Kòlosè 1:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Tɔynə̂ ə Klâys, Zhə̀fè ə tə saynê se kɛsə pə̀yn è mbi èkɨ̂m sê ngɨŋə̂ vəyn. Zhə̀fè ə tə nə̀yn nə Pɔ̂ynè ə nyi tɔynə̂ ə Va vəyn mndəm mɛ ə m̀ tè sɨ̀sə awâmnè, ə kɛsə̂ pə̂ èfɨave ekɨ̂m se ngɨŋə̂ vəyn, ə chi è kɨsè ekwùtwəyn.

Kòlosè 1:20 Referans Kwoze

Ɛfesùs 1:10

Zhə̀fè ə ndə̀m nə tuʼfe tə kwənə, ə Fe tsɨynte fɨave ekɨ̂m ekwùtwəyn ə Fe fɨyn tsɨ̂yntè ə chi ə Fe ndə̂m ke ə Klâys etyə̀.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Ŋwàʼlè ə̀ Pɔ̂l sê ghɨə Lûmghè 5:1

Nyiəmə kə pomə ghasènìze nyi mə zə nə̀yn ghâsènì è nyi chichi ə Zhə̀fè əshi, ghasènìə ghə̀ Zhə̀fè nyi èpɔynè. Ə̀ nyi Pɛ̂pɛ ə ghâsènì Njisə̀s Klâys ə È nə̀yn nə ghâsènì ə nyi è pɔ̂ynè ghasènìə ghə̀ Zhə̀fè.

Filìpây 2:10

Zhə̀fè tè nəyn zɨnə mə kə nâʼàpî àshîŋə̀ àkè ə tɔŋte zə ə Njisə̀s nə zɨ̂yn, nâʼàpî àkè kɛ ke nyi, kɨ̀sə ke nyi ekwùtwəyn kɨ̀sə ke nyi ə chi kɨ̀sə ke nyi nâʼàpî etyə̂ àchi ə ngwûʼə̂ ə chi ngɨmnə̂ Njisə̀s,

Ətefɨ̂aʼ 10:30

Kɔ̀nilùs ə pìə nə, “Ə̀ tsɛ̀ ke m̀tuʼ mta zôyn kə m ma tsə̂mə̀ fâ mìə ndɛ ashìŋə̀ ə sechwìə sèta èchwì, ə pfɨ̀ŋə̀ fe wùə kə è tyəm ə mì əshi mə è və màʼ ndzɨse, se fɨfə nyaynə̂ kə nyî,

Tom èchùŋ kè kə Lûk tè nyaʼ 2:14

“Pomsêzè sê Zhə̀fè elùʼ engaŋtəve ekwùtwəyn, pɔ̂ynè e nyi ə chi sê ghɨ ghɛ ə È kɔ̀ŋɔ̀!”

Matyò 1:21

È nə̀ piə vayn ndômə̀ ə ò tsɨ zə vəyn nə Njisə̀s, kûmə̀ nə è tə sɔ̀zâ ə̀ghɨ ə vəynghe ə ghənə sepi.”

Kòlosè 1:16

E nyi nyiəmə kûmə̀ nə ə̀ nyi tɔynə̂ se Klâys, ə Zhə̀fè ə tè pom fɨave ekɨ̂m vɛ ə ve nyi ekwùtwəyn è kɨsè əchi. È və pom vɛ ə kaʼa fe è shize, è kɨsè vɛ ə vayn kaʼa fe è shize. Ə̀ tè pom vəyn e tu ə tendaʼàvè è kɨsè twɔʼve ekɨ̂m. Zhə̀fè tè pom efɨa èkɨ̂m tɔynə̂ ə vəyn, ə̀ nyi kûmə̀ vəyn ə Zhə̀fè tè pom fɨa nə vɨnə mə.