Tom èchùŋ kè kə Lûk tè nyaʼ 24:44 - Ŋwàʼlè ə̀ Fèzhə̀ Mkâyn Mə̂ Fèm

⁴⁴ Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Tom èchùŋ kè kə Lûk tè nyaʼ 24:44 Referans Kwoze

Ətefɨ̂aʼ 13:33

Tsɨ̂nè nə zɨ̂nə ə kɔʼ kwəyn sê ghàs ghɔ etɔ̀ŋ ə ndɛ ghənə̂ghè, endom nə Zhə̀fè ə tə nə̀yn Njisə̀s ə zòmə̀. E nyi ke èghɨ kə nyi mə nyàʼ əfètəyn àkùmte ə ŋwàʼlè ə̀ sè Njàŋkè nə: ‘Mə njì ghò sə mìə Vayn, se zhə̀tə̀ ndàyn, m nə nyi Pɨ̀a vɛ̂vè.’

Tom èchùŋ kè kə Lûk tè nyaʼ 9:22

ə fɨnə piə nə, “Va Wùə kyi ke nâʼà se fe ngəʼ èghaʼâ, nə chəʼse yî ghɨkɔʼsə nə eshyə̀ engaŋtəghe è tyə̀ynsè sə alàŋsè tə vəyn, ə zhwi vəyn, ə sè nyi sə mtuʼ mta, ə è kɛse zômə̀.”

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”

Ipilù 10:1

Lâŋ ə Mosîskè tè nyi ke anyɨ̂ŋsè eghɛ èchùŋ zɛ ə ze tè nyi se tə pə̀yn. Ə̀ tè nyi ke ànyɨ̂ŋsè afɨa echûŋ kɛ ə ke tè kyi se pə̀yn, ə̀ ndɨŋ vachi àfɨa ətəynke. Kûmə̀ nə ə̀ kɨnə mə tè nyì ke ànyɨ̂ŋsè, ghɨ tè fo zɔmtə̂ tèfo sê Zhə̀fè kè ə pîŋ ə pîŋ, fo nə tɨnə mə tè vayn kàʼa te nəyn nə ghənə ghɛ ə kyiŋə sə̂ kɔʼsə̂ Fèzhə̀ ə kwəynə̂ mɨ̂sə̀.

Njɔyn 5:46

Ə ghàyn tè pomə sê Mosîs mə ghàyn ə pomə sê Mi kûmə̀ nə è və tə nyàʼ kûmə̀ Mi.

Ipilù 9:8

Zuʼse Ŋwaʼase tè zaʼle paynsê sê ghâsènì tɔynə̂ əghɛ nə ghɨnə nə, kə pfɨ̀ə ə pɨəyn kɛ pa nyi ke ndò, ndom fɨyn va se ghɨ se nji ə kàyntè Èlùʼ Eŋwaʼ Engaŋtəve.

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

Njɔyn 3:14

Kə Mosîs tè paynte fûsè ə mbamke ə mbàŋ ə ndwìsə̀ tyəmsə̂ elùʼ ashəshəve, ə̀ nyì kepî èghɨ kə kyi se tə ndwîsə̀ tyəmsə Vâ wùə.

Tom èchùŋ kè kə Lûk tè nyaʼ 24:46

ə fɨnə pîə sê ghənə nə, “Ə tè nyàʼ nə, Klâys kyi se fe ngəʼ nə ə nyi mtuʼ mta, e zomə e kwu,

Ipilù 7:1

Mèlkisendèk nə vɨnə tè nyi fɔ̀yn ə Salèm fɨyn nyi kepî wùə èkɔʼsə nə̂ èshyə̀ ə̀ Fezhə̀ fe ngaŋtə kwəynəfe. Ə̀ tè nyi kə Aplàghâm səʼ tɨm eghɔ̀ŋze yî ghɨ vəynghe ə ndùə tɨmə zhiə tefɔ̂yn tèkyàʼ, ə kɛse piə kwɨlə̂ ndò, Mèlkisendèk ə fe vəyn endom ə pɔsə̂ vəyn.

Ipilù 3:5

Mosîs tè fɨ̀aʼa è təm ə vəynghe əkɨ̂m kə wùə èfɨaʼa ə ndɛ ə̀ Fèzhə̀ èkɨ̂m, tyə̂nə̀ ə̀ghɛ ghɛ ə Zhə̀fè tə wâmnə̀ ashìŋə̀ ə pəke.

