Kòlosè 2:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Kə ghàyn nyì sə afɨa àmɔ̀ʼ ghâyn ghə̀ Klâys, Klâys ə se nam ghaynghe. Se ə nam nə zɨ̂nə̀ vachi zɛ ə ghɨ msɔ̀ŋghe se wùə. Ə̀ nyi Klâys ə è se nam ghaynghe ə Sezuʼ. È və njì tsɨsè tsɨnè zâyn zə èpi.

Kòlosè 2:11 Referans Kwoze

Ŋwàʼlè ə̀ Pɔ̂l sê ghɨə Lûmghè 2:29

Pîza wùə vɛ ə̀ lote nyi wùə Njûs, ə̀ nyi wùə vɛ ə è nyi wùə Njûs ə vəyn əfètə̂ ə̀təm, e za tyə̀ nə ə̀ nyi wùə vɛ ə nyi mə ə se nam ə vəynghe ə vəyn ə fètəyn. Ə̀ nyi Sezuʼ sə Fezhə̀sè ə se nə̂ fɨ̂aʼ nə zɨ̂yn, ə̀ vachi nə wùə chùmtə̀ àlaŋ kɛ ə nyi mə ə nyàʼ. Ə̀ tsîtə̀ Fèzhə̀ è wùə nə vɛ mə, ə̀ vachi wùə m̀sɔ̀ŋ.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Ɛfesùs 4:22

Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

Ngàleshyà 5:24

Ghɨ ghɛ ə̀ nyi əghɨ ə Klâys Njisə̀sə̀ nyi mə ghənə zhwi njà èwìyn è ghɛ ghɛ ə njà èwìyn kyiŋə nâʼà ètyaʼke.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ipilù 9:24

Klâys tè paʼà nji ə Elùʼ Eŋwaʼve mə ə̀ pɛ əghɨ msɔ̀ŋghe, eluʼ mə tè nyi afusè elùʼ ə kə semɔʼke. Klâys tè ndù ke nâʼà ekwùtwəyn ə Zhə̀fè ə ngùŋ, è zo chyatə̂ fəynfe ə ghâsènì azhəm.

Ipilù 9:11

Pîza Klâys nyi mə è və pə̀yn. È nyi wùə èkɔʼsə nə èshyə̀ èngaŋtə kwəynə vɛ ə è pə̀yn è ghɛə chûŋ ghɛ ə ghâsènì kyi zôyn. È fɨaʼà fepfɨ̀ə fe kɔʼnə̂ fɨnə kwəynə̂ mɨ̂sə̀ tsɛ fɛ ə ghɨ èkɔʼsə nə eshyə̀ ə mbi ghɨnə fɨ̀aʼà ətəyn. Luʼ ətəyn nyi mə pâʼà fɛte wùə m̀sɔ̀ŋ, ə̀ vachi àpâs ə mbi kɨ̂nə̀ ə Zhə̀fè tè pom.

2 Kolìŋ 5:1

Ghâsènì nyiə ke nə pfɨ̀ə kɨnə ə ghâsènì ndamə ətəyn fayn ə mbi mə za nyi ewiyn ə ghasènìve, ezhoghɛ ə sâʼ tsɨ̂se, ə Zhə̀fè fo ndɛ sê ghâsènì ekwùtwəyn ndɔ̀ʼɔ pom è ghoghe, è nyi se ndamə faŋ.

Ətefɨ̂aʼ 17:24

Ə Fezhə̀ fɛ ə Fe tè pom mbi è nâʼà pi àkè kɛ ə ke nyi ətəyn, nyi Pɛ̂pɛ və èkwùtwəyn è chike, mə È ndamə va m pfɨ̀ə mə ə pɛ è ghoghe.

Ətefɨ̂aʼ 7:48

Pîza, Zhə̀ fɛ ə fe ngaŋtə kwəynə, ndamə va ə sendɛ mə ə̀ pɛ əghɨ kè kə Fɨ̀aʼtè pì nə Zhə̀fè pi nə,

Tom èchùŋ kè kə Lûk tè nyaʼ 2:21

Ə̂ pə̀ kə̂ ə se nam ə vanə ə mtuʼ mfamə, ə̂ tsɨ̀ə ezə ə vayn nə Njisə̀s, kè eghɨ kə tsì tè pə̀yn pi, ndɔ̀ʼɔ nyiəm pɔŋ vəyn.

Ŋwàʼlè ə̀ Mâk 14:58

“Ghàs tè zɨ kə è pìə nə, ‘M nə̀ pɨ̂sə̀ Ndɛ Ètsə̀mə zɨ̂yn ə pɛ è gho nyî, ə m kɛse pɛ zə̂ndò ə mtuʼ mta, mə paʼà pɛ ègho.’”

Ŋwàʼlè ə̀ Pɔ̂l sê ghɨə Lûmghè 7:24

Ə̀ nyi ekyì etsòs èkwə̀ ə ve kote mi nyiə! Ə nə̀ fiə za ndè mi fa ewìyn ə wùə m̀sɔ̀ŋ vɛ ə ve pə̂ mi è kwuze nyiə?

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.