Njɔyn 5:44 - Ŋwàʼlè ə̀ Fèzhə̀ Mkâyn Mə̂ Fèm

⁴⁴ Ghàyn kɔ̂ŋɔ̀ sə̂ fiə ètsîtè sê ngɨŋ saynse, pîza kɔŋə̀ va se fiə etsîtè sê Vɛ È nyì və̂yn mɔ̀ʼ, nyi Fèzhə̀, ə ghàyn ə nyi kàʼa pomə zayn sê Mi ə?

Njɔyn 5:44 Referans Kwoze

Njɔyn 12:43

Ghənə tè nyîə kɔ̂ŋɔ̀ nə ghɨ ghə tsɨ̂tə̀ ghənə tsɛ̂ kə ə tsɨ̂tə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 2:29

Pîza wùə vɛ ə̀ lote nyi wùə Njûs, ə̀ nyi wùə vɛ ə è nyi wùə Njûs ə vəyn əfètə̂ ə̀təm, e za tyə̀ nə ə̀ nyi wùə vɛ ə nyi mə ə se nam ə vəynghe ə vəyn ə fètəyn. Ə̀ nyi Sezuʼ sə Fezhə̀sè ə se nə̂ fɨ̂aʼ nə zɨ̂yn, ə̀ vachi nə wùə chùmtə̀ àlaŋ kɛ ə nyi mə ə nyàʼ. Ə̀ tsîtə̀ Fèzhə̀ è wùə nə vɛ mə, ə̀ vachi wùə m̀sɔ̀ŋ.

Filìpây 2:3

Kə ghàyn ə nə ghɛghe kwaʼtə̀ kə sèngɨŋ saynse. Kə ghàyn nə nəyn èghɛ se tyə̀yn eghaŋsê ewìynze, pîza ghàyn nji ngɨŋ saynse əchi ə ndəm nə ghɨ mɔ̀ʼɔ nyiə kɔʼnə̂ tsɛ̂ ghàyn.

Matyò 23:5

Ghənə nə̂ ə̀ghɛ kè se tyə̀yn ewiyn. Ghənə kolə̂ m̀puʼlə̂ mə m̀ ghaʼa ndò ə ghənə echo àtu è kɨsè ə ghənə tekɔyn mə nyàʼ ndiŋə̀ mə̂ ŋwàʼlə̀ Fèzhə̀m ətəyn. Ghənə nə̂ kəpî èpɨ̂aŋ ə sendzɨs vɛ ə kə̂ etuə sèsàŋ nə və tyaflə̀ tsɛsə̀

1 Pità 1:7

Mɔ̂m nə tɨ̂nə̀ pə̀ sê ghàyn, nə̂ nə ghɨ fe ke nə ghàyn kyi ke nâʼà kàyntè èkyî epomə̂zè. Ə pɔŋɔ mɔ̀mə̀ ngôl è wusve nâʼàpî kə ə̀ nyi afɨa kɔʼnə̂ tânə̀ va kə epomə̂, mə ke kàʼa ə ke pof. E za tyə̀nə̀ nə, ə kyi kepî sə̂ mɔ̂mə̀ èkyî epomə̂ zaynze se kê nə ə̀ nyì tê kàyntè èkyî èpomə̂ zə, kûmə̀ nə ə̀ nyi afɨa kɔʼnə̂ tsɛ̂ ngôl kə ə̀ tə nəyn ə̂ nyi etuʼ vɛ ə Njisə̀s Klâys kɛse pə̂yn, ə ghàyn kyi tsîtèzè, è pomsêzè, è kɔʼsêzè.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

Ŋwàʼlè ə̀ Pɔ̂l sê ghɨə Lûmghè 2:10

Pîza ghàyn e ke nə Zhə̀fè tə tɔʼə̀ va wùə vîvè, maʼtə̀ nâʼàpî ndè endom əghɛ Sezuʼ se Ŋwaʼase vɛ ə è nə̀ ghɛ ə chûŋghè. È tə nə̂ zɨnə mə sê ghɨ Njûsghè kûmə̀ nə Zhə̀fè ə tə chɔʼ ghənə nə ə nyi kàyntè ə̀ghɨ ə Vəynghe, pîza ə È nəyn kepî se ghɨ ghɛ ə va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Tom èchùŋ kè kə Lûk tè nyaʼ 19:17

È və piə sê wufɨ̀aʼa ətəyn nə, ‹Ò nə̀yn kè nâʼà àchûŋ! Ò nyi ke nâʼà wufɨ̀aʼa ə èchùŋ! Ò tə nə̂ ə ò saʼa sètə̀ʼ seghɨm zôyn kûmə̀ nə mə fe nə ò nə̂ ke se tɔ̀ʼnə̀ è fɨ̂atə̀ mə ètətə̂m.›

Njə̂m 2:1

Ghɔnyì ghɨmə, ghàyn kə ghɨ pomə sê Pɛ̂pɛə ghâsènì Njisə̀s Klâys vɛ ə è kyi pomsêzè kyi va sə̂ kɔ̂ŋə̀ wùə ə̀mɔ̀ʼɔ̂, pânə̀ və mɔʼɔ̂.

Ipilù 3:12

Ghàyn tɔʼne ə ghɔ nyîə se fe nə kə wùə ə ghàyn ə fètəyn nə kyî ətəm əpiə è tàʼa pomə̂, ə è tə kɛsê epàm ə̂ Fèzhə̀ fɛ ə fe kyi ndamze.

2 Kolìŋ 10:18

Ə Pɛ̂pɛ kwàʼtè achûŋ kûmə̀ ghâsènì, ə nji ghâsènì kə ghɨ ə chûŋghè, pîza ə vachi ghâsènì sə̂ kwaʼtə̀ chùŋ kûmə̀ sèngɨŋ sə ghasènìse kə njîə ghâsènì sə ə̀ghɨ̀ ə chûŋghè.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 8:43

Kûmə̀ ghè ə ghàyn zɨə ke va ghɛ zɛ ə M piə ə? Ə nyi kûmə̀ nə ghàyn kɔ̀ŋɔ̀ va se zɨ ewâmnè Zɨmze.

Njɔyn 3:20

Ghɨ ghɛ ə nə̂ ghɛ ə piə kɔ̂ŋə̀ va payn, va se pə̀yn fumə ə fètə̂ èpayn kə fanə̀ nə sas ə ghənə̂zè nə̀ panə.

Njɔyn 5:41

M kyiŋə va nə wùə m̀sɔ̀ŋ ə tsîtə̀ Mi.

1 Tèsàlonikà 2:6

Ghàs tè nə̂ va ghɛ nə ghɨghe ə tsîtə̀ ghàs, ə vachi ghàyn, pî ə̀ghɨ ə mɔ̀ʼɔghe sə̂ pɔmsə̂ ghàs.

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

Njût 1:25

Ə pomsêzè ekɨ̂m ə nyi sê vəyn vɛ ə̀ nyì ke vəyn Zhə̀fè, ə vəyn vɛ ə è nyi sɔ̀zà ə̀ ghâsènì tɔynə̂ ə Njisə̀s Klâys Pɛ̂pɛ ə̀ ghâsènì. Zhə̀fè tè kyi epomsê, è ghaʼze, è tyaʼke. È tè saʼa è tyaʼ eghaʼâkè tsɔ̀fə kə ə se pomə mbi, è pa nyi ke zamə, nyi se faŋ sə̂ nyi ke zamə nâʼà kə ghè tə ghayn. Ə ze ə nyi ke zamə.