Tom èchùŋ kè kə Lûk tè nyaʼ 23:33 - Ŋwàʼlè ə̀ Fèzhə̀ Mkâyn Mə̂ Fèm

³³ Ə tè nyi kə ə ndû tâyn elùʼ vɛ ə tè tɔŋtə nə ewɔf ə atue, ə payntə̂ vəyn awâmnè fumə ə fɨnə paynte ə ghɨghe ə ghe tè kyim saʼte zâ, ə payntə̂ emɔ̀ʼ awâmnè ə ekɔynzhiəe, ə payntə̂ vəmɔ̀ʼɔ ə ekɔynkôe.

Tom èchùŋ kè kə Lûk tè nyaʼ 23:33 Referans Kwoze

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

Njɔyn 18:32

Ghənə tè pi nyi se lwiynse eghɛ zɛ ə Njisə̀s tè pi kûmə̀ èkyì ekwu zɛ ə È tè kyi se kwu.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

Ətefɨ̂aʼ 13:29

Ə pə̀ kə ghənə nə̀yn mɨ̂sè nâʼà ghɛ əkɨ̂m ghɛ ə tè nyàʼ ə Ŋwàʼlè ə̀ Fèzhə̀ kûmə̀ vəyn, chùmtè èpàm sə vəyn shîse ə tsosə̂ èpfɨyn ə vəyn ə awâmnè ə ndùə nyɨŋsə̀ əfètəyn èshyə̀ eghaʼâzè.

Ətefɨ̂aʼ 5:30

Ghàyn ə tə nə̀yn ə payntə̂ Njisə̀s ə awâmnè, è və kwuə. Pîza Zhə̀ fɛ ə pɨ̀a ghasènìghe tè kɔʼsə Fə zòmsə̀ Vəyn.

Ətefɨ̂aʼ 2:23

Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.

Njɔyn 3:14

Kə Mosîs tè paynte fûsè ə mbamke ə mbàŋ ə ndwìsə̀ tyəmsə̂ elùʼ ashəshəve, ə̀ nyì kepî èghɨ kə kyi se tə ndwîsə̀ tyəmsə Vâ wùə.

Tom èchùŋ kè kə Lûk tè nyaʼ 24:7

nə, ə kyi sè nə̀ fo Va Wùə ə ghɨə piə əgho, nə ə paynte vəyn ə fekàʼ fə awâmnèfè, ə nyi ə mtuʼ mta, ə è zomə.”

Matyò 26:2

“Ghàyn kyi sə̂ ke nə epàm mtuʼ mpɛ̀ nə̀ nə̂ nyi è zhi efɨazhi ezaʼa tsɛve. Ə̀ nyì fumə fetuʼ kə nə̀ fo tsɛsə̀ Vâ wùə ə ghɨghe əgho nə ə paynte awâmnè.”

Matyò 20:19

Ə nji fo vəyn sê tûm nə ve nyəʼse vəyn ə pus vəyn è wàynsè, ə fɨyn payntê vəyn ə awâmnè, epàmə̂ m̀tuʼ mtam ə Zhə̀fè zomse Vəyn.”