Biblia Todo Logo
Bib sou entènèt

- Piblisite -




Kòlosè 3:11 - Ŋwàʼlè ə̀ Fèzhə̀ Mkâyn Mə̂ Fèm

11 nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Gade chapit la Kopi




Kòlosè 3:11
54 Referans Kwoze  

Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.


Pî nə zɨnə̀ nyì sê nâʼàpî ndè kûmə̀ nə sə nɨŋ va sê ghɨ ghɛ ə̀ nyì ghə Njûsghè, è ghɛ ə̀ vachi ghə Njûsghè. Zhə̀fè nyi Pɛ̂pɛ kè sê ghɨ ghəkɨ̂m, pɔsə̂ nâʼàpî ndè achûŋ vɛ ə è tɔŋə ndû sê Vəyn.


Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.


Ndɛ ə̀ Fèzhə̀ nə zɨ̂nə̀ nyi ewiyn ə Klaysvè, fiə àtyaʼ akɨ̂m kè sê vəyn, ə̀ nə̂ vəyn nə nâʼàpî ghè ə nyi, nâʼàpî ghayn.


Mə ghàyn kwàʼtə̀ nə Zhə̀fè nyì ke Fèzhə̀ fə ghɨə Njûsəfè ə? Piə nâʼà pî Vəyn nyi kepî Fezhə̀ fə ghɨ̀ ghɛ ə̀ va əghɨ ə Njûs ghə? E nyi zamə, È nyì kepî Fèzhə̀ fə ghɨ̀ ghɛ ə̀ va əghɨ ə Njûsghè.


E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.


M nyi ə ghənə mwìyn, Ò nyi ə Mì ewìyn kə ghənə tsɨynte pəyn ə lote nyi ke sə eghɛ emɔ̀ʼ endom kə mbi ke nə ə̀ tom Ghô Mi, è kɨsè nə Ò nyîə kɔ̂ŋɔ̀ ghənə kè eghɨ kə Ò kɔ̀ŋɔ̀ Mi.


kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.


E za nyi nə kə se namə wûəghè kɨ̀sə tàʼa se, kiva ghɛze se nə̀yn. Ghɛ e tɛze nyi ke sə̂ ndə̂mə̀ alàŋ ə Fezhə̀kè.


Zɨnə mə tə nə̂ ə ghɨə mbi ghəkɨ̂m pəyn se mi. Mə chɔʼtê ghɨ ghɛ ə̀ vachi ə̀ghɨ Njûsghè nə ə nyi ə̀ghɨ ghɨmə. Ə̀ nyi mi Pɛ̂pɛ kə m wâmnə̀.


Nyiəmə, ghàyn ə kyî ndam efɨ̂plèzè kûmə̀ nə ghâyn ghə̀ Klâys nyi əmɔʼ, ə nyi vəyn vɛ ə twɔʼve ekɨ̂m, è tuə tendaʼàvè ekɨ̂m nyi ə vəyn etyə̀.


Fɨ̂aʼ zɛ m kyi se nə̀yn nyi nə m ndaʼa tom èchùŋ se ghɨghe əkɨ̂m, kɨ̀sə ə nyi əghɨ endaʼa, kɨ̀sə ə̀ nyi əghɨ mbvɨynghe. M kyi se ndàʼa tom ə̀təyn sê ghɨ ghɛ ə ghe kyi tɔfze, è kɨsè se ghɨ ghɛ ə ghe kiva.


M nyi fekâʼ, ghàyn nyi sèngɔyn. Ghɨ ghɛ ə faŋ ə mì ewìyn, mə faŋə sê ghənə, tə muə ètwɔm ve tsɨ̂ə kə nyi. Ə va mi, ghàyn vayn kàʼa nəyn ghɛ zhîze.


Kə ghɨ endaʼ nə ghɛ tè fe zhò ə̀təyn e ghaŋnə̂ ə Pɔ̂l agho, kyì e pîə se kyì nə, “Wùə vɨ̀nə nyîə zhwiə ə̀ghɨ. È və tə fɨ ke nâʼà ə tsô mə è paʼà kwu, pîza tsôsvè nə̀ za va vəyn nə è ndam.”


Ghɨ endaʼ ətəyn ghɛ ə ghàs tè kote ə tsâmtə̀ ghàs. Gholze ə zhə̀tə̀ se tso, fofke e kwɨlə ghàs, nyiəmə, ghənə ə fɛtə̂ èwus nə ghàs zɨte, nə̀ pə̀yn achûŋ sê ghàs.


Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.


Nâʼàpî ndè vɛ ə è ndamə va kə zaʼlê ə Klâyszè tyə̀ynə̀, è va yî Zhə̀fè, pîza nâʼàpî ndè vɛ ə è chùmtè zaʼlê ə Klâyszè nyì ndô yî pɨ̀a è kɨsè vayn.


Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.


Ghàyn e ke nə ə wùə nə̀yn nâʼàpî chùŋ èkè, kɨ̀sə è nyi akɔ̂s kɨ̀sə è va, ə Zhə̀fè tə fo èmâʼtè ətəyn sê vəyn.


kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,


Pîza ə m zɨə ke va wâmnè zɛ ə wamnə̀, ə ghɨ ghɛ ə wamnə̀ zəynze ə nyi ə̀ghɨ ətumə sê mi, m pɔŋ nyi kepî wùə àtum se ghənə.


Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.


Klâys ə zùŋtè ghâsènì, ghâsènì e fɨnə pofə va. È və nə̀yn nə ghɨ Njûsə̀ è ghɨ ghɛ ə̀ vachi ə̀ghɨ ə Njûsghè ə nyi ke sə eghɛ èmɔ̀ʼ. È və kəʼsê kɨ̀ŋtè kɛ ə ke tè chyâsə ghâsènì èwiyn ə vəynve.


È və kim nâʼà lwɔ̂ŋ ə Njûsvè ekɨ̂m tɔynə̂ ə vəyn ekwu nə zɨ̂yn kə ghɨ ghasènìə fɨ ke sə wùə èmɔ̀ʼ tɔynə̂ ə vəyn, ə pɔ̂ynè ə nyi.


Swiv nou:

Piblisite


Piblisite