Kòlosè 1:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ghàs fo àzɔ̀ŋnè se Zhə̀fè kûmə̀ nə, ghàs ə zɨ kyî epomə̂ zɛ ə ghàyn kyi ə Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀ghè əkɨ̂m.

Kòlosè 1:4 Referans Kwoze

Ɛfesùs 1:15

Ə̀ za nyi əghɛ ghɛ ə ghe nə̂ m fo àzɔ̀ŋnè sê Zhə̀fè, kwâʼtə̀ ghàyn ə mì etsə̀m shîŋə̀ tekɨ̂m sə fighɛ m zɨ kyî epomə̂ zɛ ə ghàyn kyi sê Pɛ̂pɛ ə̀ ghâsènì Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀.

2 Tèsàlonikà 1:3

Ghàs kyi sə̂ fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn ə ghɔnyìə. Ə̀ nyì ke nâʼà èghɛ echuŋzè kə ghàs nə̂ nyi kûmə̀ nə kyî epomə̂ zaynze sê Klâys ndəmə̂ ndûə kə èshike, kɔ̂ŋ zaynze sê ngɨŋ saynse e fɨnə ndəmə̂ ndûə kə èshike.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

1 Njɔyn 4:16

Nyiəmə, ghâsènì ke ndô, fɨnə pomə̂ nə Zhə̀fè nyîə kɔ̂ŋə̀ ghâsènì. Zhə̀fè nyi ekɔ̂ŋ, mə ghɨ ghɛ ə ghe ndamə ekɔ̀ŋ, ndamə sə afɨa àmɔ̀ʼ yî ghə̀ Zhə̀fè, Zhə̀fè endamə sə afɨa àmɔ̀ʼ yî ghə̀ ghənə.

Filemùyn 1:5

M nə̂ nyi kûmə̀ nə mə zɨ ndom vɛ ə ò kyi kyî epomə̂zè sê Pɛ̂pɛ ə̀ ghâsènì Njisə̀s, fɨnə kɔ̀ŋɔ̀ əghɨə Fezhə̀ nâʼà ə̀kɨ̂m.

1 Njɔyn 3:14

Ghâsènì ke ndô nə ghâsènì ə tɛ tsɛ tyaʼa ekwuke, kyi èndam zɛ ə ze tə mîə va, kûmə̀ èkɔ̂ŋ zɛ ə ghâsènì kyi sê ghɔnyì ə ghasènìghe. Wùə vɛ ə è kɔ̀ŋɔ̀ va ghɔnyiə vəynghe pa nyi ke etyə̂ àtyaʼ ə ekwuke.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

1 Njɔyn 3:23

Làŋ ə Fezhə̀ nə kɨnə nyi nə, ghâsènì pomə̂ ə Va vəyn ezə Njisə̀s Klâys, kɔ̀ŋɔ̀ sèngɨŋ sə ghasènìse. Ə̀ nyì kepî èkɔ̂ŋ nə zɨ̂yn ə Klâys nyi mə è və fo sê ghâsènì.

1 Tèsàlonikà 3:6

Timotì ə kɛse pəyn zôyn ə tsâ saʼghe èchùŋ sê ghàs nə ghàyn pa kyi ke ndò kyî epomə̂zè se Klâys, fɨnə kɔ̂ŋɔ̀ ə̀ghɨ mɔʼɔ. È və fɨyn pi nə ghàyn kwàʼtə̀ ghàs nâʼàpî ashìŋə̀ àkè, ghàyn e saŋnə kə nyî, kɔ̂ŋɔ̀ se fɨnə fe ghàs kèpi kə ghasè vəyn kɔ̂ŋɔ̀ se fe ghàyn.

Kòlosè 1:9

Ghɛ nə zɨ̂nə̀ ə tə nə̀yn, ghàs e tsə̂mə̀ sê ghàyn se zhə̀tè etuʼ vɛ ghàs tè zɨ ghɛ ətəynghe. Ghàs tsə̀mə̀ nə Zhə̀fè nəyn ə ghàyn fɛte kê eghɛ zɛ ə fe kyiŋə nə ghàyn nəyn. Ghàs tsə̀mə̀ nə Zhə̀fè fo ghàyn ètɔfze, è kɨsè tɔf eghaʼâzè kə ghàyn fɛte kê ə̀ghɛ ə Sezuʼə achûŋ.

2 Kolìŋ 7:7

Ə̀ tè vachi ke èpə̂yn ə vəynze ə ze tè nəyn nə ghàs ə saŋnə̂, pîza è kɨsè èndom vɛ ə è tè tsàyn sê ghàs nə ghàyn ə fo vəyn è təmə ə zɨtəghe. Ghàs tè nyiə saŋnə̂ kəpi kûmə̀ nə è və tə tsàyn kə ghàyn tè lotə kɔ̂ŋə̀ se fe mi, è ndom vɛ ə ghàyn kosə kyaʼà ətəyn, è ndom vɛ ə ghàyn nyi èpɨaʼtêzè ətəyn se tɔ̀ʼɔ̀ mi, kûmə̀ ə̀ghɛ nə ghɨ̂yn kə m zɨ, m lotə̂ ngɛsə̂ saŋnə̂ ndò zôyn.

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.