Tom èchùŋ kè kə Lûk tè nyaʼ 20:47 - Ŋwàʼlè ə̀ Fèzhə̀ Mkâyn Mə̂ Fèm

⁴⁷ Ghənə e kyiə fiə èfɨa ə zhwiə kwuve, kaŋa tsə̂mə̀ tètsə̂m te tyâtè se tyə̀yn ewiyn. Zhə̀fè tə tsə̀fsə̀ ghənə nâʼà sə ŋaŋ.”

Tom èchùŋ kè kə Lûk tè nyaʼ 20:47 Referans Kwoze

Ŋwàʼlè ə̀ Mâk 12:40

Ghənə e kyîə fiə èfɨa ə zhwiə əkwuve, kaŋa tsə̂mə̀ tètsə̂m te tyâtè se tyə̀yn ewiyn. Zhə̀fè tə tsə̀fsə̀ ghənə nâʼà sə ŋaŋ.”

Njə̂m 3:1

Ghɔnyì ghɨmə, kə ghàyn əkɨ̂m ə no sə̂ nyi sètyəynsè, kûmə̀ nə ghàyn ke ndô nə Zhə̀fè tə njîə ashîŋə̀ tsɨəke se saʼa ghâsènì ghɛ ə zaʼlə tsɨ̂ə tsɛ̂ kə è tə saʼa ghɨə mɔ̀ʼɔghe.

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

Tom èchùŋ kè kə Lûk tè nyaʼ 12:1

Ə̂ pə̀ kə Njisə̀s tè wàmnè ghɛ nə ghɨ̂nə̀, ghɨghe e zûŋtə̀ pə̀ kə setsɨ̀ setsɨ̀, e sè nyi kə ə kàʼa ə nyayle yiə, è və zhə̀tə̀ sè wàmnə̀ sê chùmtè èpàm sə vəynse piə nə, “Ghàyn tɔ̂ʼnə̀ kûmə̀ ghɨə Falàsîə ghɨ̂yn ə kaŋkaŋa nə̂ ghɛ nyi, ndam tə ghənə̂tè njiə əfètə̂ ə̀ ghɨ kè kə fèsə̀ʼ njiə əfètə̂ àpayn ə kwaŋa.

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

1 Tèsàlonikà 2:5

Ghàyn ke nə ghàs tè paʼà pə̀yn sê ghàyn wâmnə̀ efɔmsê echoze. Zhə̀fè nyi tsɛ̀ èsaʼ se ghàs nə ghàs tè paʼà nə̀yn ghɛ ghɛ ghàs tè nəyn kûmə̀ əshi ə fɨəghe, sè kyiŋə se ndə̀tè.

Tom èchùŋ kè kə Lûk tè nyaʼ 20:46

“Ghàyn e tɔ̂ʼnə̀ ghâynghə̀ tyə̀ynsè sə alàŋ sɨ̂nə̀. Ghənə nə̂ kɔ̂ŋɔ̀ sə̂ kwîə tsɛ̂ è tàlase, se ghaʼlə̂ kə nyi, ə̂ fɨ ndùə afàf ghɨghe nyɨŋə pə̀ tɔŋtə̂ ghənə, ə̂ ndùə ə sendɛ sə atsɨ̀yntese, ghə kɔʼɔ tsɨsə̂ kə əshi, ə̂ ndùə elùʼ azhi, ghə tè kɔ̂ŋɔ̀ kə se kɔʼɔ tsɨsə̂ elùʼ ə engaŋtəu.

Tom èchùŋ kè kə Lûk tè nyaʼ 21:1

Njisə̀s tè pa nyi ke ə Ndɛ Ètsə̀mə ə nə̀ naynə̂ ndûə eluʼ vɛ ə fo fote ə ghənə̂tè ətəyn, ə fe kə ghɨ ə ghaʼàghè fo fotə ghənə̂tè