Tom èchùŋ kè kə Lûk tè nyaʼ 14:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Wufɨ̀aʼa nə vɨ̂yn ə kɛsə̂ kwɨlə tsà əghɛ nə ghɨ̂yn sê pɛ̀ èfɨ̀aʼ ə̀ vəyn. Tɔŋve ə zafə vəyn, è və piə sê va ətəyn nə, ‘Zàŋse fɨ ndù ə tendom tetɛte è te tətə̂tè ə tɔ̂ŋ ə kumtə̂ pə̂ ə̀ghɨ afɨf ghɛ ə ghe nyi fumə è ghe ngəplə è ghe fofə è m̀ngə̂s.’

Tom èchùŋ kè kə Lûk tè nyaʼ 14:21 Referans Kwoze

Tom èchùŋ kè kə Lûk tè nyaʼ 14:13

Ə ò kyi ghɛe ezhize, o pɨlə ndâmnə̀ əghɨ afɨfə è ghə̀ kèngɛchi è m̀ngə̂s è fòfvè.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Matyò 11:5

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Njɔyn 9:39

Njisə̀s ə ke pì sê vəyn nə, “M pəyn fâ mbi se saʼ əghɨ, se nə̀yn nə ghɨ ghɛ fe va ə fe, ə ghɛ ə ghe fe, ə ghe fof.”

Tom èchùŋ kè kə Lûk tè nyaʼ 14:24

M piə sê ghàyn nə, nâʼà wùə nə̂ mɔ̂mə̀ va fɨa ə ezhiə kɨmke əfètə̂ ə̀ghɨ ghɛ ə m tè ndàm, ghe ə tə.’”

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

Etyə̂yn ə paynsêzè 22:17

Zuʼse yî Zhwìə ndom pi nə, “Pə.” Naʼapi ndè vɛ ə è zɨ ghɛ zɨ̂nə̀ kyi kepî ndò se pì nə, “Pə.” Ə pfɨ̀ŋ m̀mò zuʼsə nâʼàpî ndè e kyiŋə se mɨ mmo, è və pə̀ fiə m̀mo mɛ ə m̀ fo ndamze, ə mɨə səndô.

Etyə̂yn ə paynsêzè 19:15

Ghɛ zɛ ə è tè pî tè nyi kə efɛ̂ eghɔ̀ŋze ə è nə̀ njîə se no zhi əghɨ ə tɛ nə atu ə tendaʼàghè. È nə saʼa ghənə nâʼà è tyaʼ eghaʼâkè kəpiə è njìə mbàŋə̀ anyà se saʼ ə ghənə ətəyn. È tə kamə sèpàyn sə vəynse kepî endom vɛ ə kamə lɨ̀m epə ekamə nə mlɨ̀zè. È tə nə̂ zɨnə mə sê Zhə̀fè Pɛ̀ àtyaʼ akɨ̂m vɛ è zafsə̂ ndwɔ̂vè nâʼà sə ŋaŋ kûmə̀ sèpi sə ghənə̂sè.

Ipilù 13:17

Ghàyn e zɨə se tu vaynve, kə ghàyn ə tɛ è tuke sê ghənə. Ghənə nyiə naynə̂ ghàyn kûmə̀ nə ghənə taŋə njo sê Zhə̀fè ə ghənə efɨ̀aʼ. Ə ghàyn zɨə sê ghənə, ə ghənə ə nə̂ èfɨ̂aʼ ətəyn è èsaŋnêzè, ə ghàyn sè tɛ è tuve, ə ghənə ə nə̂ èfɨaʼ ətəynze è təm ə tɨləghe, ə zɛ mə tàʼa tsàmtə ghàyn.

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Matyò 11:28

Ghàyn pəyn sê mi, ə ghàyn əkɨ̂m ghɛ ə ghàyn nyi mə pɔ se pɨàʼà ekyə̀yn etɨlə ve ə M fo zɨ̀tèkè sê ghàyn.

Tom èchùŋ kè kə Lûk tè nyaʼ 9:10

Ə tè nyi kə ghɨətom ə Njisə̀sə̀ kɛse kwɨlə pə̀yn sê vəyn ə tsà naʼapi ghè vɛ ə ghənə nə̀yn, è və njìə ghənə, yî ghə̀ ghənə ə zà əghɨ ə ndùə njiə ə tɔ̂ŋ zhîzè, e tɔŋtə̂ nə Pètsayndà.

Matyò 18:31

Kə ghɨə fɨaʼa mɔ̀ʼɔ̂ tè fe ghɛ zɛ ə ze kyâyn, təmə ghənə̂ghè e saŋnə̂ va, ghənə ə ndùə se fɔ̀yn ə tsà ə̀ghɛ ə̀kɨ̂m kə ghe kyâyn.

Matyò 15:12

Kə È tè pî zɨnə mə, chùmtè èpàm sə vəynse ə pə̀ ə vəyn etipì ə pìə sê vəyn nə, “Ò vɛ ò ke nə ghɨə Falàsîghə nyɔ̂ʼsè tɔŋe eghɛ zɛ ò wàmnè ə?”

Tom èchùŋ kè kə Lûk tè nyaʼ 14:20

È və piə è ndùə sê wùə mɔ̀ʼɔ, è və piə nə, ‘M pə̀ va kûmə̀ nə ghâsè zhwi vɨ̂mvè kwùʼ malə̂ kêndò.’

Tom èchùŋ kè kə Lûk tè nyaʼ 14:22

Wufɨ̀aʼa ətəyn ə ndùə kɛsə pə̀ ə piə sê vəyn nə, ‘Pɛ̀ apɨəyn, mə nə̀yn naʼapi ghè vɛ ə ò pi, pîza ndɛ pâʼà nyìəm lwiyn.’

Matyò 20:7

Ghənə pə̀ynsə̀ nə, ‘Ə̀ nyi kûmə̀ nə wùə paʼà njì ghàs efɨ̀aʼ.’ È və pìə sê ghənə nə ghənə pɔŋ səʼ ə fɨ̂aʼà ə vəyn afùʼ.