Tom èchùŋ kè kə Lûk tè nyaʼ 2:7 - Ŋwàʼlè ə̀ Fèzhə̀ Mkâyn Mə̂ Fèm

⁷ È və pîə va vəyn və̂ ngɔ̀yn, ə nyi vâyn ndômə̀, ə ngolə̂ vəyn ə èpɨ̂aŋ ə sendzɨse ə nyɨ̀ŋsə̀ vəyn ə ngwùʼ zɛ ə nyamse tè zhiə ətəyn kûmə̀ nə luʼe tè kɛse va ə ndɛ zɛ ə ghɨ kwiə tè pə̀ ndamtə̂ ətəyn.

Tom èchùŋ kè kə Lûk tè nyaʼ 2:7 Referans Kwoze

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Matyò 1:25

Pîza ə tàʼa pɨəyn è Mèli se zaʼâ kə è piə vâyn èndômə̀. Njosɛ̀f ə tsɨ̀ə èzə ə vəyn nə Njisə̀s.

Matyò 8:20

Njisə̀s ə pə̀ynsə̀ nə, “Sɔ̀ŋɔ̀m nyîə kyi èpûʼ ə ghənə̂vè, nɨ̂ŋmè e kyi sendɛ, pîza Vâ Wùə e kyi va luʼu se nyɨ̀ŋsè atu ə vəynke ətəyn se zɨ̀tè.”

Matyò 13:55

Ə̀ vɨnə va ke nâʼà vâ wùə vɨ̀nə è kɔmə fɨave nyîə? Ə va Mèli kə è piə və? Ghɔnyiə vəynghe va Njə̂m, è Njosɛ̀f, è Shimùyn è Njondàs ə̀?

Tom èchùŋ kè kə Lûk tè nyaʼ 10:34

È və shùə tèfiŋ tə vəynte ə zɔlə̂ è fue ə kolə è pɨ̂as ə sendzɨse ə njiə vəyn ə kɔʼse əvəyn etûə nyàm ə ndùə è vəyn ə ndɛ̂ ghɨe motə pə ə pɨənə tɔ̂ʼnə̀ è vəyn fumə.

Tom èchùŋ kè kə Lûk tè nyaʼ 2:6

Ə̀ tè nyi kə ghənə pa nyi ke fumə, shîŋə̀kè ə kwənə kə è piə.

Tom èchùŋ kè kə Lûk tè nyaʼ 2:8

Ə̀ tè nyi kepî mtuʼ nə mɛ̂, ngyəyn sə sepfɨ shîse e nyi apàs endaʼ nə kɛmə, tsɨ̂ŋnə̀ sepfɨ sə ghənə̂sè ètuʼve.