Tom èchùŋ kè kə Lûk tè nyaʼ 1:65 - Ŋwàʼlè ə̀ Fèzhə̀ Mkâyn Mə̂ Fèm

⁶⁵ Ghɛ ətəynze e sè kwûəmə̀ sê kɔtə vəynte nâʼà sə ŋaŋ, saʼghe ətəyn ə kwiə kə endaʼ ə sepfɨyn nə zɛ è Njòndyâ èkɨ̂m.

Tom èchùŋ kè kə Lûk tè nyaʼ 1:65 Referans Kwoze

Tom èchùŋ kè kə Lûk tè nyaʼ 1:39

Mèli ə ndwìə kə mtuʼ nə mɛ ə zàŋsə̀ ndùə ə tɔ̂ŋ zhizè ə Njondà, endaʼ ə sepfɨ̀yn.

Ətefɨ̂aʼ 5:11

Fâyn e ghaʼâzè ə ko ə̀ghɨ ndɛ ə̀ Fèzhə̀ əkɨ̂m è ghɨghə kɨ̂m ghɛ ə tè zɨ ghɛ zɛ ə ze tè kyâyn.

Ətefɨ̂aʼ 5:5

Ànàniyàs ə zɨə èghɛ nə zɨ̂nə̀ kè sə ashìŋə̀ ə pfɨə ə chi ə kwuə. Fâyn ekayntəze ə ko ə̀ghɨ ə̀kɨ̂m ghɛ ə ghənə tè zɨ ghɛ nə zɨ̂nə̀.

Ətefɨ̂aʼ 2:43

Ghɨətomə tè nə̂ ə̀ghɛ kayntə è chwìə se tsɨəse. Ghɨghe əkɨ̂m ə fe, nyi èkaynze.

Tom èchùŋ kè kə Lûk tè nyaʼ 7:16

Fâynzè ə ko nâʼà ghɨ əkɨ̂m fu. Ghənə e tsîtə̀ Fèzhə̀ piə nə, “Fɨ̀aʼtè èghaʼâ ə pə̀yn ə ghâsènì əfètəyn. Zhə̀fè ə pə̀yn se nayne ə ghɨ və!”

Etyə̂yn ə paynsêzè 11:11

Pîza, epàm ə mtuʼ mta è pɨaʼa, Zhə̀fè ə nə̀ zuʼ sɛ ə se fo ndamze ə nji ə ghənə ewìyn ə nə̀ ghənə ndwìə tyəmə̂, fâynzè ə ko ə̀ghɨ ə̀kɨ̂m ghɛ ə tè fe ghənə.

Ətefɨ̂aʼ 19:17

Ghɨ Njûsə̀ è ghɨ ghɛ ə̀ tè vachi ə̀ghɨ ə Njûsghè əkɨ̂m ghɛ ə ghe tè nyi ə Ɛfesùs ə zɨə èghɛ zɛ ə ze kyâyn, fâynzè ə ko ghənə, ghənə e kɔʼsə̂ èzə Pɛ̂pɛ Njisə̀szè.

Matyò 2:1

Ə tè piə Njisə̀s ə tɔ̂ŋ ə̀ Petlɛ̀ghêm apàs endaʼ ə Njòndyâkè, ə shɨŋ zɛ ə Ɛlɔ̀t tè nyi fɔ̀yn. Ghɨ yîghe mə tè naynə mlî tɔŋə kê èghɛ zɛ lì mə təm pìə, ə pə̂ Njèlusalɛ̀m, mə ndo apàs kɛ ə zhwize sa ətəyn,

Tom èchùŋ kè kə Lûk tè nyaʼ 5:26

Ghənə e nyi è kayn, fâynzè ə ko ghənə, ghənə e sè tsîtə̀ Fèzhə̀ pîə nə, “Ghâsènì ə fe ghɛ əkayntə ghe ndàyn!”

Tom èchùŋ kè kə Lûk tè nyaʼ 2:18

Ə̀ tè zɨə naʼapi ndè ghɛ zɛ ə ngyəyn sə sepfɨ nə sɛ pì, kayntə kəndò.