Tom èchùŋ kè kə Lûk tè nyaʼ 10:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ghɨ nə ghɛ m̀ghɨ̂m sɛ̀mbɛ njò sepɛ̀ ə kwi ndùə ə kɛsə kwɨlə è saŋnê ə piə sê Njisə̀s nə, “Pɛ̂pɛ, naʼapi tèpamə̂ tə satàyntè ə zɨ sê ghàs kə ghàs kàyntə̀ ghɛghe ə ghò ezə!”

Tom èchùŋ kè kə Lûk tè nyaʼ 10:17 Referans Kwoze

Ŋwàʼlè ə̀ Pɔ̂l sê ghɨə Lûmghè 16:20

Zhə̀fè mə za nyi pɔ̂ynè ə̀ ghâsènì môtə̀ kə nyi ə fe kəʼse satàyn è gholə. Ə fùʼ ə Pɛ̂pɛ ə̀ ghasènìke Njisə̀s Klâys ə nyi ghâyn ghə̀ ghənə.

Ŋwàʼlè ə̀ Mâk 16:17

Ghɨə poməghe nə kyîə àtyaʼ sə̂ nə̂ ə̀ghɛ kayntəghe: Ghənə nə chûmə̀ fɨsə̂ tèpamə̂ tə satàyntè ə mì ezə, ə fɨnə wàmnə̀ tèwâmnè tîte ndɔ̀ʼɔ zaʼle.

Tom èchùŋ kè kə Lûk tè nyaʼ 9:1

Ə̀ tè nyi tuʼfîfe Njisə̀s ə tɔŋɔ ə̀ghɨtom ə vəynghe njò sepɛ̀ ə zùŋtə̀ ghənə lùʼ emɔ̀ʼ ə fo atyaʼ àkɨ̂m sê ghənə kə ghənə ə chûmə̀ fɨsə tèpamə̂ tə satàyntè nâʼà tèkɨ̂m fɨnə tsuʼə tèzaf,

Tom èchùŋ kè kə Lûk tè nyaʼ 10:1

Ə̀ tè nyi epàm əghɛ nə ghɨyn, Pɛ̂pɛ ə chɔʼtə̂ ə̀ghɨ mɔ̀ʼɔ m̀ghɨ̂m sɛ̀mbɛ njò sepɛ̀ ə tomə ghənə, ə pɛ̀ ə pɛ̀ nə ghənə ndù əshi ə setɔ̂ŋ sekɨ̂m è luʼ tɛ nâʼà vəyn tè nyì se ndù ətəyn,

Tom èchùŋ kè kə Lûk tè nyaʼ 10:9

Ə ghàyn nji ə tɔ̂ŋ nə zɛ, ghà tsuʼə əghɨ zafə ghɛ ə ghe nyi ətəyn ə tsà sê ghənə nə, ‹Fɔ̂yn ə Fezhə̀vè ə paʼse sê ghənə.›

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Tom èchùŋ kè kə Lûk tè nyaʼ 10:20

Pîza kə ghàyn ə saŋnə nə zuʼ se pise ə zɨ sê ghàyn, ghàyn pɨlə saŋnə̂ nə, ə nyàʼ zə ghaynghe ə ŋwàʼlè ə̀ ekwùtwəyn.”

Ɛfesùs 5:24

E za tyə̀nə̀ nə zənə kyi sə̂ ngɨmnə̂ ə̀ndom ə ghənə̂ kè əghɛ əkɨ̂m kèpi èghɨ kə ndɛ ə̀ Fèzhə̀ ngɨmnə̂ Klâys.