Tom èchùŋ kè kə Lûk tè nyaʼ 1:32 - Ŋwàʼlè ə̀ Fèzhə̀ Mkâyn Mə̂ Fèm

³² Ə è fɨ sə wùtwɔ. Ə tə tɔŋtə vəyn nə Va Fèzhə̀ fɛ fe ngaŋte kwəyn. Pɛ̂pɛ Zhə̀fè tə fo fèkyə̂ fə tefɔ̀yn fə pɨ̀a vəyn Ndàfîtfè sê vəyn.

Tom èchùŋ kè kə Lûk tè nyaʼ 1:32 Referans Kwoze

Tom èchùŋ kè kə Lûk tè nyaʼ 1:35

Tsì ə̀təyn ə pə̀ynsə̀ pìə sê vəyn nə, “Zuʼ se ə Ŋwaʼase nə̀ tso ə gho tu, ə tyaʼ ə Fèzhə̀ fɛ fe ngaŋte kwəyn kɨyte gho. E za tyə̀nə̀ nə vayn nə vɨ̂nə tə ndô pə̂ kə nâʼà sê Zhə̀fè. Ə tə nə̀ ə tɔŋtə̂ vəyn nə Va Fèzhə̀.

Ŋwàʼlè ə̀ Mâk 5:7

ə pɨa nâʼà è kyə̀ ètɛ ə pìə nə, “Ghasè ghò kyi kɨŋnê ghè ə Njisə̀s, Va Fèzhə̀ fɛ ə fe ngaŋtə kwəynə? M chyatə̂ ghò ezə ə Fezhə̀zè nə kə ò poynse mi!”

Etyə̂yn ə paynsêzè 3:7

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Fìlàndefìyà nə: Ə̀ zɨ̀nə nyi tom mə è ndòm pə̂yn se wùə vɛ ə è nyi èŋwaʼzè è səmɔʼ, kyi àchɔʼ ə Ndàfîtkè, shîŋə̀ kɛ ə è chɔʼ cho ndɛve, wùə e va se fɨnə fâ, fâ, wùə e va se fɨnə chɔʼ.

Tom èchùŋ kè kə Lûk tè nyaʼ 1:76

Sê ghò, ə vayn vɨ̂m, ə tə tɔŋtə̂ ghò nə fɨ̀aʼtè èghaʼâ ə̀ Fèzhə̀ fɛ fe ngaŋte kwəyn kûmə̀ nə ò tə nə̂ ə ò ndùə əshi, fɛtə̂ endom, Pɛ̂pɛ e pə̂ ə ghò epàm,

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Ŋwàʼlè ə̀ Pɔ̂l sê ghɨə Lûmghè 1:4

Zhə̀fè ə tə tyə̀yn tɔynə̂ atyaʼ ə Sezuʼ Eŋwaʼake nə È nyi Vâ Fèzhə̀ kə È ndwìsè Vəyn ekwu. Vayn nə vɛ mə nyi Pɛ̂pɛ ə̀ ghâsènì Njisə̀s Klâys.

Ətefɨ̂aʼ 2:30

Ndàfît tè nyi fɨ̀aʼtè ə̀ Fèzhə̀, ke àfɨa kɛ ə Zhə̀fè tè tsɨ̀ne se fo se vəyn. Zhə̀fè tè nji mkâyn nə È tə njiə vayn ə feghàŋ fə ndɛfə Ndàfîtfè sə fɔ̀yn kè eghɨ kə Ndàfît tè nyi fɔ̀yn.

Matyò 1:1

Ə̀ ghɨnə nyi əzə ghə̀pɨ̀a ə pɨ̂a Njisə̀s Klâysə̀. Njisə̀s tè ndò e tɔ̀ŋ ə ndɛ fɔ̀yn Ndàfîtzè, mə Ndàfît ndò e tɔ̀ŋ ə ndɛ Aplàghâmzè.

Ətefɨ̂aʼ 16:17

È ve chûmtə̀ Pɔ̂l è ghàs, pɨa pîə nə, “Ghɨ ghɨ̀nə nyi ə ghɨə fɨaʼa Fezhə̀ fɛ ə Fe ngaŋtə kwəynə. Ghənə ndaʼà se ghàyn ndom vɛ ə Zhə̀fè kàʼa ə fe sɔza ghàyn ətəyn.”

