Njɔyn 5:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Njisə̀s ə fe è nyiŋ fu, ə kê nə è nyi mə è və zaf sə se pìŋ se tsɨse. È və ke pfɨf sê vəyn nə, “Ò kɔ̂ŋɔ̀ ndò se tɛ ə?”

Njɔyn 5:6 Referans Kwoze

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Tom èchùŋ kè kə Lûk tè nyaʼ 18:41

“Ò kyiŋə nə m ghaynghe sê ghò ə?” È və piə nə, “Pɛ̂pɛ, nə̀yn nə mə kɛsə̂ fe tèluʼ!”

Ipilù 4:13

Nâʼàpî ghè vɛ Zhə̀fè fɛte nyîə panə kə ə ndayn sê vəyn. Fɨa kyîke va ə ke ndə̂tə̀ sê vəyn, ghâsènì e nyi se tə tyə̂m ə və shi se taŋə ə njo ə ghâsènì kûmə̀ nâʼà pî ghè kə tè nə̂.

Njɔyn 21:17

Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?” Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “O tɔ̂ʼnə̀ è ndzè sɨmse.

Njɔyn 5:5

Wùə tè nyì fu mə è və zaf sə sepìŋ m̀ghɨm mta njòse famə.

Njɔyn 5:7

Wùə è zafə nə vɛ ə pə̀ynsə̀ nə, “Tyə̀ynsè, m kyi va wùə vîvè fàyn kə è ndəm mi andɨ̀l nâʼàpî ashìŋə̀ àkè kɛ ə tsò nə̂ʼə̀. M mɔ̂msə̀ se ndù fu, wùə ə ndùə sê mi sə shi.”