Kòlosè 3:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ghàyn e kyi ə̀təm ə kolə sê ngɨŋ saynse, lɛ̂sə̀ fo nâʼàpî ndè vɛ ə è nyi mə è və nə̀yn pofsê se ghò. Ghàyn e lɛ̂sə̀ fo sèngɨŋ saynse kè eghɨ kə Pɛ̂pɛ nyi mə è və lɛ̂sè fo ghàyn.

Kòlosè 3:13 Referans Kwoze

Ɛfesùs 4:32

Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

Ŋwàʼlè ə̀ Mâk 11:25

Ə ò tyəm nâʼà pî ashìŋə̀ àkè se tsə̀m, kyi eghɛ ghâyn wùə, gho lɛ̀sə̀ fo vəyn kə Pɨa vɛo vɛ ə è nyi ekwùtwəyn pɔŋ lɛ̂sè fo sèpi sɛse.

Njə̂m 2:13

Kûmə̀ nə shîŋə̀ kɛ ə Zhə̀fè tə piə fe saʼa nâʼàpî ndè vɛ ə è kosə va səyn sê wùə, ə fe tàʼa kosə esəyn sê vəyn; Pîza wùə vɛ ə è kosə səyn sê ghɨə mɔ̀ʼɔ, shîŋə̀ kɛ ə Zhə̀fè tə piə fe saʼa vəyn, ə fe saʼ vəyn èkosê esəynze.

Ɛfesùs 4:2

Ghàyn nə ngɨmnə̂ sengɨŋ saynse, pɔynə̂ fɨnə wəynsə̂ èwiyn, lɛ̂sə̀ sètsas saynse kûmə̀ èkɔ̂ŋ.

Matyò 6:12

Lɛ̀se fo pi sɛ ghàs nyi mə nə̀yn, kèpi eghɨ kə ghàs lɛ̂sə̀ fo ghɨ ghɛ nə̂yn pi sê ghàs.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

Ngàleshyà 6:2

Ghàyn e tsâmtə̀ sèngɨŋ saynse. Ə̂ ghàyn nə̂ nyi, ə ghàyn ə lwiynsə̂ àlâŋ ə Klayskè.

2 Kolìŋ 2:10

Shîŋə̀ kɛ ə ghàyn lɛ̀sè fo ghɨə ətə̂ èghɛ zɛ ə ghənə nyi mə ə nə̀yn, mə lɛ̀sə̀ fo kəpî ghənə. Ghɛ zɛ m lɛsè fo, ezhoghɛ ghɛ zhîze fə nyi kə m lɛse fo, ə zə nyi ke kûmə̀ ghàyn ə Klâys ə shi.

Tom èchùŋ kè kə Lûk tè nyaʼ 23:34

Njisə̀s ə piə sê Pɨ̀a vəyn nə, “Lɛse fo ghənə ə Pɛ̂, kûmə̀ nə ghənə ke va ghɛ zɛ ə ghənə nə̂.” Ghənə ə ndə̀mə̀ sendzɨs sə vəynse sè tɨmə pèʼ, nə ə̂ zhi pi nde, ə è nji.

Tom èchùŋ kè kə Lûk tè nyaʼ 11:4

Lɛ̀se fo ghɛ ghàs ghepiə pɔ̀msə ghàs lɛ̀sə fo nâʼàpî ndè vɛ ə è nə̀yn pi sê ghàs. Kə ò nə̂ za nə mɔ̂mè pəyn sê ghàs.”

Matyò 5:44

Pîza, M tsâ sê ghàyn zôyn nə, ghàyn kɔ̂ŋɔ̀ sèpàyn saynse, tsə̂mə̀ sê ghɨ ghɛ ə chɔʼɔ ghol ghaynghe.

1 Pità 2:21

Ə̀ nyi eluʼ vaynve sə̂ fe ngəʼ nə zɨ̂yn kûmə̀ nə Klâys ə tə fe kepî ngəʼ kûmə̀ ghàyn ə tyə̀nə̀ èghɛ nə ghàyn ə səynə̂ se chùmtè aghol ə vəynke.

Ŋwàʼlè ə̀ Pɔ̂l sê ghɨə Lûmghè 15:7

Ghàyn e fiə ə̀ ghɔnyì ghanə kèpî eghɨ kə Klâys fi ghàyn, wùə èmɔ̀ʼ èmɔ̀ʼ, kə pomsê zə nyi sê Zhə̀fè.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.