Tom èchùŋ kè kə Lûk tè nyaʼ 22:42 - Ŋwàʼlè ə̀ Fèzhə̀ Mkâyn Mə̂ Fèm

⁴² “Pɨ̀a vɨ̂m, o kɔ̂ŋɔ̀ o fiə wà ngəʼ zɨ̀yn ə mìə gho. Naʼapi za, nə kə ghɛ zɛ ə ze kwuəynə sê ghò, kə̂ o nə̀yn zɨme.”

Tom èchùŋ kè kə Lûk tè nyaʼ 22:42 Referans Kwoze

Matyò 26:39

È və kɨŋtə̂ ndûə əshi sechə, ə nyɨ̀ŋə̀ ə chi è kyaʼzè ə tsə̀mə̀ nə, “Pɨ̀a vɨm, ə e pɔynə̂ o njìə tsɨsə̀ ngəʼ zɨ̀yn sê mi! ə̀ vachi èghɛ zɛ m kɔ̂ŋɔ̀ pîza zɛ ə ò kɔ̀ŋə̀.”

Matyò 26:42

È və kɛse ndò ə ndùə sè tsə̂mə̀ pîə nə, “Pɨ̀a vɨ̂m, ə ò va se fiə tsɨ̀sè akɛ̀ ə ngəʼ kɨ̂nə̀ ə mì ətu, mə m paʼà pɨ̀aʼà kəynke, o nə̀ èghɛ zɛ ə ò kàʼa ò nəyn.”

Ŋwàʼlè ə̀ Mâk 14:36

È və tsə̀mə̀ nə, “Pɛ̂pɛ, Pɨ̀a vɨm, ghɛ ghəkɨ̂m nyîə poynə̂ sê ghò. Njiə tsɨ̀se tsôs vɨ̂nə sê Mi. Pîza, nə̀yn kə ò kɔ̀ŋə̀, ə̀ vachi kə m kɔ̂ŋə̀.”

Njɔyn 18:11

Njisə̀s ə pìə sê Pità nə, “Kɛse ndə̀m nyife ghɔ̀ŋ fɛfe apuʼle. Ò kwàʼtə̀ nə M kɔ̂ŋɔ̀ va se fe ngəʼ endom vɛ ə Pɨ̀a Vɨm ndə̀m nə M fe ətə̂ ə?”

Matyò 20:22

Pîza Njisə̀s ə pə̀ynsə̀ sê ghɔyn endômnè ətəynghe nə, “Ghàyn ke va ghɛ zɛ ə ghàyn pfɨfə. Ghàyn nyi kàʼa ə ghàyn fe ngəʼ zɛ ə m tə fe ə?” Ghənə pə̀ynsə̀ sê Njisə̀s nə, “Èn.”

Njɔyn 5:30

M vayn kàʼa m nəyn ghɛ zhîze ə Mì atyaʼ. M saʼa kə kə Pɨ̀a Vɨ̂m pì nə M saʼ, saʼ Zɨmze nyi səmɔʼ kûmə̀ nə M saʼa chîəva kə M kɔŋə̀ sə Mì ə ngɨŋ, pîza M saʼa kə kə Vɛ È tom Mi kɔ̂ŋɔ̀ nə mə saʼa.

Njɔyn 6:38

Kûmə̀ nə M paʼà tso pəyn ekwùtwəyn se nə̀yn eghɛ zɛ M kɔ̂ŋɔ̀, pîza se nə̀yn ə zɛ ə Pɨ̀a Vɨ̂m vɛ ə È tom Mi kɔ̂ŋɔ̀.

Njɔyn 4:34

Njisə̀s ə pìə sê ghənə nə, “Fɨazhiə vɨmve nyi se nə̀yn efɨaʼ ə Vɛ ə È tom Mi nə M nəyn è kɨsè se mɨsè efɨ̂aʼ zɛ ə È tom nə M pəyn nəyn.

Matyò 26:44

Njisə̀s ə fɨnə ndûə se tsə̀m, nə ə sè nyi tèshîŋə̀ tèta, piə kə ə̀ghɛ ghɛ è fè pîə sə shi.

Matyò 6:10

ə tyaʼ kɛke fɔ̀ynkè pəyn nji eluʼ, ə ghɨ ghɛ ə ghe nyi ə chi ə nə̂ ə̀ghɛ ghɛ ə Ò kɔ̀ŋə̀ kè eghɨ kə nə̂ ekwùtwəyn.

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Matyò 11:26

Èn ə pɛ̂, ə̀ nyi nyiə mə kə Ò tè kyiŋə nə ze kyayn.

Tom èchùŋ kè kə Lûk tè nyaʼ 23:34

Njisə̀s ə piə sê Pɨ̀a vəyn nə, “Lɛse fo ghənə ə Pɛ̂, kûmə̀ nə ghənə ke va ghɛ zɛ ə ghənə nə̂.” Ghənə ə ndə̀mə̀ sendzɨs sə vəynse sè tɨmə pèʼ, nə ə̂ zhi pi nde, ə è nji.

Ətefɨ̂aʼ 21:14

Ghàs ə fe nə ə vayn kaʼa nəyn nə è kwiyne kwaʼtè ə vəynze, ə zàmaʼà ə pìə nə, “Ə ze kyayn ke kə Zhə̀fè kɔ̀ŋɔ̀ nə ze kyayn.”