Tom èchùŋ kè kə Lûk tè nyaʼ 20:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Njisə̀s ə se pi nə, “E za nyi nə, ghàyn nə fo kə efɨa ə fɔ̀yn sê fɔ̀yn, fo kə efɨa ə Fezhə̀e sê Zhə̀fè.”

Tom èchùŋ kè kə Lûk tè nyaʼ 20:25 Referans Kwoze

1 Kɔlìŋ 10:31

Nyiəmə, nâʼàpî èghɛ èkè zɛ ə ghàyn nə̀, kɨ̀sə ghàyn zhiə ndò kɨ̀sə ghàyn mɨə ndò, ghàyn e nə̂ zamə kè se pomsê ezə Fezhə̀zè.

Ətefɨ̂aʼ 5:29

Pità yî ghɨətom ə Njisə̀s ghəmɔ̀ʼɔ ə pə̀ynsə̀ nə, “Ghàs kyi sə̂ zɨə kə sê Zhə̀fè, ə̀ va chi sê ghɨghe.

Ŋwàʼlè ə̀ Mâk 12:17

Njisə̀s ə ke pì nə, “Ghàyn fo sê Kaysà fɨa kɛ ə̀ kyi Kaysà, ə fo se Zhə̀fè fɨa kɛ ə̀ kyi Fezhə̀.” Wâmnè ə vəynze ə nə̀, choze ə zomə ghənə.

Matyò 22:21

Ghənə ə pə̀ynsə̀ nə, “Ə̀ nyi zə Kaysàzè.” Njisə̀s ə ke pì sê ghənə nə, “Ghàyn fo sê Kaysà fɨa vɛ ə kyi Kaysà, ə fo sê Zhə̀fè fɨa vɛ ə kyi Fezhə̀.”

Matyò 17:27

Pîza ghàs kɔ̀ŋə̀ va se nə̀yn nə ghɨ ghɨ̀nə nyɔʼse tɔŋe. Ndù ènjwì ə màʼa fèchyaʼ. Mbwɔ̀ kɛ ə ò ko sə shi, ŋaʼse cho ə kəynke, ə ò koyte kɛve ə ve kwəyn kə ghâsènì ndaʼ tâks ə təyn. Njì vəynve ə ndùə ndâʼà sê ghâsènì.”

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.

Tom èchùŋ kè kə Lûk tè nyaʼ 20:24

“Ghàyn tyəyn pə̀yn èkɛ akasve sê mi nyi.” Ghənə ə tyə̂nə̀, è və pfɨfə nə, “Ə nyi anyɨ̂ŋsè ekyàʼ ə ndeke ətəyn nyi è zəze ə?” Ghənə piə nə, “Ə nyi ekyâʼ ə fɔ̀yn e ghaʼa ə endaʼ ə Lûm è zə ə vəynze.”