Njɔyn 4:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ə̂ tè nyi pɨ̀a vâs və shi Njàkɔ̂p kə è tè zâ puʼə mmò kɨ̂nə sê ghàs, ə vəyn è ghɔ vəynghe, è nyamsə vəynse tè mɨə kə ə̀kɨ̂m ətəyn. Ò vayn kàʼa ò pi nə ò ngaŋtə̂ tsɛ̂ ndò vəyn, mə ò ngaŋtə̂ tsɛ̂ ndò Njàkɔ̂p ə?”

Njɔyn 4:12 Referans Kwoze

Ipilù 3:3

Njisə̀s nyîə kwəynə kə ə kɔʼsə̂ vəyn tsɛ̂ kə ə tè kɔʼsə̂ Mosîs kûmə̀ nə è nyiə kɔʼnə̂ tsɛ̂ vəyn kèpî eghɨ kə pɛ̀ ndɛ kɔʼnə tsɛ̂ ndɛ zɛ ə è pɛ.

Njɔyn 4:6

Ə̀ tè nyi mə ə tɨm pûʼà fumə elùʼ sə̂ tuə m̀mo ətəyn. Puʼ mmò ətəynke tè nyì kə Njàkɔ̂pkè. Njisə̀s tè nyi mə È və kwì ə pɔ, ə tsotsɨsə̂ fumə etipì apùʼ mmò nə kɛ. Ə̀ tè nyi mə zhwize ə kɔʼ lo, ə tɛ ə̀ chwì.

Matyò 12:42

Ə̀ tə nə̂ ə nyi etuʼ ə saʼ, wùzhɔyn vɛ ə è tè saʼa ndaʼa Shapàzè, tə ndwîə eshyə̀ paʼsə̂ kə èghâŋ fə mbi fɨ̂nə̀ ə tyəm tsɛ̀ èsaʼ zɛ ə è nə̀ nə̂ nə ghənə pfɨ saʼ. Ghənə tə pfɨ̂ə saʼ kûmə̀ nə shîŋə̀ kɛ ə Sòlomùyn tè zaʼlə, wùzhɔyn ə̀təyn ə pə̀ sə tyà elùʼ vɛ ə mbi mîə se pə zɨtə əghɛ tɔfə ghɛ ə Sòlomùyn tè zaʼlə. Pîza ndàyn wùə nyîə nyi fàyn mə è nyiə tsɨ̂ə tsɛ̂ Sòlomùyn.”

Njɔyn 8:53

Ò tsɨ̀ə tsɛ ndò pɨ̀a vâsvè Aplàghâm vɛ ə è tè kwuə? Fɨ̀aʼtè sə tè kwu kepî, Ò kwàʼtə̀ nə Ò nyi nde?”

Njɔyn 4:5

Ə Sàmalyà, È və pə̀ ə tɔ̂ŋ e tɔŋtə̂ nə Sikà, mə ndaʼ ətəyn tè kwùʼte nyi paʼsê eluʼ vɛ ə Njàkɔ̂p tè fo sê vâ vəyn Njosɛ̀f.

Njɔyn 4:13

Njisə̀s ə pə̀ynsə̀ nə, “Ghɨ ghɛ ə mɨə fa apùʼ mmò kɨ̂yn, pfɨ̀ŋ m̀mò tə zafə kwəynsə̂ ghənə.

Njɔyn 4:20

Pɨ̀a ghɨm ghə shiə ə Sàmalyà tè ngɨmnə Fezhə̀ fa pfɨyn, pîza ghàyn ghɨə Njûsə̀ ghɛ ə pî nə, Njèlusalɛ̀m nyi eluʼ vɛ ə nə ngɨmnə Zhə̀fè ətəyn.”