21 Shîŋə̀kè tè nyì ndô kɛ ə ghàyn tè nyì ndu sə aghaf sê Zhə̀fè, nyi sèpàyn sə Vəynse kûmə̀ əghɛ əpi ghɛ ə ghàyn tè nə̂, è ndom vɛ ə ghàyn tè kwàʼtə ətəyn.
Kə ghàyn lɛse nə ə tè nyi za, ghàyn e kyi va ghɛze se nə̀yn è Klâys, va anɔ̀yn ə ghɨə Isìlâykè, kyi va ghɛze ə tetsɨ̀nè tɛ ə Zhə̀fè tè fo sê ghənə. Ghàyn tè tsɨ̀nə̀ ndamə kə ndò ə mbi, kwâʼtə̀ va chùŋ zhîzè elùʼ, ke pî va Zhə̀fè.
Ghənə zɨə kê va ghɛ, ke va ghɛ kûmə̀ èndam ə Fèzhə̀ kûmə̀ àngo ə ghənə̂kè mə ə̀ pə̀yn atu ə tɛ kɛ ə ghənə kyi.
E za tyə̀nə̀ nə ghàyn ghɨ ghɛ ə̀ vachi ə̀ghɨ Njûsghè fɨyn va ə̀ghɨ e motə pə, ghàyn nyi əghɨ endaʼ èmɔ̀ʼɔ ghayn ghə̀ Zhə̀fè, fɨyn nyi ə̀ghɨ esas ə ndɛ Fezhə̀ghè.
Ghənə nyîə kɔ̂ŋə̀ sə wàmnə̀ ə̀ghɛ piə əghɨ mɔ̀ʼɔghe ətu, pânə̀ Fèzhə̀, sôylə̀ ə̀ghɨ, ghaŋsə̂ èwiyn, tsɔsə̀ àngàŋtè, kɔ̂ŋə̀ sə̂ pɨaʼtə̂ se nə̂ pi, zɨə va sê ghə̀pɨ̀a è ghə̀nyì.
Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.
È və kim nâʼà lwɔ̂ŋ ə Njûsvè ekɨ̂m tɔynə̂ ə vəyn ekwu nə zɨ̂yn kə ghɨ ghasènìə fɨ ke sə wùə èmɔ̀ʼ tɔynə̂ ə vəyn, ə pɔ̂ynè ə nyi.