Tom èchùŋ kè kə Lûk tè nyaʼ 14:23 - Ŋwàʼlè ə̀ Fèzhə̀ Mkâyn Mə̂ Fèm

²³ Nyi, pɛ̀ èfɨ̀aʼ ə fɨnə piə sê vəyn nə, ‘Fɨ ndù fâ endaʼ ə ndùə ə mndômnə̀ mə̂ afùʼə̀m è luʼ təmɔ̀ʼɔ tɛ ə ghɨ nyi kepî ətəyn ə nə̀ ə ghənə pə̀yn kə ndɛ zɨ̂m lwiyn.

Tom èchùŋ kè kə Lûk tè nyaʼ 14:23 Referans Kwoze

Kòlosè 1:28

Ə̀ za nyi eghɛ zɛ ə ghàs ndàʼà tom ə̀ Klâys sê nâʼàpî ndè. Ghàs fo etəftê, zaʼlə̂ ghənə è tɔf eghaʼâzè ekɨ̂m zɛ ə Zhə̀fè nyi mə fə fo se ghàs. Ghàs nə̀ nyiəmə kûmə̀ nə ghàs kyiŋə nə ghənə ə nyi chichi ə Zhə̀fè əshi kə ghɨ ghɛ ə fɨəyn ə ghənə̂zè nyi mə zə kàynè tɛ ə fètə̂ èpomə̂.

2 Kolìŋ 5:11

Nyiəmə, ghàs ngɨmnə̂ ndò Zhə̀fè. Ə̀ za nyi eghɛ zɛ ə ghàs chyatə ghɨə nə ə pəyn sê Vəyn. Zhə̀fè nyîə ke ə̀ghɛ ə̀kɨ̂m kûmə̀ ghàs, m kwaʼtə̀ nə ə ghàyn ətəm, ghàyn pɔŋ fɛtê ke ndò ghàs.

2 Timotì 4:2

ò ndâʼà tom èchùŋ, ò ndâʼà kə ndò kɨ̀sə ghɨ kɔ̀ŋɔ̀ ndò se zɨtê, kɨ̀sə ə kɔ̂ŋɔ̀ va, ò fɛtə̂ nə̂ kə ghɨ zɨ kê, tyə̂nə̀ paynsə̂ ə̀ghɛ ghɛ əghɨ nə̂ pofsə, ò fo ə̀təm kè kə ò zaʼlə è ewəynsêzè.

2 Kolìŋ 5:20

Ə̀ za nyi endom vɛ, ə ghàs njìə luʼ ə Klaysvè, kəpiə Zhə̀fè tɔŋə ghàyn nə ghàyn kɛse pəyn sê vəyn tɔynə̂ ə ghàs. Ghàs chyatə̂ ghàyn ə Klâys ezə nə ghàyn kɛse pəyn sê Zhə̀fè.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Ŋwàʼlè ə̀ Pɔ̂l sê ghɨə Lûmghè 10:18

Pîza pfɨf zɨmze nyi nə, ze nyi ndô səmɔʼ nə ghənə tè pâʼà zɨ tomə̀ təyn ə? Ghənə tə fɛtê zɨ zə̂ynzè àchûŋ. Ə nyàʼ ə ŋwàʼlè ə̀ Fèzhə̀ nə, “Ə tə zɨ kyə̀ ghɨ̀ nə ghɛ ə ghe tè ndàʼa tom èchùŋ pôlə̀ tə mbi tekɨ̂m. Wâmnè ə ghənə̂zè ə tə ndù fɨ pôlə̀ tə mbi tekɨ̂m.”

Ətefɨ̂aʼ 28:28

Pɔ̂l tè wàmne ə piə è mɨ̂sə̀ ndò ə piə nə, “Ghàyn e ke nə, tom èsɔza zɛ ə Zhə̀fè tom, È və tom zə̂ynzè zôyn se ghɨ etumə, mə ghənə nə̀ zɨtə̂ zə̂ynzè.

Ətefɨ̂aʼ 18:6

Ə pə̀ kə ghənə kwiynse ghɛ zɛ ə è pìə, è və pə̀ynsə̀ tsɨ̀m sê ghənə ə pìə nə, “Ə ghàyn njìsè, ə nyi ke ghàyn se ghàm ə sengɨŋ saynse! Gho kɨmke va ətəyn. Se zhə̀tè zôyn se ndù əshi, m nə̀ ndûə se ghɨ ghɛ ə̀ vachi ə̀ghɨ ə Njûsghè.”

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Matyò 21:43

Njisə̀s ə kwəynsə̂ nə, “Ə tə fiə tsɨsə̀ eluʼ vayn sê ghàyn ghɛ ə ghàyn saʼa fɔ̂yn ə Fezhə̀vè ə fo sê ghɨ ghɛ ə ghe nyi chichi.”

Ətefɨ̂aʼ 16:15

Ə pə̀ kə fo môm sê vəyn è ghɨə vəyn ghe sas ə ndɛghe, è və ke ndàmnè ə ghàs ə və ndɛ. È tè piə nə, “Ghàyn pəyn pɨəyn ə mìə ndɛ, ezhoghɛ ə ghàyn nyi mə ə chɔʼnê nə m nyi wùə èpomə ə̀ Pɛ̂pɛ səmɔʼ.” È və chyatə̂ tsɛsə̀ ghàs, ghàs ə ndùə.

Tom èchùŋ kè kə Lûk tè nyaʼ 24:29

Ghənə kitə vəyn ə piə nə è pɨəyn yîghə̀ ghənə kûmə̀ nə shîŋə̀ kə tsɛ̂, tuʼve fɨyn nyi mə ve ə chi. È və njiə sè pɨ̂əyn yî ghənə.

Matyò 5:41

Ə wùə chiynte ghô nə ò nji ndu è vəyn sə mâyl èmɔ̀ʼ, o ndùə sə se kìlomɛtà sèpɛ̀.

Tom èchùŋ kè kə Lûk tè nyaʼ 14:22

Wufɨ̀aʼa ətəyn ə ndùə kɛsə pə̀ ə piə sê vəyn nə, ‘Pɛ̀ apɨəyn, mə nə̀yn naʼapi ghè vɛ ə ò pi, pîza ndɛ pâʼà nyìəm lwiyn.’

Tom èchùŋ kè kə Lûk tè nyaʼ 14:24

M piə sê ghàyn nə, nâʼà wùə nə̂ mɔ̂mə̀ va fɨa ə ezhiə kɨmke əfètə̂ ə̀ghɨ ghɛ ə m tè ndàm, ghe ə tə.’”