Tom èchùŋ kè kə Lûk tè nyaʼ 23:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Ə njìə ndò è vəyn ə piə ndùə ndò ə kwənə e Shimùyn viu endom, ə nyi wùə Silên, mə e ndò ə mfùʼ se kɛsə̂ kwɨlə̂ pə. Ə kyiə vəyn ə fo awâmnè ə Njisə̀skè sè vəyn, ə kàynə̀ nə e pɨaʼa ə è chumte Njisə̀s.

Tom èchùŋ kè kə Lûk tè nyaʼ 23:26 Referans Kwoze

Ətefɨ̂aʼ 6:9

Pîza, ghɨ yîghe ə zhə̀tə̀ èsaʼnê yî vəyn. Ghɨ nə ghɨ̂yn tè nyi əghɨ mə ghe ndo pə̂yn anɔ̀yn əghɨ̀ kɛ ə ke tè zàŋsə ndûə ə ndɛ àtsɨ̂ynte. Ə tè tɔŋtə ndɛ ə̀ təyn nə ndɛ àtsɨ̀yn əghɨ̀ ghɛ ə kɛse vachi èkɔ̂s. Ghɨ nə ghɨ̂yn tè nyi əghɨ Njûsə̀ mə ə ndo pə̂yn endaʼa ə Silênzè, è ndaʼa Àlèksandiyàzè. Ghənə è ghɨ Njûs əmɔ̀ʼɔ ghɛ ə tè ndò pə̂yn ə Sìlisyà è kɨsè Esiyà, ə zhə̀tə̀ saʼnə̂ yîghə̀ Shìtifɨ̀yn.

Ətefɨ̂aʼ 6:6

Ghɨə pomə tè pəyn è ghənə sê ghɨətom ə Njisə̀sghè, ghənə ə ndə̀mə̀ ə̀gho əghɨ nə ghɨ̂yn ətu ə tsə̀mə̀ sê ghənə.

Ətefɨ̂aʼ 2:10

yîghe ghɛ ə ghe fɨ pə̂yn endaʼ ə Filinjyàzè, è Pàmfilyà, ghəmɔ̀ʼɔ ghɛ ghe fɨ endaʼ ə Enjìpzè è pâs endaʼ ə Lipyà kɛ ə ke paʼsə sê tə̀ʼ ə̀ Silên. Ghâsènì yîghe fɨ pə̀yn ə Lûm.

Tom èchùŋ kè kə Lûk tè nyaʼ 14:27

Ə̂ faŋ naʼapi ndè se pɨàʼà awâmnè ə vəynke se chùmtè ə mi, è vâyn kàʼa ə è və nyi chùmtè zɨ̂m.

Tom èchùŋ kè kə Lûk tè nyaʼ 9:23

Njisə̀s ə wàmnə̀ za ə se pi sê nɔ̂yn ə ghɨ kɛ ə ke pə̀yn nə, “Ə̂ kɔ̀ŋɔ̀ pìə ndè se chùmtè ə mi, è və màʼà ngɨŋ ə vəyn, ə è pɨ̀aʼà awâmnè ə vəynke kè tuʼ mè m̀kɨ̂m chûmtə̀ mi.

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Matyò 5:41

Ə wùə chiynte ghô nə ò nji ndu è vəyn sə mâyl èmɔ̀ʼ, o ndùə sə se kìlomɛtà sèpɛ̀.