Kòlosè 2:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ghàyn e tɔ̂ʼnə̀ se fe nə kə wùə tə lesə̂ ghàyn se zaʼlə ghàyn è ghɛ ə akaŋghe. Ghɛ zɛ ə ghənə zaʼlə ghàyn ətəyn nyi ezaʼlê mə ze ndo pə̂yn sê pɨ̀a ə pɨa ə ghənə̂ghè, mə ze chûmtə̀ èlwɔ̂ŋ ə ghɛ mbighe. Zaʼlê nə zɛ nyi zɛ ə ze ndô pə̂ se ghɨ msɔ̀ŋghe, ə̀ vachi se Klâys.

Kòlosè 2:8 Referans Kwoze

1 Timotì 6:20

Timotì, fɛte ndə̀m nâʼàpî ghè vɛ ə Zhə̀fè fo sê ghò. Kə ò tsɨynte e wàmnè, ze fo va kɔʼsêzè sê Zhə̀fè, è saʼnê ango zɛ ə ghɨ kaŋkaŋə tɔŋtə nə etɔf.

Ɛfesùs 5:6

Kə wùə tə lesê ghàyn èwâmnè ezomze. Ə̀ nyi kûmə̀ ə̀ghɛ nə ghɨ̂nə̀ ə Zhə̀fè nyɔ̂ʼsə̀ tɔŋ sê ghɨ ghɛ ə ghe zɨə va vəyn.

Matyò 7:15

Ghàyn e tɔ̂ʼnə̀ kûmə̀ sèfɨ̀aʼtè sə akaŋse. Ghənə chwîtə̀ kə piə ghənə nyi è ngɨmnêzè kə se ndzè pîza mə ə ghənə ətəm, ghənə pofə kə se nyam sə epɨase.

Ngàleshyà 4:9

Pîza ghàyn e sè ke Fèzhə̀ zôyn, me m kaʼa m pi nə ə̀ pɨl ndô fəynfe ə kê ghàyn. Ghàyn kàʼa ghàyn fɨyn kɛse zàyn sə fɨaʼà àkɔ̂s sê zuʼ sɛ se kyi va tyaʼke, va nâʼà eghɛ ə? Kûmə̀ ghè ə ghàyn kyiŋə se fɨnə kə̀mnè se ekɔ̀s sê zuʼ nə sɨ̂nə̀ ə?

Kòlosè 2:20

E nyi zôyn kəpi ghàyn ə kwu paʼse ghâynghə̀ Klâys. Nyiəmə lwɔ̂ŋ ə mbive fɨyn kyi va tyaʼke ə ghàyn ətu. Ə̀ nəyn ghe nə ghàyn ə pa chûmtə̀ èlwɔ̂ŋ nə vɛ mə kəpiə mbi fɨyn kyi ndò tyaʼke ə ghàyn ətuə?

2 Timotì 3:13

Ghɨ piə è ghɨ ghɛ ə ghe tyə̀nə̀ nə ghe nyi afɨa, pîza va, ə pofə ndùə kə èshike, kyîŋsə̀ ə̀ghɨ, ghɨə mɔ̀ʼɔghe e pɔŋɔ kyîŋsə̀ kəpî ghənə.

2 Pità 3:17

Pîza se ghàyn ə soyn sɨmse, ghàyn nyîə kâynè ke èghɛ nə zɨ̂yn, ghàyn e tɔ̂ʼnə̀ kə ghàyn tə pfɨ nji etsas ə ghɨ̀ nə ghɨ̂yn ə fânə̀ va Zhə̀fè, ə ghàyn njise luʼ vaynve vɛ ə ve tyəm achûŋ.

Ipilù 13:9

Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.

2 Njɔyn 1:8

Ghàyn e tɔ̂ʼnə̀ kə ghàyn tə njìsè àfɨa kɛ ə ghàyn nyi mə ə kàynè fɨ̂aʼ se kyî. Ghàyn e pɨlə kyiŋə endom se kyiə emâʼte fumə ətə̂ èfɨ̀aʼ ə kwùŋse.

