Tom èchùŋ kè kə Lûk tè nyaʼ 24:39 - Ŋwàʼlè ə̀ Fèzhə̀ Mkâyn Mə̂ Fèm

³⁹ Ghàyn naynə̂ kə gho ghɨmə e ghol ghɨmə. Ə nyi mi nyi. Ghàyn kom kè nâʼà mi ə fe səmɔʼ kûmə̀ nə wùəchi kyi va njà ewiyn e kɨ̀sə wofe ewiyn nyiə kə m kyi.”

Tom èchùŋ kè kə Lûk tè nyaʼ 24:39 Referans Kwoze

Njɔyn 20:27

È və pìə sê Tɔ̀mɔ̂s nə, “Ndə̀m paŋ fɛfe aghofe fâyn elùʼ ə naynə̂ ə̀gho ghɨmghə. Nɛ̀se pə̀yn gho kɛke ə ndə̀mə̀ ə mi etipì. Pomə, kə ò fɨyn mɛnê kɨsè, pomə.”

1 Njɔyn 1:1

Ghàs tsà sê ghàyn kûmə̀ tom zɛ ə è fo ndamze. Tom nə zɨ̂yn tè nyì ndò tsɔ̀fə kə mbi zhə̀te. Ghàs ə tè zɨ kə è tè wàmnə̀ sə ghàs ə ngɨŋ, ə fe kə nâʼà vəyn è shi ghasə ə fɨnə kûmə̀ kə nâʼà vəyn è gho ghasə sè wâmnə̀ zôyn kûmə̀ vəyn.

Njɔyn 20:20

Kə è wàmnè zâ ə ke tyə̀yn əgho vəynghe è tipì ə vəyn sê ghənə. Chùmtè èpàm sə Njisə̀sè tè fe Vəyn sè saŋnə̂ nâʼà sə ŋaŋ.

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

Ipilù 12:9

Nâʼà sə kàyn, pîə pɨ̀a ghâsènì ghɛ ə ghâsènì kyi fa chi nyiə pusə ghâsènì pîza ghâsènì e zɨə kə ndò ghənə. E za tyə̀nə̀ nə ghâsènì kyi sə̂ zɨə Pɨ̀a ghâsènì ekwùtwəyn tsɛ̂ zamə, kə ghâsènì kàʼa ndam.

Njɔyn 20:25

Ə pə̀ kə è pə̀yn, soyn sə vəynse ə pìə sê vəyn nə “Ghàs ə fe Pɛ̂pɛ.” Tɔ̀mɔ̂s ə pìə nə, “M tàʼa fe endwɔ ə sembayn ə və əgho, se ndə̀mə̀ əghɔ əgho ghɨmghə ətəyn, se fɨnə mɔ̀mtè etipì ə Vəynze, m tàʼa pomə̂.”

Ətefɨ̂aʼ 1:3

Ə̀ tè nyi kə Njisə̀s fe ngəʼ èghaʼâ ə kwuə ə kɛsə zômə̀, È və tyə̀ynə̀ ngɨŋə̂ Vəyn sê ghɨətom ə Vəynghe nə zhi ə zòmə̀ səmɔʼ. È və nə̀ nyi ə tendom ə tendom, sə teshìŋə̀ se tsɨ̀ əfètəyn m̀tuʼ m̀ghɨm m̀kyàʼ, ə fɨnə wâmnə̀ sê ghənə kûmə̀ èfɔ̂yn ə Fezhə̀vè.

Tom èchùŋ kè kə Lûk tè nyaʼ 23:46

Njisə̀s ə chîə nâʼà è kyə̀ etɛ ə piə nə, “Pɛ, m fo àzhwìsè kɨmke ə ò gho!” È və wamnə̀ pə̂ nyi ə tɨmə àzhwìsè ə kwûŋsə̀ a.

Tom èchùŋ kè kə Lûk tè nyaʼ 24:38

Njisə̀s ə pfɨfə sê ghənə nə, “Kûmə̀ ghɛ ə ghɛ nə ghɨynə mə fo ngəʼ se ghàyn ə, e kɨsè nə ghɛ ə tsɨə ghə nyi ə ghànə ə tekwaʼtə ə?

Tom èchùŋ kè kə Lûk tè nyaʼ 24:40

È və piə nyi ə kê tyəyn əgho vəyn ghe e gholə vəyn ghe sê ghənə.