Tom èchùŋ kè kə Lûk tè nyaʼ 12:33 - Ŋwàʼlè ə̀ Fèzhə̀ Mkâyn Mə̂ Fèm

³³ Ghàyn pəʼle fɨa vaynve ə ghàyn fo kɛ ətəyn sê ghɨ afɨfə. Ghàyn fɛte shəyn saynse kə sə vayn kàʼa ə se pof kə ndəm ghaʼ zɛ ə wùə vâyn kàʼa è zhi mɨ̂sè ətəyn, ə ndəm ekwùtwəyn sê ghàyn, elùʼ vɛ ə wùchɔŋɔ vâyn kàʼa è tayn ətəyn se nji, mə shɔshɔʼve vâyn kàʼa ə ve tayn fu se kwɨlə pofse.

Tom èchùŋ kè kə Lûk tè nyaʼ 12:33 Referans Kwoze

Matyò 19:21

Njisə̀s ə pìə sê vəyn nə, “Ə̂ ò kɔ̀ŋɔ̀ sə̂ nyi chichi ə Zhə̀fè əshi, o ndùə pəʼlə̂ èfɨa vɛve nâʼà èkɨ̂m ə fo èkɛ ətəyn sê ghɨafɨfə. Ə ò nə̀yn zɨnə mə, ə ò tə kyî èghaʼ ekwùtwəynze. Ə̂ ò se pə chûmtə̀ mi.”

Tom èchùŋ kè kə Lûk tè nyaʼ 18:22

Njisə̀s ə zɨə zâ ə piə sê vəyn nə, “Ò pa kyi eghɛ èmɔ̀ʼ se nə̀yn, ndùə pəʼle nâʼà fɨave ekɨ̂m kə ò kyi ə fo ekɛ ətəyn sê ghɨafɨfə, kə ò kyi eghaʼ ekwùtwəynze. Ə ò nə̀yn nyi, o pə̀ chûmtə̀ mi.”

Ətefɨ̂aʼ 2:45

Ghənə tè pəʼlə èfɨa ə ghənə̂vè, chyâtə̀ èkɛ ətəynve, fo kə se wùə kè kə è tè làʼà.

Tom èchùŋ kè kə Lûk tè nyaʼ 16:9

M sè pi sê ghàyn nə, ghàyn e nə̂ chùŋ è kɛ vɨ̀nə ə ve ndamə faŋa va se pə̀yn è ngəʼ nyi kə ve tə mi, ə ghàyn piə ə kwɨlə endaʼ e faŋae, ə fi ghàyn è gho ghə pɛ̀.

Tom èchùŋ kè kə Lûk tè nyaʼ 12:21

Njisə̀s ə wàmnə̀ mɨ̂sè nyi ə piə nə, “Ə̀ nyi nyiə kə ze nyi sê wùə vɛ ə è tuʼ ndəm fɨae sê ngɨŋ ə vəyn, kwənə va nâʼà èghɛ ə Zhə̀fè əshi.”

2 Kolìŋ 8:2

Ghənə tə kyi mɔ̂m te tsɨəte kûmə̀ tètsôs tɛ ə ghənə tè tsɛ̀ tɔynê ətəyn, pîza pa kyi ke ndò saŋnê eghaʼazè se fo nâʼà sə ŋaŋ se tɔ̀ʼ efɨ̂aʼ ə Fezhə̀zè pî kə ghənə tè nyi əghɨ afɨfə.

Njɔyn 12:6

È tè paʼà wàmnè nyi kûmə̀ nə è tè kyi èkwâʼtè se tɔ̀ʼnè è ghɨ afɨfə. Ə̀ tè nyi kûmə̀ nə è tè nyi wùə chɔŋɔ, ə̀ ndə̂mə̀ vəyn shəyn èkɛ, faŋa va se njiə vîve ətəyn se nə̀yn eghɛ vəynze kɔ̀ŋzè ətəyn.

Tom èchùŋ kè kə Lûk tè nyaʼ 11:41

Ghàyn pɨlə fo fɨsə efɨa vayn vɛ ə ghàyn kyi sê ghɨafɨfə è təm e chûŋə̀, kə naʼapi ghè ə nyi è zoe sê ghàyn.