Ngàleshyà 4:3

E za nyi kepî èghɨ kə ghâsènì tè pa tsɨs ndɔ̀ʼɔ nyiəm tɔʼ kê ə̀ghɛ ghɛ ə ghe nyi səmɔʼ, fɨaʼà kə ekɔ̂s sê zuʼ sɛ ə se saʼa mbi.

2 Kolìŋ 10:5

Ghàs pofsə̂ èsaʼnê, è wâmnè tə eghaŋsə nə ewìyn tɛ ə te nə̂ nə kə ghɨə ke Zhə̀fè. Ghàs chisə tèkwâʼtè tə ghɨ̀tè, nə̂ nə ghənə ə nə̂ ə̀ghɛ endom vɛ ə Klâys kyiŋə.

Kòlosè 2:18

Kə ghàyn za nə wùə ə pîə sê ghàyn nə ghàyn kyi sə̂ njiə sèngɨŋ saynse əchi. Kə ghàyn za kepî nə wùə tsayn se ghàyn nə ghàyn kyi sə̂ ngɨmnə̂ sètsì kə è ngɨmnə. Ə ghàyn nə̀yn zamə ə njise mâʼtè vayn vɛ ə Zhə̀fè pì nə è nə̀ fo sê ghàyn. Nâʼàpî ndè vɛ ə è zaʼlə zamə, è pìə nə zhi fe ətelaynəlayn. Kyì ə wûə nə vɛ mə ghaŋsə̂ èwiyn səndô, è ghɛ ə pi ghɛ ə ghe fɨə ə vəyn ətəm, mə è kyi va ghɛ zhîze se pì.

1 Pità 1:18

Ghàyn ke nə Zhə̀fè ə tə zhɔyn fɨse ghàyn endam e mɨ zɛ ə pɨ̀a ghaynghe tè ndamə. Zhə̀fè tè pâʼà zhɔyn ghàyn è fɨake kə ekɛ mə ve kàʼa ə ve pof.

Ŋwàʼlè ə̀ Pɔ̂l sê ghɨə Lûmghè 16:17

M chyatə̂ nâʼà sə ŋaŋ ə ghɔnyìə ghɨmə nə ghàyn ə tɔ̂ʼnə̀ è ghɨ ghɛ ə ghe pə̀ è chyâsèzè ə ghàyn əfètəyn, nəʼsə̀ èpomə zayn. Ghənə fo èzaʼlê ə vachi zɛ ə tè zaʼle ghàyn ətəyn. Kə ghàyn ə zɨtə sê ghənə.

Ɛfesùs 4:20

Pîza ghɨnə mə va əghɛ ghɛ ə tè zaʼle sê ghàyn kûmə̀ Klâys!

Ngàleshyà 1:14

M tè ke se kɔʼsə Fezhə̀ endom vɛ ə ghɨə Njûsghè kɔʼsə tsɛ̂ ngwàʼ zɨ̂mze tsɨə, mə mə fo təm ghɨmə nâʼà sə ŋaŋ, tsɛ̂ endam endaʼ zɛ ə ghə̀pɨ̀a ə ghasènìghe tè ndamə.

Filìpây 3:2

Ghàyn e tɔ̂ʼnə̀ è ghɨ pi ghɨnə̀ ə ghe nyi nyiə kə sepu pîə nə ə kyi se se ənam ə wûəghè.

Matyò 16:6

Njisə̀s ə pìə sê ghənə nə, “Ghàyn tɔʼne kûmə̀ fèsə̀ʼ fə ghɨə Falàsîə yî ghɨə Sandùsîə.”

Matyò 10:17

Ghàyn e tɔ̀ʼnə̀, kûmə̀ nə ghɨ nyi ndô mə tə kyîə ghàyn ə nji è ghàyn elùʼ ə saʼ ə ghənə pus ghàyn ewàynsè ə ghənə sendɛ sə atsɨ̀yntese.