Ətefɨ̂aʼ 2:36

Pità ə fɨnə pîə nə, “Ghàyn ghɨə Isìlâyghè ə̀kɨ̂m, ghàyn ə ke səmɔʼ nə m wàmnə̀ kûmə̀ Njisə̀s vɛ ə ghàyn tè nəyn ə payntə̂ Vəyn ə awâmnè, pîza Zhə̀fè ə nə̀ nə è və nyi Pɛ̂pɛ, fɨyn nyi vɛ ə chɔʼ ndə̂m.”

Njɔyn 12:34

Nɔ̂yn əghɨ̀ kɛ ə ke tè nyì fu ə pə̀ynsə̀ vəyn nə, “Saʼ zasze zaʼlə̂ nə vɛ ə chɔʼ ndə̂m kyi se ndamə faŋ, Ò kwì zayn sə̂ pîə nə, ə kyi se kɔʼsê ə Vawùə ekwùtwəyn ə? Va Wùə nə vɨnə nyi nâʼà ndè?”

Njɔyn 6:69

Mə zôyn, ghàs pomə̂ ndò ke nə ə̀ nyì ghô wùə è Ŋwaʼa vɛ ə è ndò pə̂yn sê Zhə̀fè.”

Ŋwàʼlè ə̀ Mâk 14:61

Njisə̀s ə kɨmə̂ kə mɔŋ. Wùə èkɔʼsə nə èshyə̀ èngaŋtə kwəynə ə fɨnə pfɨfə sê vəyn nə, “Ə̀ nyi ghô vɛ ə Zhə̀fè chɔʼ ndə̂m mə, ə Va Fèzhə̀ fɛ ghɨə ngɨmnə ə?”

Ətefɨ̂aʼ 7:48

Pîza, Zhə̀ fɛ ə fe ngaŋtə kwəynə, ndamə va ə sendɛ mə ə̀ pɛ əghɨ kè kə Fɨ̀aʼtè pì nə Zhə̀fè pi nə,

Matyò 3:11

M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Tom èchùŋ kè kə Lûk tè nyaʼ 6:35

Pîza m piə sê ghàyn nə, ghàyn kɔ̂ŋɔ̀ sèpàyn saynse, nə̂ chùŋ sê ghənə, samsə̂ èfɨa sê ghənə naʼapi ezhoghɛ ə ke va nə ghənə tə kɛsə̂ fo. Ə ghàyn nə̀ zâ, ə mâʼte vaynve tə nə̂ ə və ghaʼa kə nyi, ə ze ə fɨnə tyə̂nə̀ nə ghàyn nyi ke nâʼà əghɔə Fezhə̀ fɛ fe ngaŋte kwəyn kûmə̀ nə fe tɔ̂ʼnə̀ è ghɨ piə è ghɛ ə ghe ndamə fe kê va chùŋ.

Tom èchùŋ kè kə Lûk tè nyaʼ 3:16

Njɔyn ə piə kə sê ghənə əkɨ̂m nə, “M fo m̀mo sê ghàyn kè nâʼà è mômə tsòm, pîza wùə pə̂ ndò ə mi epàm tsɛ̂ mi, m kwənə pi va se zhə̂nə̀ se kwɨ̀l sə sepfɨ sə ghòl sə vəynse, è tə nə̀ ə è və fo m̀mo sê ghàyn è Zuʼse Ŋwaʼase è kɨ̂sè èwuse.

Tom èchùŋ kè kə Lûk tè nyaʼ 1:15

È tə nə̂ ə è və kɔʼnə̂ kə nyî ə Pɛ̂pɛ əshi. È tə nə̂ ə è və mɨə va lɨ̀m nâʼà səkɔs mə zuʼ se ŋwaʼase ə lwiyn ə və ətəm kə nyi endwɔ̀.

Matyò 12:42

Ə̀ tə nə̂ ə nyi etuʼ ə saʼ, wùzhɔyn vɛ ə è tè saʼa ndaʼa Shapàzè, tə ndwîə eshyə̀ paʼsə̂ kə èghâŋ fə mbi fɨ̂nə̀ ə tyəm tsɛ̀ èsaʼ zɛ ə è nə̀ nə̂ nə ghənə pfɨ saʼ. Ghənə tə pfɨ̂ə saʼ kûmə̀ nə shîŋə̀ kɛ ə Sòlomùyn tè zaʼlə, wùzhɔyn ə̀təyn ə pə̀ sə tyà elùʼ vɛ ə mbi mîə se pə zɨtə əghɛ tɔfə ghɛ ə Sòlomùyn tè zaʼlə. Pîza ndàyn wùə nyîə nyi fàyn mə è nyiə tsɨ̂ə tsɛ̂ Sòlomùyn.”