Tom èchùŋ kè kə Lûk tè nyaʼ 12:37 - Ŋwàʼlè ə̀ Fèzhə̀ Mkâyn Mə̂ Fèm

³⁷ Ə pɛ̀ èfɨ̀aʼ kɛsə̂ kwɨlə̂ ə fe əghɨ fɨaʼa vəyn nə ghɨyn ghe kyâʼà, ə saŋnêzè ə nyi sê ghənə. M piə sê ghàyn səmɔʼ nə, kè nâʼà vəyn sə və ngɨŋ nəyn, ə ghənə tsɨsə elùʼ e zhiəe, ə è pɨaʼte ngɨŋ ə vəyn ə è tsɛ̂se fɨazhiəe sê ghənə.

Tom èchùŋ kè kə Lûk tè nyaʼ 12:37 Referans Kwoze

2 Pità 3:14

E za nyi ə soyn sɨm sechûŋsè nə, kə ghàyn lɨmtə tuʼ nə vɛ, ghàyn mɔmse nâʼà è tyaʼa sə̂ zo, kyi va tsasze ə Zhə̀fè əshi, fɨnə ndamə è pɔ̂ynè sê vəyn.

Matyò 24:42

Ghàyn epfɨ̂tə̀, kûmə̀ nə ghàyn ke va tuʼ vɛ ə Pɛ̂pɛ vâyn tə pə̀ ətəyn.

Filìpây 1:23

M zhiynə kə ndò əfètəyn ə̀ghɛ nə ghɨ̂yn, kyiŋə nâʼà sə ŋaŋ se za achi kɨ̀yn se ndù sə̂ nyi ghasè Klâys, ə nyi èghɛ zɛ ə ze tsɔ̂fə̀ kwənə,

1 Kɔlìŋ 2:9

Pîza kè kə nyâʼ ə ŋwàʼlè ə Fezhə̀ nə: “Ghɛ zɛ wùə tàʼa tyəmə fe, Pî se tyəmə zɨ, Ghɛ zɛ ə wùə tàʼa tyəmə kwàʼtè nə ze kaʼa ə ze kyayn ə̀ nyi zəynze ə Zhə̀fè nyi mə fə pɨaʼtê sê ghɨ ghɛ ə ghe kɔ̂ŋɔ̀ Vəyn.”

Etyə̂yn ə paynsêzè 14:13

Mə fɨnə zɨə kyə̀ kə è pə̀ ekwùtwəyn pìə nə, “Nyàʼ ghɛ zɨ̂nə̀ nyi nə, Se zhə̀tè zôyn nyi se ndù əshi, saŋnêzè nyì nâʼà pî se ndè vɛ ə è kwu mə è chùmtə̀ Pɛ̂pɛ è təm ə vəynghe əkɨ̂m!” Zuʼse Ŋwaʼase ə fɨnə pə̀ynsə̀ kə nə, “Ze nyi səmɔʼ. Ghənə nə̀ zɨ̂tə̀ ə ghənə ə tefɨ̀aʼ kûmə̀ nə Zhə̀fè nə̀ mâʼtə̀ ghənə ə ghənə efɨ̀aʼ.”

2 Pità 1:11

Famə endom ə Zhə̀fè fi ndzɨsê ghàyn è təm ə vəynghe əkɨ̂m elùʼ vɛ ə Pɛ̂pɛ ə̀ ghâsènì Njisə̀s Klâys tə nə̂ ə è və saʼa ə̀ ghɨə vəynghe sə teshìŋə̀ tèkɨ̂m.

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Tom èchùŋ kè kə Lûk tè nyaʼ 21:36

Ghà tsɨs shîŋə̀ tèkɨ̂m, pfɨ̂tə̀ kə ndo, tsə̂mə̀ nə Zhə̀fè fo tyaʼa ə ghàyn tə tɔynê əfètə̂ əghɛ nə ghɨyn ə ke tə kyànə̀. Ghàyn tə tɔynə̂ mɨ̂sə̀, ə ke se tyəm elùʼ ə saʼə Va Wùə əshi.”

Etyə̂yn ə paynsêzè 7:17

kûmə̀ nə Va Ndzè vɛ ə è tsɨs əfètə̂ fèkyə̀ tə nə̂ ə è və nyi ngyəyn ə̀ ghənə̂. È tə njìə ndùə è ghənə ə setɔŋ sə mmò sɛ ə se fo ndamze, ə Zhə̀fè zəs shîmè m̀kɨ̂m ə ghənə əshi.”

Etyə̂yn ə paynsêzè 3:21

Ə̀ nò zhi pîndè, ə m fo vəyn è tyaʼke nə è tsɨsə ə mì etipì, ə mì ə fekyə̀ fə efɔ̀ynfè. Kè kə M se nyi mə mə nò ə zhiə sè tsɨs zôyn ə Pɨ̀a vɨ̂mvè etipì, ə Vəyn elùʼ efɔ̀yn.

Filìpây 1:21

Se mi se ndam ə̀ nyì se fɨ̂aʼ se Klâys, se kwu, ə̀ pɨl nyi se zhiə kwulə̂.

Tom èchùŋ kè kə Lûk tè nyaʼ 17:8

Piə è kwɨlə̂ pə̂ nyi, ə ò pì ke nə è kwiynê ndzɨse, ə è kwunə fɨake ə è fo ə ò zhi ə è fɨyn fo afɨa ə ò mɨ tsɔ̀fə kə nâʼà vəyn zhi ə è fɨnə mɨ ə?

Tom èchùŋ kè kə Lûk tè nyaʼ 12:43

Wufɨ̀aʼa ə̀təyn nə̀ nə̂ ə è və saŋnə̂ ashìŋə̀ kɛ pɛ̀ èfɨ̀aʼ ə̀ vəyn kɛse pə̀yn, è və nə̂ eghɛ zɛ ə è tè pi.

Tom èchùŋ kè kə Lûk tè nyaʼ 12:36

kə ghɨ e fɨaʼa ghɛ ə ghe lɨmtə pɛ̀ èfɨ̀aʼ ə̀ ghənə nə è kɛse kwɨlə̂ elùʼ ə malə̂ kə ghənə chɔʼ cho ndɛe nâʼà pi ashìŋə̀ kè kɛ ə è ngɔʼte.

Tom èchùŋ kè kə Lûk tè nyaʼ 22:27

Wùə ə ngaŋtə nə̀ nə̂ ə se nyi vɨ̂yn və, e vɛ e tsɨs zhiə kə ndò mə, e vɛ e tsɛsə fɨazhiə və? Piə ə nyi vɛ e tsɨs, zhiə kə ndo? Se mi m nyi ə ghàyn ə fètəyn kə wùə èfɨaʼa.

Etyə̂yn ə paynsêzè 16:15

Pɛ̂pɛ pi nə, “Ghàyn zɨte! M nə̀ pə̂ kə wùə èchɔŋɔ. Saŋnêzè nyì sê wùə vɛ ə è tsɨs, pfɨ̂tə̀ è ndzɨse ə vəyn ewìyn, kə è tə tàʼa fɨ è sas ezomze ə ghɨghə shi, kə è və ghomə̂.”