Njɔyn 8:43 - Ŋwàʼlè ə̀ Fèzhə̀ Mkâyn Mə̂ Fèm

⁴³ Kûmə̀ ghè ə ghàyn zɨə ke va ghɛ zɛ ə M piə ə? Ə nyi kûmə̀ nə ghàyn kɔ̀ŋɔ̀ va se zɨ ewâmnè Zɨmze.

Njɔyn 8:43 Referans Kwoze

Njɔyn 5:43

M pəyn è tyaʼa Pɨ̀a Vɨ̂mkè pîza ghàyn ghe tàʼa fiə mi, mə shîŋə̀ kɛ ə wùə pə̀yn è kə vəynke nə atyaʼ, ghàyn ə fiə vəyn.

Njɔyn 7:17

Ə̂ nyì pîndè èpɨaʼtêzè se nə̀yn eghɛ zɛ ə Zhə̀fè kyiŋə, ə è və ke nə ghɛ zɛ M zaʼlə ndo se Zhə̀fè mə sè Mìə, mə M wamnə̀ sə Mì atyaʼa?

Ətefɨ̂aʼ 7:51

Shìtifɨ̀yn ə wàmnə̀ nyi ə pìə nə, “Ghàyn tɛ è tuve. Ghàyn ə fɨ̀yntè tûŋneve sê kyə̀ Fèzhə̀, ə tɛsə̂ ə̀təm ghaynghe. Ghàyn nyì kepî èghɨ kə pɨ̀a ghayn ghəshiə. Ghàyn ə faŋ sè kwiynsə̂ kə nə ghàyn vayn kàʼa zɨte ghɛ zɛ ə Zuʼse Ŋwaʼase pîə.

Njɔyn 6:60

Chùmtè èpàm sə Vəyn se tsɨəse ə zɨə èzaʼlê nə zɨ̂nə̀ ə pìə nə, “Zaʼlê zɨ̀nə nyiə tɛ se chùmtè. Ə̀ kàʼa zɨte nde zəyn zə ə?”

Njɔyn 8:27

Ghənə tè paʼà zɨ kê nə Njisə̀s wàmnə̀ se ghənə kûmə̀ Pɨ̀a ə̀ Vəyn.

Ŋwàʼlè ə̀ Pɔ̂l sê ghɨə Lûmghè 3:11

Wùə vîvè va ə è fɛte ke səmɔʼ kûmə̀ Fèzhə̀, wùə vîvè e va vɛ ə è sò mndyàyn se ke Fezhə̀.

Matyò 13:15

M pîə zɨnə kûmə̀ nə ghɨ ghɨ̀nə vayn kàʼa fɨyn zaʼlê nâʼà èghɛ mə ghənə kɨmtê tôŋne ə ghənəvè è shiə ghənə̂ghè. Mə ghənə vayn zɨ vayn kàʼa fe nâʼà àfɨa kyîke. Ə ze fə va zamə, mə ghənə nyi fe, ə fe kê. Ghənə tə zɨtə̂ è tôŋne ə ghənə̂vè, ə təmə ghənə̂ zɨ kê. Mə ə ghənə nə̂yn zɨnə mə, ə kə̀mnə̀ pə̂ sê Mi, ə m tsuʼ ghənə.›”

Njɔyn 5:25

M pîə sê ghàyn səmɔʼ nə shîŋə̀ kè pə̀ ndò, mə kə kàynè kwəyn, kə ghɨə ekwuəghe tə zɨə wâmnè ə Va Fèzhə̀zè, ə ghɨ ghɛ ə zɨ zəyn ə ndamə.

Njɔyn 8:33

Ghənə ə pə̀ynsə̀ nə, “Ghàs nyi fe ghâŋfə Aplàghâmfè mə ghàs paʼà tyəm pəyn nyi àkɔs sê wùə vîvè. E tyə̂nə̀ nə ghe kə Ò pì nə, ‹Ə tə zhə̂nə̀ za ghàyn ə?›”

Njɔyn 8:39

Ghənə ə pə̀ynsə̀ nə, “Aplàghâm nyi pɨ̀a vâsvè.” Njisə̀s ə pìə sê ghənə nə, “Ə ghàyn tè lote nyi ə̀ghɔyn Aplàghâmə̀, mə ghàyn nə̂ kə ə̀ghɛ ghɛ ə Aplàghâm tè nə̂.