Ətefɨ̂aʼ 7:37

Mosîs nə vɨ̂yn tè nyi wùə vɛ ə è tè pì sê ghɨə Isìlâyghè nə, ‹Zhə̀fè tə tomə fɨ̀aʼtè sê ghàyn kə mi mə è ndò kepî sê ghɨ ghaynghe.›

Tom èchùŋ kè kə Lûk tè nyaʼ 22:37

M piə se ghàyn nə, zɛ e kyi sə nyi kɨ kə ə nyi mə nyaʼ ə Ŋwàʼlè ə Fèzhə̀ nə zɛ kyi se kyàyn se mi ə tè nyàʼ nə, ‘ə taŋ vəyn kə wùə èmɔ̀ʼ əfètə̂ ə ghɨghe ə ghɨ kəm saʼe.’ Ze nyi nyî kûmə̀ nə naʼapi ghè vɛ ə nyi mə nyaʼ kûmə̀ mi ze kyi se kyàyn.”

Tom èchùŋ kè kə Lûk tè nyaʼ 21:22

Ə̀ tə nə̂ ə nyi mtuʼ mɛ ə kə Zhə̀fè fo ngəʼ sê ghɨ ətəyn se nə̀yn nə nâʼà əghɛ ghɛ əkɨ̂m ə tè nyàʼ ndəm ə Ŋwàʼlè ə̀ Fèzhə̀ kwəyn.

Tom èchùŋ kè kə Lûk tè nyaʼ 9:44

“Ghàyn tɔʼ zɨ eghɛ zɛ m kyiŋə sê pi sê ghàyn. Ə nə̀ fo Va Wùə sê ghɨə.”

Matyò 26:56

Nâʼà Pîza, ghɛ nə ghɨyn kyi se kyàyn se lwiynse ə tom ə Fèzhə̀ zɛ ə fɨ̀aʼtèsè tè nyaʼ ə Ŋwàʼlè ə̀ Fèzhə̀.” Kè sə ashìŋə̀, chùmtè èpàm sə vəynse ə tə zâ vəyn nâʼà ə̀kɨ̂m.

Matyò 26:54

Pîza, mə m nə̂yn nyi ə e tàʼa lwiynse eghɛ zɛ ə se nyi mə ə nyaʼ ə Ŋwàʼlè ə̀ Fèzhə̀.”

Matyò 16:21

Se zhə̀tè fumə ashìŋə̀ se ndù əshi, Njisə̀s ə zhə̀tə̀ se tsàyn sê chùmtè èpàm sə vəynse nə, “M kyi se ndù ə Njèlusalɛ̀m. Ə̀ nyì fumə kə m nə̀ zɨə ngəʼ ètsɨə ə chəʼse əgho, è ghɨ kɔʼsə nə eshyə̀ engaŋtə, è tyə̀ynsè sə alàŋsè. È və pìə nə ə nə̀ zhwiə Mi, epàm mə̂ m̀tuʼ mta, ə m kɛse zômə̀.”

1 Pità 1:11

mɔ̂msə̀ se kê ashîŋə̀ ə təynke è kɨsè kə ze tə kyânə̀. Ə kɨnə nyi ashîŋə̀ kɛ ə Zuʼse ə Klâys sɛ ə se tè ndamə ə ghənə ə fètəyn tè wàmnə̀ kûmə̀ kəynke, mə se tè pìə nə Klâys nə̀ tɔynə̂ ə sèngəʼ è kɨsè zɛ ə ze tə pə̂ ə ze ə nyi epàmə̂ təyn.

Ətefɨ̂aʼ 3:18

Pi kə ze tè kyayn za, Zhə̀fè ə lwiynsə̂ èwâmnè ə Vəynze, nâʼà sə mɨ kə È tè tsàyn sê fɨ̀aʼtè sekɨ̂m nə ə pi nə, vɛ ə chɔʼ ndə̂m tə fe ngəʼ.

Ŋwàʼlè ə̀ Mâk 9:31

kûmə̀ nə ə̀ tè nyi zâ, è ve zaʼlə̂ sèchùmtè èpàm sə vəynse pîə sê ghənə nə, “Ə nə̀ fo Vâ Wùə sê ghɨə, ə zhwi vəyn, ə epàm ə mtuʼ mta, ə è kɛse zômə̀.”

Matyò 1:22

Ghɛ nə ghɨ̂yn ə̀kɨ̂m tè kyàynə nyî se lwiynse əghɛ ghɛ ə Zhə̀fè tè tsayn tɔynə̂ ə fɨ̀aʼtè Vəyn nə,

Ətefɨ̂aʼ 2:27

Kûmə̀ nə ò tə zâ maʼà va mi endaʼ əghɨ kwuze. Ò tə zâ va pfɨyn ə wûə èfɨ̀aʼa vɛve èchùŋ nə ve fî eshyə̀.

Ətefɨ̂aʼ 13:40

Ghàyn etɔ̂ʼnə̀ kə ghɛ epi zɛ ə fɨ̀aʼtèsè tè tsayn tə kyayn se ghàyn. Ghənə tè pi nə,