Njɔyn 7:1 - Ŋwàʼlè ə̀ Fèzhə̀ Mkâyn Mə̂ Fèm

¹ Epàm əghɛ ghɨ̀nə̀ ə̀kɨ̂m, Njisə̀s e sè kwîə ka ə telùʼ ə telùʼ apàs endaʼa Ngalìlîkè, kɔ̀ŋɔ̀ va se kwiə ndu apàs endaʼa Njòdyâkè, kûmə̀ nə ghɨə Njûsə̀ fu tè kyiŋə se zhwiə Vəyn.

Njɔyn 7:1 Referans Kwoze

Njɔyn 4:3

Kə Njisə̀s zɨ ghɛ zɛ ə tè pìə kûmə̀ Vəyn, È və ndò apàs endaʼ ə Njòdyâkè ə kɛsə̂ ndûə apàs endaʼa Ngalìlîkè,

Matyò 21:38

Pîza, ghɨ fɨaʼa nə ghɛ ə fe kə vâ vəyn pə̂, ə pìə sê ngɨŋ sə ghənə̂sè nə, ‘Ə̀ vɨ̂nə nyì ke nâʼà va pɛ̀ àfùʼ. Ghàyn pəyn ə ghâsènì zhwi vəyn ə kyi fɨa ə vəynve.’

Njɔyn 7:19

Mosîs ə tə fo Lâŋkè sê ghàyn, mə è tè paʼà fo? Pîza kè nâʼà wùə èmɔ̀ʼ ə ghàyn əfètəyn ə tàʼa ndə̀m ə kəynke. Kûmə̀ ghè ə ghàyn mɔ̀msə̀ se zhwiə mi ə?”

Matyò 10:23

Ə tsɨ̂fsə̂ ghàyn ə tɔ̂ŋ èmɔ̀ʼ, gha tə ndûə ə tə zə mɔ̀ʼɔze. M piə sê ghàyn səmɔʼ nə ghàyn tə nə̂ mɨ̂sə̀ va fɨ̂aʼ zaynze ə setɔ̂ŋ sə Isìlâytè tekɨ̂m ndɔ̀ʼɔ Va Wùə kɛse pəyn.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Njɔyn 4:54

Zɨnə mə tè nyi kòmte èghɛ ekaynə zɛ ə Njisə̀s tè nəyn ə Ngalìlî kə è kɛse pə̂yn ə Njòndyâ.

Njɔyn 1:19

Ghɨ èghaʼâ ə Njûs ghɛ ə tè nyi ə Njèlusalɛ̀m tè tom əghɨ ə kɔʼsə nə eshyə̀ ndɛ̂ ètsə̀mə, è ghɨ esas ə ndɛ Levìghè nə ndu pfɨf sê Njɔyn Fo M̀mò nə, è nyi nde ə.

Njɔyn 8:40

Nâʼà ə̀ghɛ ə̀kɨ̂m ghɛ M nyi mə mə tyə̂m nəyn nyi nə m tsayn səmɔʼ sê ghàyn zɛ m zɨ sê Zhə̀fè, pîza ghàyn e mɔ̂msə̀ se zhwiə mi. Ə̀ zɨnə vachi èghɛ zɛ Aplàghâm tè nəyn.

Njɔyn 8:37

M ke ndò nə ghàyn nyi fe ghâŋfə Aplàghâmfè, pîza kyiŋə se zhwiə Mi kûmə̀ nə ghàyn kɔ̂ŋɔ̀ va se zɨə ezaʼlê Zɨme.

Njɔyn 7:25

Ghɨ ə Njèlusalɛ̀m yîghe ə pìə nə, “Ə̀ vɨ̀nə va wùə vɛ ə ghɨ ghaʼlə̂ kyiŋə se zhwi ə?

Ŋwàʼlè ə̀ Mâk 11:18

Ghɨ kɔʼsə nə eshyə̀ engaŋtəghe yî tyə̀ynsè sə alàŋsè ə zɨə nyî, sè kyiŋə èndom se zhwiə Njisə̀s. Ghənə tè fànə vəyn kûmə̀ nə nɔ̂ynkè akɨ̂m tè nyi èkaynze kûmə̀ ə̀ghɛ ghɛ ə è tè zaʼlə.

Njɔyn 6:1

Epàm ətəyn, Njisə̀s è chùmtè èpàm sə Vəynse ə ndò tyâŋà ndûə engyinə̂ enjwì ə Ngalìlîvè, e tɔŋtə̂ kəpî nə njwîə Tìpelùsvè.

Njɔyn 7:11

Ghɨ ghaʼa ə Njûsə̀ tè nyîə kyiŋə vəyn fu elùʼ azhi pfɨfə nə, “È vàyn zə?”

Njɔyn 7:13

Pîza wùə vîvè e wâmnə̀ va kûmə̀ vəyn ə ndayn, kûmə̀ nə ghənə tè fànə ə ghɨ ghaʼa ə Njûsə̀.

Njɔyn 7:35

Ghɨ Njûs eghaʼâ e sè pîə se ngɨŋ sə ghənə̂sè nə, “È kyiŋə se ndù nâʼà ghayn nə ghâsènì nə̂ tàʼa fɨnə fe və ə? È kyiŋə se ndù endaʼ ə ghɨ ə Nglêk zɛ ə ghɨ ghasènìghe ndamə ətəyn se zaʼlê ə ghɨə Nglekghè mə?