’

Ətefɨ̂aʼ 9:11

Pɛ̂pɛ ə pìə sê Ànàniyàs nə, “Ndwi ə ndùə endom vɛ ə tɔŋtə nə Endom e Nanəve ə pfɨfə ndɛ̂ wùə vîvè fu, e tɔŋtə̂ vəyn nə Njondàs. Ə ò ndù zaʼâ fu, o pfɨfə wùə vîvè mə è ndo endaʼ ə Tasùszè, e tɔŋtə̂ nə Sɔ̂l. Nâʼà zôyn nyi, è nyi fu tsə̂mə̀,

Njɔyn 3:25

Chùmtè sə Njɔyn shîse sè saʼnə̂ è wùə Njûs vîvè, kûmə̀ èndom vɛ ə ghɨə Njûsə̀ tè shuə wiynve ətəyn ə ghənə endam endaʼze sə̂ zo kwənə̂ ə Zhə̀fè əshi.

Njɔyn 1:35

Tuʼve ə zo kwəynsə pə̂, Njɔyn e tyəm fu yî chùmtè èpàm sə vəynse sepɛ̀.

Tom èchùŋ kè kə Lûk tè nyaʼ 11:1

Ə̀ tè nyi tuʼ fîfe, Njisə̀s e tsə̂mə̀ elùʼ vîve. Ə pə̀ kə è mɨ̀sè, chùmtè èpàm ə̀ vəyn zhîzè èmɔ̀ʼ ə pìə se vəyn nə, “Pɛ̂pɛ, zaʼle ghàs kə tsə̂mə̀, kè kə Njɔyn tè zaʼle chùmtè èpàm sə vəynse.

Ŋwàʼlè ə̀ Mâk 12:40

Ghənə e kyîə fiə èfɨa ə zhwiə əkwuve, kaŋa tsə̂mə̀ tètsə̂m te tyâtè se tyə̀yn ewiyn. Zhə̀fè tə tsə̀fsə̀ ghənə nâʼà sə ŋaŋ.”

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Tom èchùŋ kè kə Lûk tè nyaʼ 2:37

È və kwuə ze sè nyi za mə è və ndəmə̂ sè nyi sepìŋ mghɨm famə njòse kyàʼ nâʼà pîza ndam tsɨs ke ə Ndɛ Ètsə̀mə kɔʼsə̂ Fezhə̀ pamə ècho tsə̂mə̀ èchwì tsə̂mə̀ etuʼve.

Tom èchùŋ kè kə Lûk tè nyaʼ 5:32

M pâʼà pə̀yn se chi sê ghɨ ghɛ ə tyəm chichi, m pə̀yn kûmə̀ ə̀ghɨ piə se nə̀yn nə ghənə kwiyne təmə ə ghənə̂ghè.”

Tom èchùŋ kè kə Lûk tè nyaʼ 5:34

Njisə̀s ə pfɨfə sê ghənə nə, “Ə̂ ghàyn nyiə kàʼa ə pomə nə ghɨghe ə pamə ècho elùʼ ə malə̂, ndom ə̀ wùzhɔyn e pa nyi kepî fu ə?