Tom èchùŋ kè kə Lûk tè nyaʼ 19:42 - Ŋwàʼlè ə̀ Fèzhə̀ Mkâyn Mə̂ Fèm

⁴² ə piə nə, “Ə fo ndè ghàyn, ghɨə Njèlusalɛ̀mə̀ ə ke eghɛ zɛ ə ze pə̀ è pɔ̂ynè ndàyn ə, zôyn nyi mə ghàyn vâyn kàʼa ə ghàyn fe!

Tom èchùŋ kè kə Lûk tè nyaʼ 19:42 Referans Kwoze

Ipilù 3:15

E nyi ke kə ə nyâʼ ə Ŋwàʼlè ə̀ Fèzhə̀ nə: “Ə ghàyn zɨ kyə̀ Fèzhə̀ ndàyn, kə ghàyn tɛ è tuke kə pɨ̀a ghaynghe tè tɛ se mi kə ghənə tè nyi elùʼ ashəshəve.”

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ipilù 3:13

Ghàyn e pɨlə tsâmtə̀ sèngɨŋ saynse tuʼmè m̀kɨ̂m kè kə ghàs pa zɨə ‘Ndâyn’ è wâmnə̀ sê ghàs kè kə ə nyâʼ ə ŋwàʼlè ə̀ Fèzhə̀, kə ndɔ̀ʼɔ pi tə lɛsê wùə sê ghàyn, ə ghàyn ə tɛ e tuke.

Tom èchùŋ kè kə Lûk tè nyaʼ 19:44

Ghənə tə kəʼsə̂ ghàyn kè əkɨ̂m paʼsə̂ kəpî è ghɔyn ghɛ ə ghe nyi ə ghàyn ə sendɛ. Chie tə faŋa va etuə zhize fâyn kûmə̀ nə ghàyn pâʼà fe ke shîŋə̀ kɛ ə Zhə̀fè nə̂ pə̀ se pɔsê ə ghàyn ətəyn.”

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ipilù 3:7

E nyi nyiə mə kə Zuʼse Ŋwaʼase pî nə, “Ə ghàyn zɨ kyə̀ Fèzhə̀ ndàyn,

Tom èchùŋ kè kə Lûk tè nyaʼ 19:41

È və nə̀ ndùə sè paʼsə̂ mɨ̂sə̀ ndùə ə tə̀ʼ ə̀ Njèlusalɛ̀m ə naynə̂ ndùə tə̀ʼ ətəyn, səynze ə ko vəyn, è və chîə pə̀ kə ndò,

Tom èchùŋ kè kə Lûk tè nyaʼ 19:43

Tuʼ mê pîəm paʼsə̂ pə̀ ndò sê ghàyn. Pàyn saynse nə̀ tɨmə mbàyn, ə è kyɨ̀ŋ ngɨa ghàyn ə fɨyn ghàyn kə epɨ̀as èkɨ̂m, kɨyte ke ndo ghàyn.