Njɔyn 7:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Epàm ashìŋə̀ nə kɛ, kə ghɔnyìə Njisə̀sghè ndù elùʼ azhi Mpfɨ̀ə nə kɛ, È və pɔŋɔ ndûə. È tè paʼà ndù chi ə ndayn, pîza ə nyaʼtə̂ ndûə endom vîve ghɨghe ke pî va nə ə̀ nyi Vəyn.

Njɔyn 7:10 Referans Kwoze

Matyò 10:16

Ghàyn zɨte! M tomə fɨsə̂ ghàyn nyi, ghàyn e ndûə sə̂ nyi kə sendzè əfètə̂ sènyàm se pɨase. Ghàyn kyi sə̂ tɔfə kə kə sembam, kyi sə̂ kyi èngɨmnê kə ekwɨ̀l.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

Njɔyn 11:54

Zɨnə mə ə nə̀ Njisə̀s e fɨnə fɨə va ə ndayn əfètə̂ ghɨ Njûsə̀. Yî chùmtè èpàm sə Vəynse ə pɨlə ndô ndûə ə tɔ̂ŋ zhîzè, e tɔŋtə̂ nə Ɛfelèm, ndamə fumə. Ndaʼ nə zɛ tè nyì paʼsê elùʼ ashəshəve.

Njɔyn 7:5

(Kè nâʼà ə̀ ghɔnyìə Njisə̀sghè tè paʼà pomə̂ se Vəyn.)

Njɔyn 7:3

Ghɔnyiə Njisə̀sghè ə pìə sê vəyn nə, “Zà luʼ vɨ̂yn ə ndù apàs endaʼ ə Njòdyâkè kə ghɨ ghɛ ə chûmtə̀ ghò fe ghɛ ə kayntə ghɛ ə Ò nə̂.

Matyò 3:15

Pîza, Njisə̀s ə pə̀ynsə̀ sê vəyn nə, “Za ə zə nyi ke zamə kè fa ashìŋə̀. Famə endom, ə ghâsènì nə nəyn ə̀ghɛ ə̀kɨ̂m ghɛ ə Zhə̀fè kyiŋə.” Njɔyn ə se pomə̂ se fo Vəyn è môm.

Matyò 12:46

Kə Njisə̀s tè pa wâmnə̀ sê nɔ̂ynvè, nyìə vəyn è ghɔnyiə vəynghe ndômə̀ ə pə̀ tyəmə̂ ə pɨəyn sè kyiŋə nə yîghə̀ Njisə̀s wamne.

Ŋwàʼlè ə̀ Mâk 3:21

Kə ghɔnyìə və tè zɨ ghɛ ətəyn ə ndò ndûə se kyiŋə vəyn kə ghənə nji kwɨlə̂ è vəyn kûmə̀ nə ghɨ tè piə nə, ‘È və zhya.

Njɔyn 7:9

È və wàmnə̀ nyi ə faŋə kə ə Ngalìlî.