Tom èchùŋ kè kə Lûk tè nyaʼ 23:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ ə piə sê ghənə nə, “Ghàyn fe pəyn e wùə vɨ̂nə, piə sê mi nə, è kyiŋsə əghɨ, nə̂ nə ghɨ nə tɛ e etue. Pîza, piə ghànə fe kə m pfɨfte ghɛ sê vəyn kè nâʼà ə ghàyn əsi ə tàʼa fe eghɛ epi ze ə ghàyn piə nə è və nə̀yn.

Tom èchùŋ kè kə Lûk tè nyaʼ 23:14 Referans Kwoze

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

Ətefɨ̂aʼ 13:28

Naʼapi kə ghɨ nə ghɨyn tè tyə̀nə̀ va ghɛ zɛ ə Njisə̀s pofse se kwu, ghənə tə chyate Paylɛ̀t nə è nəyn kə ə zhwi Njisə̀s.

Matyò 27:54

Tuə sesokə̀ʼ kɛ ə ke tè tsɨ̀ŋnə Njisə̀s yî sokə̀ʼ sə mɔ̀ʼɔse ə fe zâ kə chike nəʼə̀ è ghɛ kayntə mɔ̀ʼɔ ghɛ ə ghe kyâyn, fâynzè ə ko ghənə, ghənə ə pìə nə, “Səmɔʼ, wùə vɨ̀nə tè nyì ke nâʼà Vâ Fèzhə̀!”

Matyò 27:24

Kə Paylɛ̀t tè fe nə ə̀ nyi e njìsè ashìŋə̀zè sə pfɨftə̂ ə̀ghɛ se ghənə fânə̀ nə ghɨ ətə kaʼa ghɨ pəyn ènôzè, è və njìə eluʼ mmòve ə shùə ə̀gho ə vəynghe ə nɔ̂ynkè əshi, ə pìə nə, “M kyi va ghɛze kûmə̀ èkwu ə wùə vɨ̂ynəze. Ə̀ ke ke ghàyn.”

Matyò 27:19

Kə Paylɛ̀t tè tsɨs ə fekyə̀ fɛ ə è tè saʼa ghɨghə ətəyn, zhwîə vəyn ə tomə tom sê vəyn ə pìə nə, “Kə ò nəyn nâʼà èghɛ zhîze sê wùə vî ə è tàʼa pofsê eghɛ za, kûmə̀ nə tsə̀m va kyiə mi ndâyn etuʼve kûmə̀ vəyn, ə fɨmsə̂ mi nâʼà sə ŋaŋ.”

Matyò 27:4

Kə è ndù ə pìə nə, “Mə nə̀yn pi se pəʼlə wùə ndɔ̀ʼɔ è nəyn pofsê nə ə zhwi vəyn.” Ghənə ə pə̀ynsə̀ nə, “saʼ zasze ə təyn nyi ghe?” Ə̀ ke ke ghò.

Ətefɨ̂aʼ 17:11

Ghɨ ghɛ ə ghe tè nyi fu tè nyi əghɨ, kɔ̂ŋɔ̀ se zɨtə eghɛ tsɛ̂ ə̀ghɨ ə Tèsàlonikà. Ghənə tè kɔ̂ŋɔ̀ nâʼà àchûŋ se zɨtə tom èchùŋ ə faŋa sè tɔŋɔ ə̀ghɛ ə Ŋwàʼlè ə̀ Fèzhə̀ kè tûʼmè m̀kɨ̂m kyiŋə se fe nə ghɛ ghɛ ə Pɔ̂l tè ndàʼa tè nyì səmɔʼ ə.