Tom èchùŋ kè kə Lûk tè nyaʼ 14:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ “Wùə vâyn kàʼa ə è kwəyne sə̂ nyi chùmtè zɨ̂m, ə̀ tsɛ̂ kəva mə è kɔ̀ŋɔ̀ ndò mi tsɛ̂ kə è kɔ̀ŋɔ̀ pɨ̀aə vəyn è nyiə vəyn è zhwiə vəyn è ghɔə vəynghe è ghɔnyiə vəynghe, nâʼàpî è ngɨŋ ə vəyn.

Tom èchùŋ kè kə Lûk tè nyaʼ 14:26 Referans Kwoze

Matyò 10:37

Wùə vɛ ə è kɔ̂ŋɔ̀ pɨ̀a kɨ̀sə nyì tsɨ̂ə tsɛ̂ kə è kɔ̂ŋə̀ Mi, kwənə va sə̂ nyi chùmtè èpàm zɨ̂mzè; Ə̂ kɔ̀ŋɔ̀ pindè vayn èndômə̀ vəyn kɨ̀sə vayn èzhɔynə̂ vəyn tsɨ̂ə tsɛ̂ kə è kɔ̀ŋɔ̀ mi, ə è və kwəynə va sə̂ nyi chùmtè èpàm zɨ̂mè.

Njɔyn 12:25

Ghɨ ghɛ ə kɔ̂ŋɔ̀ ndam ə ghənə̂zè nə Njîsə̀ zəynze, ghɨ ghɛ ə pânə̀ zə ghənə̂zè nə endam fa mbi, ə tə ndam èndam zɛ ə ze tə mîə va.

Filìpây 3:8

Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Etyə̂yn ə paynsêzè 12:11

Ghɔnyì ə ghâsènì nə ghɨ̀nə̀ ə nò ə zhiə vəyn tɔynə̂ m̀ndəm mə Va Ndzèm, tɔynə̂ ə səmɔʼ zɛ ə ghənə tè tsâ, è kɨsè nə ghənə tè nyîə nyi èpɨaʼtêzè se kwu ezhoghɛ ə kwuze pə̂yn.

Ŋwàʼlè ə̀ Pɔ̂l sê ghɨə Lûmghè 9:13

Ə nyàʼ ə Ŋwàʼlè ə̀ Fèzhə̀ nə Zhə̀fè pì nə, “Mə tə kɔ̀ŋ Njàkɔ̂p ə pànə̀ Esò.”

Tom èchùŋ kè kə Lûk tè nyaʼ 14:25

Ə̂ pə̀ kə̂ Njisə̀s ndò kwiə ndùə, nɔ̂yn ə ghɨ̀kè e chûmtə̀ ndùə vəyn. È və kɛsə̂ pə̀ynsə̀ èwiyn ə piə sê ghənə nə,

Tom èchùŋ kè kə Lûk tè nyaʼ 14:20

È və piə è ndùə sê wùə mɔ̀ʼɔ, è və piə nə, ‘M pə̀ va kûmə̀ nə ghâsè zhwi vɨ̂mvè kwùʼ malə̂ kêndò.’