Kòlosè 3:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Zhə̀fè tə pɔynsə̂ nâʼàpî ndè vɛ ə è nə̀yn pi, ə naʼapi pi èkè zɛ ə è nə̀yn. È tɔ̀ʼɔ̀ va wùə vîvè.

Kòlosè 3:25 Referans Kwoze

Ətefɨ̂aʼ 10:34

Pità ə pìə nə, “Ə̀ nyì zôyn kə kê səmɔʼ nə Zhə̀fè njìə ə̀ghɨ ə̀kɨ̂m eghɨ.

Ŋwàʼlè ə̀ Pɔ̂l sê ghɨə Lûmghè 2:11

Zhə̀fè tə nə̂ zɨnə kûmə̀ nə Zhə̀fè saʼa nâʼàpî ndè kè eghɨ.

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.

1 Tèsàlonikà 4:6

Fâ fètəyn èghɛ, kə wùə se ghàyn tə nəyn pofsê sê ghɔnyì ghaynghe, pî sə chɨ̂ynə̀ ə̀ ghɔ nyì ghaynghe. Ghàs ə tə pì chi ghɛ ghɨ̀nə se ghàyn, ə fo fɨ̀as se ghàyn nâʼà sə ŋaŋ nə Pɛ̂pɛ tə fo ètsôs se ghɨ ghɛ ə nə̂ kyì əghɛ nə ghɨ̂yn.

1 Pità 1:17

Piə ghàyn piə ə tsə̂mə̀ sê Zhə̀fè, ghàyn e tɔŋtə̂ vəyn nə Pɛ̂, ə nyi vəyn vɛ ə è saʼa ghɨghe əkɨ̂m, saʼa zâ, saʼa nâʼàpî ndè kè eghɨ ə ghɛ ghɛ ə ghənə nə̂yn. E za tyə̀nə̀ nə ghàyn kyi sə̂ kɔʼse vəyn nâʼà sə ŋaŋ kə ghàyn pa ndamtə̂ kɔʼɔ fa əchi.

Ɛfesùs 6:9

Pɛ̀ efɨ̀aʼghè, ghàyn e pɔŋɔ fɛtə kyîə ə̀ghɨ fɨaʼa ghaynghe. Kə ghàyn nə kwayntə ghɛ sê ghənə. Ghàyn e ke nə wùə vɛ ə è nyi pɛ̀ èfɨ̀aʼ sê ghàyn əkɨ̂m nyi ekwùtwəyn, njîə nâʼàpî ndè kè eghɨ.

Ipilù 2:2

Ghâsènì nyîə ke nə tom zɛ ə tsìsè tè pəyn è zə̂yn tè nyi səmɔʼ, Zhə̀fè nə̀ fo ètsôs vɛ ə ve kwuəynə nâʼàpî se ndè vɛ ə è tàʼa zɨə tom nə zɨ̂yn.

Kòlosè 4:1

Pɛ̀ efɨ̀aʼà, ghàyn e fo se ghɨ fɨaʼa ghaynghe fɨa kɛ ə ke kwəynə sê fɨ̂aʼ ə ghənə̂zè. Ghàyn e pɨ̂əytə̀ kəpi nə ghàyn nyîə kyi pɛ̀ èfɨ̀aʼ ekwùtwəyn.

Tom èchùŋ kè kə Lûk tè nyaʼ 20:21

Ghənə ə piə sê vəyn nə, “Tyə̀ynsè, ghàs nə̂ ke nə ò wàmnə̀ kə səmɔʼ, zaʼlə̂ kə əghɛ ghɛ ə ghe nyi səmɔʼ, tyə̂nə̀ va nə wùə tsɛ̂ ndò vîvè, lotə̂ sô zaʼlə̂ kə tèsaʼ tə Fezhə̀tè kə te nyi.

Njût 1:16

Ghɨ ghɨnə zàŋsə̀ shwinə̂ wamnə̀ kə ndò, kɔŋə̀ sə ghâmə̀ ə̀ghɨ mɔ̀ʼɔghe, ghənə chûmtə̀ ə̀ghɛ ghɛ ə təm ə ghənə̂ghè kyiŋə nə ghənə ə nə̂, ghaŋsə̂ èwiyn kûmə̀ sèngɨŋ sə ghənə̂sè, wamnə̀ èwâmnè efɔməze sê ghɨghe se kyî afɨa kɛ ə ghənə kyiŋə.

Filemùyn 1:18

Ə è nyi mə è və nə̀yn nâʼàpî èghɛ epi èkè sê ghò, kɨ̀sə è kyi ekɛ se ndàʼ sê ghò, o tsà m ndàʼ.

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Ɛfesùs 6:8

Ghàyn e ke nə ə wùə nə̀yn nâʼàpî chùŋ èkè, kɨ̀sə è nyi akɔ̂s kɨ̀sə è va, ə Zhə̀fè tə fo èmâʼtè ətəyn sê vəyn.

2 Tèsàlonikà 1:6

Zhə̀fè tə fo ètsôs sê ghɨ ghɛ ə ghe tè fo ngəʼ sê ghàyn kûmə̀ nə fe nə̂ kə èghɛ zɛ ə ze nyi chichi