Tom èchùŋ kè kə Lûk tè nyaʼ 24:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ È və wàmnə̀ zâ, ə pìə paynsə̂ əghɛ ghɛ ə tè pì ə Ŋwàʼlè ə Fèzhə̀ kûmə̀ ngɨŋə̂ vəyn, sè zhə̀tè kə ə ŋwàʼlè ə Mosîs se ndùə tayn əfètə̂ sèfɨ̀aʼtè.

Tom èchùŋ kè kə Lûk tè nyaʼ 24:27 Referans Kwoze

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Ətefɨ̂aʼ 10:43

Ə̀ nyi kûmə̀ Vəyn ə fɨ̀aʼtè sekɨ̂m tè wàmnə̀ pîə nə, ə̂ pomə pi ndè sê Vəyn, ə Zhə̀fè lɛ̀sè fo əghɛ ə piə vəynghe. Zɨnə mə tə kyanə̀ atyaʼ kɛ ə ke nyi ə Vəyn ezə.”

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

Njɔyn 1:45

Filìp ə fe Nàtanyèl ə pìə sê vəyn nə, “Ghàs ə fe wùə vɛ Mosîs tè nyaʼ kûmə̀ vəyn ə ŋwàʼlè àlâŋ nə, ə̀ nyi kepî vɛ ə fɨ̀aʼtèsè tè nyaʼ kûmə̀ vəyn. È nyi Njisə̀s vɛ ə è ndò pə̂yn endaʼ ə Nazalɛ̀tzè, mə nyi vâ Njosɛ̀f.”

Tom èchùŋ kè kə Lûk tè nyaʼ 24:25

È və kê pì sê ghənə nə, “ghayn nyi ke nâʼà engô, ze njîə ghàyn eshîŋə̀kè se pomə əghɛghe ə fɨ̀aʼtèsè tè piə!

Ətefɨ̂aʼ 7:37

Mosîs nə vɨ̂yn tè nyi wùə vɛ ə è tè pì sê ghɨə Isìlâyghè nə, ‹Zhə̀fè tə tomə fɨ̀aʼtè sê ghàyn kə mi mə è ndò kepî sê ghɨ ghaynghe.›

Ətefɨ̂aʼ 3:24

Fɨ̀aʼtè sèkɨ̂m sɛ ə Zhə̀fè tè tom nə se pəyn wâmnè, ə tè wàmnè ghɛ ghe ə̀kɨ̂m kûmə̀ ə̀ghɛ ghɛ ə ghe kyàyn kɔʼ pəyn ə mtuʼ mɨ̂yn. Fɨ̀aʼtè sə təynse tè nyì paʼsə̂ è Samwèl è sə mɔ̀ʼɔ sɛ ə se tè pəyn ə vəyn epàm.

Ətefɨ̂aʼ 3:22

Mosîs è ngɨŋə̂ vəyn tè pi nə, ‹Pɛ̂pɛ vɛ ə È nyi Vəyn Zhə̀ faynfe tə chɔʼɔ fɨ̀aʼtè ə ghàyn ə fètəyn kèpî kə È tè chɔʼ mi. Ghàyn kyi sə̂ nə̂ ə̀ghɛ ə̀kɨ̂m ghɛ ə è pì nə ghàyn ə nə̂.

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”

Ŋwàʼlè ə̀ Mâk 4:34

È paʼà là tsayn ghɛze sê ghənə nâʼà emɔ̀ʼ ndɔ̀ʼɔ è mɛ sə ngàyn. Pîza shîŋə̀ kɛ ə è tè nyì və̂yn nɨŋ è chùmtè èpàm sə vəynse, È və fɛtə̂ tsâ èghɛ zɛ ə ngàyn sə təynse zaʼlə.

Njɔyn 5:37

Pɨ̀a vɨ̂m vɛ È tom Mi, wâmnə̀ kə pî ə Mì azhəm. Ghàyn paʼà tyəmə̂ zɨə kyə̀ ə̀ Vəyn, ghàyn paʼà tyə̂m fe Vəyn.

Njɔyn 12:41

Èsayà tè piə əghɛ nə ghɨ̂yn, kə è tè se nyi mə è və fe pomsê ə Njisə̀szè, ə wàmnə̀ kûmə̀ Vəyn.

Ətefɨ̂aʼ 3:18

Pi kə ze tè kyayn za, Zhə̀fè ə lwiynsə̂ èwâmnè ə Vəynze, nâʼà sə mɨ kə È tè tsàyn sê fɨ̀aʼtè sekɨ̂m nə ə pi nə, vɛ ə chɔʼ ndə̂m tə fe ngəʼ.

Ətefɨ̂aʼ 8:35

Filìp ə zhə̀tə̀ àndiŋ ə ŋwàʼlè nə kɨ̂yn ə tsà tom èchùŋ kûmə̀ Njisə̀s sê vəyn.