Tom èchùŋ kè kə Lûk tè nyaʼ 4:6 - Ŋwàʼlè ə̀ Fèzhə̀ Mkâyn Mə̂ Fèm

⁶ ə ke pi sê vəyn nə, “M nə̀ fo atyaʼ sê ghò, ə̂ ò saʼ luʼ nə tɨ̂yn, ke tekɨ̂m è ghaʼ zɛ ze nyi əteyn kûmə̀ nə ə fo sê mi nâʼà èkɨ̂m, mə m kɔŋ ə m fo naʼapi sê ndè.

Tom èchùŋ kè kə Lûk tè nyaʼ 4:6 Referans Kwoze

Ɛfesùs 2:2

Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Njɔyn 14:30

M nə̀ fɨnə wàmnə̀ va sê ghàyn zôyn sə aghaf kûmə̀ nə vɛ ə è chisə mbi zɨ̀nə̀ pə̀ ndò. È kyi va tyaʼ kyîke, ke tsɛ̂ kɨmke,

Njɔyn 12:31

Shîŋə̀ kə pə̀yn kə Zhə̀fè saʼ mbi zɨ̀nə̀, ə tyaʼa fɔ̀yn vɛ ə è saʼa mbi zɨnə pfɨ.

1 Njɔyn 5:19

Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.

Etyə̂yn ə paynsêzè 13:7

Ə tə zà kepî zə̂ynzè nə è no ghɨə eŋwaʼ ə Fezhə̀ghè ə è zhi ghənə. Ə fo zə̂ynzè ètyaʼke nə è zə saʼa nâʼà tètâŋ tèkɨ̂m, è ndaʼ tekɨ̂m, è kyì tə tewàmnè tekɨ̂m, è kyì tə tekyàʼ tekɨ̂m.

Etyə̂yn ə paynsêzè 13:2

Nyàm èpamə nə zɛ ə m tè fe tè fusə̂ ndûə àpɛ, pîza kyi ə̀ghol ghe nyi kə ghə làŋəghe, è choze kə zə pìkəmze. Ndlangɔ̀yn ə̀təyn ə fo àtyaʼ ə vəynke sê nyàm èpamə ə̀təyn è kɨsè kyə̂ fə vəyn fə efɔ̀ynfè, è tyaʼə vəyn kə eghaʼâkè nə è zə saʼa ə̀ghɨ kə piə nyi zə̂ynzè ndlangɔ̀yn ə̀təyn.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

1 Pità 1:24

E nyi ke èghɨ kə ə nyâʼ ə Ŋwàʼlè ə̀ Fèzhə̀ nə: “Ghɨghe əkɨ̂m nyi ke kə ewə̂yn ə mbvɨyn, tsɔ̂f ə ghənə̂zè e nyi ke kə sembule. Wə̂ynvè tə kwuə, ə mbulese za,

2 Kolìŋ 11:14

Nâʼàpî sə kàyn, ə̀ vachi èghɛ ekaynəze kûmə̀ nə nâʼàpî satàyn kaŋa tyə̂nə̀ ngɨŋə̂ vəyn kə tsì ènyaynə.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Tom èchùŋ kè kə Lûk tè nyaʼ 4:7

Ə̂ ò ngɨmne mi, ə sè kyi ghò, nâʼà èkɨ̂m.”