Tom èchùŋ kè kə Lûk tè nyaʼ 1:35 - Ŋwàʼlè ə̀ Fèzhə̀ Mkâyn Mə̂ Fèm

³⁵ Tsì ə̀təyn ə pə̀ynsə̀ pìə sê vəyn nə, “Zuʼ se ə Ŋwaʼase nə̀ tso ə gho tu, ə tyaʼ ə Fèzhə̀ fɛ fe ngaŋte kwəyn kɨyte gho. E za tyə̀nə̀ nə vayn nə vɨ̂nə tə ndô pə̂ kə nâʼà sê Zhə̀fè. Ə tə nə̀ ə tɔŋtə̂ vəyn nə Va Fèzhə̀.

Tom èchùŋ kè kə Lûk tè nyaʼ 1:35 Referans Kwoze

Matyò 1:18

Ə̀ nyiə nyì kə piə Njisə̀s Klâyszè tè nyi. Nyìə vəyn Mèli tè nyi mə Njosɛ̀f ə fo fɨake ə tu se njiə vəyn sə zhwi, pîza tsɔ̀fə kə ghənə malə, Mèli ə pɔŋə vayn atyaʼ ə se Zuʼse Ŋwaʼase.

Njɔyn 1:49

Nàtanyèl ə pə̀ynsə̀ nə, “Tyə̀ynsè Ò nyì ke nâʼà Vâ ə̀ Fèzhə̀! Ò nyi fɔ̀yn ə̀ Isìlây!”

Njɔyn 1:34

Mə fe kə ghɛ nə zɨ̂nə̀ kyàyn, sè tsâ sê ghàyn nə, “Ə̀ vɨ̀nə nyi Va Fèzhə̀.”

Ŋwàʼlè ə̀ Pɔ̂l sê ghɨə Lûmghè 1:4

Zhə̀fè ə tə tyə̀yn tɔynə̂ atyaʼ ə Sezuʼ Eŋwaʼake nə È nyi Vâ Fèzhə̀ kə È ndwìsè Vəyn ekwu. Vayn nə vɛ mə nyi Pɛ̂pɛ ə̀ ghâsènì Njisə̀s Klâys.

Matyò 1:20

Kə è kwàʼtə̀ se za Mèli, tsì ə̀ Pɛ̂pɛ ə pə̀ sê vəyn ə tsəm, ə pìə sê vəyn nə, “Njosɛ̀f, va Ndàfît, kə ò fayn se njìə Mèli sə ghò zhwi kûmə̀ nə vayn vɛ ə è pɔŋ ndo sê Zuʼse Ŋwaʼase.

Ŋwàʼlè ə̀ Mâk 1:24

piə nə, “Ò kyiŋə ghè sê ghàs ə Njisə̀s və Nazalɛ̀t, ò pə̀yn se pofsə̂ ghàs mə? M ke ndô ghò nâʼà àchûŋ. Ə̀ nyì ghò wùə vɛ ə Zhə̀fè tom ò nyi èŋwaʼze.”

Matyò 27:54

Tuə sesokə̀ʼ kɛ ə ke tè tsɨ̀ŋnə Njisə̀s yî sokə̀ʼ sə mɔ̀ʼɔse ə fe zâ kə chike nəʼə̀ è ghɛ kayntə mɔ̀ʼɔ ghɛ ə ghe kyâyn, fâynzè ə ko ghənə, ghənə ə pìə nə, “Səmɔʼ, wùə vɨ̀nə tè nyì ke nâʼà Vâ Fèzhə̀!”

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Tom èchùŋ kè kə Lûk tè nyaʼ 1:27

ə e ndù fe ngɔ̀nə̀ wùzhɔyn vîvè, mə è pâʼà nyìəm kê wùndômə̀, e tɔŋtə̂ nə Mèli, mə wùə ə fo fɨake ə və tu, zə vəynze e nyi Njosɛ̀f, mə nyi wùə èsas ə ndɛ ə fɔ̀yn Ndàfîtè.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ətefɨ̂aʼ 8:36

Ghənə e sè kwîə ndûə ə ndùə zaʼâ elùʼ vîve, ə fe m̀mo, wùə nə vɛ ə pìə sê Filìp nə, “Fe kə mômə. Ò vayn kàʼa ò fo mi èmôm zôyn kûmə̀ ghè?”

Njɔyn 20:31

Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.

Ŋwàʼlè ə̀ Mâk 1:1

Zɨ̀nə̀ nyi zhə̀te ə̀ tom èchùŋə̀ Njisə̀s Klâys, ə vâ Fèzhə̀.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

Matyò 14:33

Chùmtè epàm sɛ ə se tè nyi ə ngwùʼ èghaʼâ e sè ngɨmnə̂ Njisə̀s piə nə, “Ò nyì ke nâʼà Va Fèzhə̀ səmɔʼ.”

Matyò 4:3

Ndə̂plè ə pə̀ sê Vəyn ə pìə nə, “Ə ò nyi vâ Fèzhə̀, O tsâ sê chi ghɨnə nə ghe kəmne sə apayn ə kwaŋke.”

Tom èchùŋ kè kə Lûk tè nyaʼ 1:34

Mèli ə ke pfɨf sê tsì nə zɛ nə, “Zɨnə mə nyi kàʼa ze kyàyn zayn, mə m ke va wùndômə̀ ə?”

Tom èchùŋ kè kə Lûk tè nyaʼ 1:36

Fe ke nâʼà wùə vâyn və ndɛ, Ɛ̀lisapɛ̀t. È ve pɔŋ vayn ə və twiyn naʼapi kə ə tè pìə nə è nyi akâyn, ə̀ zô se nyi senjɔŋ setufə.