Kòlosè 3:23 - Ŋwàʼlè ə̀ Fèzhə̀ Mkâyn Mə̂ Fèm

²³ Ə ghàyn fɨ̀aʼà nâʼàpî ghè, ghàyn e fɨ̀aʼà kə è təm ghaynghe əkɨ̂m, kə ghàyn fɨaʼà sê Pɛ̂pɛ, ə̀ va kə ghàyn fɨ̀aʼà sê wùə m̀sɔ̀ŋ.

Kòlosè 3:23 Referans Kwoze

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.

Ŋwàʼlè ə̀ Pɔ̂l sê ghɨə Lûmghè 14:8

Ə ghâsènì nyi etwɔ, ə nyi mə ghâsènì nyi etwɔ se nə̀yn eghɛ zɛ ə Pɛ̂pɛ kyiŋə nə ghâsènì nəyn. Mə ə ghâsènì kwu, ə nyi mə ə kwu se nə̀yn nə Pɛ̂pɛ ə saŋnə̂. Nyiəmə, kɨ̀sə ghâsènì nyi etwɔ, kɨ̀se ghâsènì nyi mə ə kwu, ghâsènì nyì ke ə Pɛ̂pɛ ə gho.

1 Pità 2:15

Ghɛ zɛ ə Zhə̀fè kyiŋə nyi nə ghàyn ə nə̂ ə̀ghɛ əchûŋghè endom nə vɨ̂yn kə ndam zaynze nəyn kə cho ə ngô əghɨ̀ ghɛ ə tsɨ̂nə̀ wâmnə̀ kə ndô ghɛ zɛ ə ghənə keva kɨm mɔŋ.

1 Pità 2:13

Ghàyn tsose ngɨŋ saynse ə chi ə zɨtə̂ se nâʼàpî ndè vɛ ə ghɨ ndəm nə è və saʼa ghàyn. Ghàyn e nə̂ nyiəmə se chùmtè eghɛ zɛ ə Pɛ̂pɛ tè nəyn. Ghàyn e zɨə fɔ̀yn è ghaʼa vɛ ə è saʼa ghɨghe əkɨ̂m,

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

Ŋwàʼlè ə̀ Pɔ̂l sê ghɨə Lûmghè 14:6

Ghɨ ghɛ ə ghe fe nə tuʼfe nyìə kɔʼnə̂ tsɛ̂ fîfe nə̂ nyiəmə kè sê ngɨmnê ə Pɛ̂pɛze. Ghɨ ghɛ ə ghe zhiə nâʼàpî àkè, ghənə nə̂ kəpi zamə se ngɨmnə̂ Fèzhə̀ kûmə̀ nə ghənə fo àzɔ̀ŋnè se Zhə̀fè kûmə̀ èfɨazhiə ətəynve. Ghɨ ghɛ ghe zhiə kəpî va fɨa vîve, nə̂ zamə se ngɨmnə Pɛ̂pɛ, fo àzɔ̀ŋnè sê Zhə̀fè.

Matyò 6:16

“Ə̂ ghàyn pamə choze, kə ghàyn ə kosə̂ kyâʼà kə ghɨə kaŋkaŋə nə̂. Ghənə piə pamə ècho, e kosə̂ kyâʼà kə ghɨ fe nə ghənə pamə ècho. M pîə se ghàyn səmɔʼ nə ghənə kàynè kyî mâʼtè ə ghənə̂zè.

Ɛfesùs 5:22

Ghàyn e ngɨmnə̂ ə̀ndom ghanə ə zənə kèpi eghɨ kə ghàyn ngɨmnə Pɛ̂pɛ.