Kòlosè 2:22

Lwɔ̂ŋ nə vɨ̀nə èkɨ̂m wàmnə̀ kûmə̀ kə èfɨa, ve nyi se pə̀yn sə efɨa sə ndô shîŋə̀ kɛ ə nyi mə ə nə̀yn fɨ̂aʼzè ətəyn. Lwɔ̂ŋ nə vɛ mə è zaʼlêtè nyi əghɛ mə ə̀ fɛte əghɨ è ghoghe.

Ɛfesùs 2:2

Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Ətefɨ̂aʼ 17:18

Nɔ̂yn əghɨ̀ ə Epikulùskè è Sètoyìkè ə zhə̀tə̀ se saʼnê əghɛ yî ghə̀ Pɔ̂l. Yîghe e pfɨfə nə, “Wùə vɨ̀nə mɔ̀msə̀ se pì nə ghe, keva nâʼà èghɛ zhî zə?” Yîghe ə pə̀ynsə̀ nə, “È mɔ̀msə̀ sə̂ wàmnə̀ eghɛ kûmə̀ m̀zhə̀ mə ghɨatumə̀m.” Ghənə tè wàmnə̀ nyî kûmə̀ nə Pɔ̂l tè ndàʼa tom èchùŋ kûmə̀ Njisə̀s è kɨsè zômə̀ ə Vəynze.

Ətefɨ̂aʼ 17:32

Ə tè nyi kə ghənə zɨ kə Pɔ̂l wàmnè ghɛze kûmə̀ èzômə̀, ghɨə mɔ̀ʼɔghe e sè chaʼa vəyn, pîza yîghe e pîə nə ghənə kɔ̀ŋɔ̀ ndò se zɨə kwəynsê ekyì ewàmnè nə zɛ mə.

1 Kɔlìŋ 8:9

Ghàyn tɔʼne, kə ndom vɛ ə ghàyn nə̀ ghɛ ə chûŋghè ətəyn kə ghɨ ə pomə nəyn ə ghɨ ghɛ ə pɔylə ə ghənə epomə̂ pfɨ ə pi.

1 Kɔlìŋ 10:12

Ə ò kwàʼtə̀ nə ò fɛtê tyəm ndò ə ghò epomə̂, ò tɔ̂ʼnə̀ kə ò nə pfɨ ə pi.

Ngàleshyà 5:15

Pîza mə ghàyn kɛse sə senyàm sə mbvɨynse sə ndômnə̂ kwɨlə sengɨŋ saynse, nə̂ ə̀ghɛ əpiə, ghàyn nji shîŋə̀kè kûmə̀ nə ghàyn nə̀ mɨ̂sə̀ sèngɨŋ saynse.

Kòlosè 2:23

Lwɔ̂ŋ nə vɨnə mə tyə̂nə̀ kəpi nə ve nyiə kyi ètɔf eghaʼâzè nyiə nyi əfètə̂ ə̀təyn kûmə̀ nə ve zaʼlə̂ ə̀ghɨ nə, ghɨghe è ngɨŋə̂ ghənə kyi sə̂ kyi ə̀təm sə nə̂ ə̀ghɛ ə tɛghe, se tyə̀yn nə ghənə nyîə ndɨŋə chûmtə̀ Fèzhə̀. Lwɔ̂ŋ ətəynve zaʼlə̂ ə̀ghɨ nə ə ghənə njî ngɨŋ sə ghənə̂sè əchi, ə ghənə ndəm ngɨŋ sə ghənə̂sè əfètə̂ ngəʼ ètsɨ̀ə. Pîza əghɨghe tè chùmtə pîə èlwɔ̂ŋ ətəynve kə ghe, lwɔ̂ŋ ətəynve tè va se tsàmtə ghənə se nə̀yn nə kə ghənə ə kyi èkwaʼtè epize.

Ipilù 3:12

Ghàyn tɔʼne ə ghɔ nyîə se fe nə kə wùə ə ghàyn ə fètəyn nə kyî ətəm əpiə è tàʼa pomə̂, ə è tə kɛsê epàm ə̂ Fèzhə̀ fɛ ə fe kyi ndamze.